ZAA Saina In Zomi Idol India 2015 1st Level Audition Hunzatna Om
Organizing Committee makaihna nuai ah Zomi Idol India 2015 1st Level audition hunzatna tuni 31st Jan sun dak 12 in Zogal Hall, Zo Veng ah neih in om hi. Hiai hun ah Chief Guest in Pu Langkhanpau Guite, Chairman ADCC pang a, Guest of Honour leh Functional President in Pu Lal Hosan, EM/ADCC leh Pu Minboi Vaiphei MDC te pang uhi. Amauten thugenna hun saulou chiat nei ua, Zomi Idol India kithuahpihna dakbawm piakna leng neichiat uhi.
1st Session ah Zogam Artiste Association (ZAA) a kipan lasa siam, Pu B Muan Ngaihte, Pu Elson, Pu Muan Hangzo leh Pu Daniel Gangte ten paikhawm mipite leh live a entute siamtak in zaila in entertain uhi.
2nd Session ah contestant mi 30-te' Judges Pu V Siampu, Pu Stephen Mang, Pu LL Muana leh Pu Benny Khongsai-te etkhiatna nuai ah siamtak leh chitak tak in lasak kidemna nei uhi. Top 30 tan a kidemna a telte a siamlou lua chi a gending om nawn khollou uh a, lasak ngaihkhiat nuamlua ahihdan paikhawm mipite akipan in thutut kingah hi.
Tuni a contestant mi 30 kidemte lak ah mi 10 kia uh a, mi 20 2nd Level Audition adia telkhiat in om uhi. Tuni a telkhiat mi 20-ten 7th Feb, 2015 chiang in Simte Inn, Simveng ah 2nd Level Audition maituah ding uhi. Maban aleng kithuahpihna pezom touzel ding in Organizing Committee in ngetna leh chialna bawl hi.
Top 20 list:
• Roslyn Kimbuang
• Hnunhoih
• Zamkhawlching
• Lawmnakim
• Julie Thiembiekmoi
• Tracy Ngaihching
• T.Biaksang
• D.Mangboi
• Joycee Chingremsiam
• Mansiankim
• Chingngaihlian
• B. Khum
• Sangching
• Thangthiansong
• M. Rohminglian
• Hnunbiaklian Kullai
• Nasusi Nemdoikim
• Marlyn Kimlalmoi
• Lalboi S Ngaihte
• V. Khenmung
Zogam.com News Service
