Lamka Football Academy (LFA) Honna Om

Tuni zingsang dak 7 in Lamka Football Academy (LFA) honna Bungmual Football Ground ah neih in om hi. Hiai hun ah Chief guest in Pu Langkhanpau Guite, Chairman ADCC pang a, Pastor D Kamchinmang, Local Pastor, EBCC Hiangtam Lamka in Pathian kiang ah latna nei hi.

Head coach Pu Lemlal in hiai Lamka Football Academy hong piankhiak theihna dan leh Lamka a Grassroots Football course saithei a a omna pen a sungkuante ziak liauliau leh football a lunglutna naktak a a support ziak uh ahihdante gen hi. Hiai LFA cousre masa ah naupang kum 6-12 kikal mite sinsakna hoihtak kha 2 sung piak hi ding ua, hiai pen mimal a honbawl ahihziak a course fee Rs 2500 la ahihdan leng gen hi. Hiai hun a training nuapangte' nu-le-pa ten leng kithuahpihna hoihtak peding in zong ngetna bawl hi. Hiai a training ding naupang mi 30-te kiang ah LFA in Jersey, Shorts leh i-card Chief guest tungtawn in piakkhiatna leng nei ngal hi.

Chief guest Pu Langkhanpau Guite in a thugenna ah, amah leng football lunglut mahmah ahihdante gen in, tuni a hiai LFA a sinsakna la ding naupangte hampha uh ahihdante gen hi. Amah hunlai a Pu Lemlal banga coach siamna sangtak nei ana om hileh, international football player bang ana hikha mohlou ding ahihdante gen hi. Cheif guest pu in football 4 a piak banah, kithuahpihna sum leng pekhia in a honna leng neizui ngal hi.

Hiai hun a paikhom student-te' suangkuante banah, mipite mai ah Head coach Pu Lemlal, coaching staff-te leh student ten vanzat tuamtuamte zang in Demonstration nei ua, paikhom mipite mit hiip mahmah hi.

Hiai hun ZoPa Pu CT Lian Guite, President BYC, CDSA, AMFA heutute leh mipi hunkhop in uap hi. Zingchiang akipan zinglam dak 6:00am-7:00am in Bungmual Football Ground ah training panta ding uhi. LFA a hong lohchin touhzel ding Zogam.com in deihsakna sangpen i pia hi.

Limlak Kim zaw: https://www.facebook.com/media/set/?set=oa.817427511676691&type=1

Zogam.com News Service