Felictation of successful khangthahs

Tuni 14/06/2015 suunnung daah 1:30 in Simte Inn, Simveng ah KZP, GHQ saina in 2015 a KZP member Pawl X & XII lohchingte kipaahpihna hun zat hi a, hihun ah Pawl - X pass mi 41 leh Pawl - XII pass mi 19 telna in mipi 150 vel ding paikhawm hi.

Hi hunzatna ah Tv Luckson Simte in conduct hihna la in, Pu Thomas Simte, President KZP GHQ in vaidawnna thugen hi. Pu Pauzamuan, Proprietor Muan Coaching Centre in khangthahte a ding in Career Talk nei in thu manpha tamtah gen hi.huleh KZP Education Foundation a Chairman Pu. T.Thangliansiam MSS in jong Meritorious Award tutaang pulaah na a neih baan ah Khangthah Lekhasim te adiing in thumanpha tamtah geen na nei hi.Chief Guest in Pu T.Goukhomang Simte, ZEO Churachandpur pang in, khangthahte hunzat siam mah2 ding, information technology changkanna zong a hoihlam a zatsawm haam2 ding, simlai ihihlai a over-confident louh ding chihte tel in, khangthahte ading a thumanpha tamtah gen hi.

Students Loching te nulepa te hunkhop apat a thugen na jng aum boh hi

Rev T. Chinkhangen, Local Pastor, NTBC, Simveng in Pathianthu tungtawn a khangthahte hasotna nei in, khangthah lohchingte ading in haamteina neihsah hi. Pastor in athugenna ah isum-leh-pai chouh a sawm-a-khat pelou in, ihun neihbang azong sawm-a-khat pethei lei lohchingna bulpi himah2 ding ahih dan gen hi.

Pu H.Chinmuanlal, Edn Secy, KZP GHQ lamkaihna in appreciation certificate hawmna zong um a, huzohin Pu Th.Pumzakham of Simveng in hunkhaah na thuum na nei in programme chu lohching tah a zat zoh ahi.

SimtePeople.com