Suan Ni Maw Promotion pai tou zel

19 March 2015 Lamka. Suan Ni Maw promotion pai tou zel a, tuni zinglam dak 11 in Suan Ni Maw Team te'n Press Conference nei ua, tua hun a Dr. Liangoumuan in Suan Ni Maw Team te mel lahna nei a, tua banah a 21st March 2015 chianga DVD honna ah mi teng chialna zong bawl hi. Social Worker CT Lian, ZOPA in singkung poimoh dan te genna zong nei a, Mwanlal Tunglut in Suan Ni Maw film tawh kisai aw bawlna tawh kisai a pan a lak dan te Press te mai a gen hi.

Tuni sunnung in Suan Ni Maw team ten School nih St. Mary School leh Young Learners School te vehna nei ua, tua hun a School principal te singnou a suan ding uh piak khiakna nei uhi. Tua banah thugenna hun leh lasakna hun tuamtuam zong nei uhi. Young Learners School pen ah Ccpur DFO Pu Khamsuanmung Tombing in zong uap thei a, huai mun ah aman YLS Principal nu singnou piakna nei hi.

Hongtung ding 21st March, Saturday zinglam dak 11 chiangin Dorcas Hall, Mini Auditorium ah Suan Ni Maw DVD honna om ding a, tua mun a kuapeuhmah hoh a DVD va leisak chiat dingin iki ngen ahi.  

More pics: https://www.facebook.com/media/set/?set=oa.826406310778811&type=1