5th ZPL Zomi Nam Ni Football Tournament zatzoh hita
New Delhi 22 February 2015: Delhi leh a kimvel a pan ki pawl khawm "Less Me, More We" chih thupi pansan, football pek lunglut pawlpi - Zomi Premier League te'n kum 5 paisa a kipan ana sai uh ZPL Zomi Nam Ni Football Tournament a 5veina 20th February 2015 ni akipan Vasant Kunj B2 DDA Ground ah kimawlna ana sai uhi. Ni thum kizom in team 16 ten kimawlna nei ua, tuni 22nd February 2015 nitaklam dak 3:30 in Final match kimawlna zatzoh in om hi.
Semi Final masapen ah Zomi Warriors ten Khuangnung FC te 2-1 in zou ua, Final kai uhi. Semi Final nihna ah Naraina Brothers ten Zovontoi FC te 1-0 in zou ua, Final a lut uhi. Final match kimawl ma in organizer team ZPL te toh Zuun Louh Par Mawi (ZLPM) ten exhibition match nei ua, ZLPM ten ZPL te goal 1 in zou uhi.
Nitaklam dak 3:30pm in Naraina Brothers leh Zomi Warriors te final kimawlna hon nei ta uhi. Naraina Bros ten jersey ngou silh ua, Zomi Warriors ten Yellow jersey silh ua, ki mawl et nop mahmah mai hi. First half in Zomi Warriors ten penalty hon mu ua, goal khat hon khum uhi. 2nd Half ah Zomi Warriors ten goal nih khum nawn ua, Naraina Bros ten goal khum zou lou ua, zohna tuh Zomi Warriors te khut a om ta hi. Zomi Warriors ten 3-0 in Naraina Brothers zou ua, ZPL Zomi Nam Ni Football Tournament champion hih na la ta uhi.
A nuai ah prize winners tuamtuam leh sponsors te min te i taklang:
Best Goal Keeper - S. Karaiba (Zomi Warriors)
Prize: Rs 500 + Memento
Prize sponsored by Albert Hangzo, ZPL
Top Scorer/Best Striker - Mimin (Zomi Warriors)
Prize: Rs 500 + Memento
Prize sponsored by Khamthianmung & Family
Man of the Tournament - Pauli (Khuangnung FC)
Prize: Rs 500 + Memento
Prize sponsored by Zogam.com
Runners Up - Naraina Brothers
Prize: Rs 7000 + Trophy
Prize sponsored by Stephen P. Doukhanlun in memory of (L) Mrs. Neilam
Winner - Zomi Warriors
Prize: Rs 12000 + Trophy + Medals
Prize sponsored by Stephen P. Doukhanlun in memory of (L) Mrs. Neilam
Medals sponsored by John Lal Guite & family
Organizer ZPL ten hichi bang tournament kum 5 bang tatlou a hon saina tung uah phathuai kisa a, mailam a zong hiai sang a hoihzaw a hon sai touh zel uh i deihsak ahi.
ZPL damsawt hen!
MORE PICTURES: https://www.facebook.com/media/set/?set=oa.810594389026670&type=1
