Ka Zo Zaideih Video Album Honna Om

14th Feb: Tuni zinglam dak 11:30 in Ka Zo Zaideih kichi Video Album honna YPA Hall, Hiangtam Lamka ah neih in om hi. Hiai album honna hun ah Chief guest in Pu Langkhanpau, Chairman ADCC pang a, Album honna leng nei ngal hi. Album latna Pastor K Vumzathang, Local Pastor, Bethlehem EBCC in nei hi.

Guest of Honours leh Chief Host in Pu Lal Hosan, EM/ADCC, Pu Kamsuanlun, EM/ADCC leh Pu N Thangzamawi, President, YPA, Lamka Unit-te pang ua, banah Special Guest in ADCC member teng pang uhi. Lasiam tuamtuam in hiai hun ah lasakna nei in paikhawm mipite bil taitak in koih uhi.

Hiai album a late Pu Rosang Valte in a phuah ahih banah, video teng leng a ma director hihna nuai a ki bawl leng ahi hi. Hiai hun Pu Thankhosuanmung, Chief of Hiangtam Lamka inntekna nuai a zat inleng om hi.

Hiai Video Album a lasate ahihleh:
1 Vungkhanching
2 Stephen Mang
3 Grace Siamte
4 H Biakson
5 Mary Biakching
6 Joshua Hahau

Video Album tuni a zuakpat hi ngal dia, Lamka khopi sung mun tuamtuam ah Rs 150 in muhtheih ding hi.

Zogam.com News Service