FPL: ZLPM  FC KI SIALPI PUK; BJP VUALZOU

DDA Ground, Vasant Kunj, New Delhi mun ah tunitaklam dak 2:30 in Frontier Premier League 2014-15 matchday 6 na neih in omnawn a, Da Panther United toh ZuunLouh ParMawi match masa a ki sutuah in match nihna ah Bahut Jyada Pyar leh Dosti 04 te kisutuah uhi.

Da Panther United toh ZuunLouh ParMawi te kimawlna ah league table a thumna (3) luahlel Da Panther United in hun sawtkuamtak ana mansuah uh vualzawhna tuh, league a hihhoih mahmah leh table a nihna (2) luahlel ZuunLouh ParMawi tung ah ngah in 4:1 in ZuunLouh ParMawi ki sialpi puksak uhi. Hiai match ah title latheiding dinmun a ding ZuunLouh ParMawi defense line tuh Da Panther United in subuai zou petmah in bangmahlou suahsak ua, owngoal nihtak ZuunLouh ParMawi defense tuh khumsak hial uhi.

Match nihna ah league leader Dosti 04 leh tutak a form hoih mahmah Bahut Jyada Pyar te ki sutuah in, ZuunLouh ParMawi vuallelhna hun lemtang a la a point tamzaw mu thei dinmun a ding Dosti 04 te'n a tupna uh kuitung sak zoulou maimah uhi. Hiai match ah Bahut Jyada Pyar in 3:2 in vualzawhna laisuah ua, hiai league a vualzawhna a ngah masakna pen uh laisuah khong uhi.

Tuni a match result te et in league table nuailam a om team te ngeileng hatlam manawh semsem uh ahihdan kilang a, league table tunglam a omte ngeileng lungmuang tak a omtheilou ding uh ahihdan chiansak mahmah hi. Matchday 7 ahihleh 28 March 2015 ni a neih hinawn ding a, hiai ni in ZuunLouh ParMawi leh Bahut Jyada Pyar, Da Panther United leh Dosti 04 te kisutuah ding uhi.

facebook group: https://www.facebook.com/groups/696688453742260
facebook page: https://www.facebook.com/pages/Frontier-Premier-League-FPL