Zan 11 December 2014 in Kangvai, CCpur ah Zillai Platinum Jubilee lopna zatzoh in om hi. Hiai hun ah Deputy Chief Minister Pu Gaikhangam in uap a, Vaiphei Student te nasep phat huai asak dan leh gam leh nam a dia muanna leh kituahna vanzat a hong hih tou ding uh hasuan hi. Dy CM in Zillai GHQ panpihna in Rs 1 lakh pia a, tua banah multipurpose community hall lam na di Tribal Affairs and Hills fund a ki pan chiam hi.

Outer Manipur MP Pu Thangso Baite in le hiai hun uap a, hun paisa a Zillai nasepte leh christianity tawh kisai a Ccpur a ma la masa pawl ahih dan uh zong gen hi.

Nitaklam program ah Agriculture Minister Md Abdul Nasir leh ADGP LM Khaute te'n le uap ua, tua banah MLA leh MDC poimoh tamtak ten zong uap uh hi. Nitaklam program ah Zillai Miss Platinum Contest sai in om a, tua hun a Bethsy Sennu, Shillong in Miss Zillai Platinum hih na la hi. T. Nunthar, Gotangkot in 1st runner up la a, Jenny Nenghoithem Suantak, Imphal in 2nd Runners up la hi.

Hiai Zillai Platinum Jubilee theih gige na dingin souvenir zong bawl in om hi.

Pictures from Khawvaiphei Fb Group.