August 4th, 2012: Hun bangtan hiam a pan a Freshers’ program I na geel uh nuamtak a zat zoh hita. Hiai hun uap ding in Delhi kilchih apan siamsin tamtak ISI Auditorium, Lodhi Road ah kipaikhawm a, freshers 26 tak hon kihel thei uh hi. Meet co-ordinator Paumuanlal Guite in zei deuh in program hon zeek a, opening prayer Pu K Thangzalun in nei hi. SSPP JHQ Delhi Secretary S Lianlalmuan in welcome speech nei in, SSPP JHQ Delhi vaipote & Advisory board-te mellahna nei a, pawlpi’n tutan a nna a sepkhiakte pulakna tomkim tak in taklang hi. Huaiban ah YPA heutu hong zinte putlak na leng nei bok. Artist-te makaih in mipi paikhawm te’n “SSPP Anthem” sak khawmna kinei zuazua hi. Sanmawi in siamtak a zaila hon awih khit zoh in, Education Secy in fresher-te putlakna nei hi.

Pastor Liankholal in fresher-te thumopna manphatak leh thumsakna neihsak in, gift piak khiakna nei hi. Special number Olivia in siamtak in hon sa in mipite biltai sak mahmah. Pu Mangchinkhup, Chairman, YPA Diamond Jubilee Committee in hun hon la in, Jubilee lopna di toh kisai highlight bawl hi. YPA in Jubilee theme dia “Introspect for Social Transformation” chih thupi a zang in March 3, 2013 in kilop sawm ahihdan gen in, aman SSPP JHQ Delhi panpihna di’n Rs. 3000 pe bok. Amah hunzat zoh in, Ninghauvung in ‘Life At Delhi University’ thupi a zang in practical talks nuamtak in hon present a, siamsin tamtakte a di’n navak huai. Aman a genna ah lawmpolh, sum-leh-pai zatdan, nek-leh-dawn pilvan poimoh mahmah chi. Senior-te toh interaction poimoh a, examination marks hilou in theihna mah poimoh ahihdan gen. I omna area fellowship-te ngai poimoh a telzel ding in fresher-te hasuan hi. Aman a zoh in Manlunkim in JNU life toh kisai presentation pia a, laisim kawm a sepna zongte a di’n JNU campus kankan omlou ahi chi. Mangchinzam in laa ‘What Faith Can Do’ chihla siamtak in hong awi ngiahngiah.

Teach Zodawn in a project uh toh kisai highlightna nei in, a tup-leh-ngim uh Zodawn a siamsin naupang gentheite panpih a, a siamna leh theihnate uh zil theihna dia panpihna piak ding chih ahi. Dimneih Songput pina in kipolhlimna (entertainment) hun nuamtak kizang.

Dr. Rose Nembiakkim, Asst. Professor, IGNOU in ‘What we expect from the students (from the teacher’s perspective)’ chih thupi pansan in siamsinte a di’n thu manpha tamtak genkhia. Aman siamsinte a dia poimoh a sakte ahihleh: i) Curiosity, ii) Inquisitiveness, iii) Quest for knowledge, iv) Attendance, v) Believing in oneself, vii) Non-judgemental attitude, & viii) Being focussed. Siamsin Delhi a omte’n I kaina college kiang mah a innluah a, kicheina leh van hoih mantam pipi silh lou zaw in laibu mah sim a pibawl ding ahi chi. Hiai zoh in special number Tete Biaksang in ‘Siamsinte Loungal’ laa hon awi hi.
Pu Biaklun Shoute, Chairman, Advisory Board, SSPP JHQ, Delhi in Exhortation Speech genna nei hi. Aman fresher-te naaktak a hanthawn in ‘First Things First’ mangngilh louh ding ahi chi. Fresher-te’n “Can Do” attitude nei a hahtak a hong pang ding in hasuan bok. Olivia leh Tete Biaksang in ‘Vangsel Zolei’ siamtak in hong sa uhi. Amau lasak zoh in Ginthanlian Valte, President JHQ Delhi in vote of thanks gen a, Pu Thangchinkhup Guite, Adviser, SSPP JHQ Delhi in thumna toh program khakna nei hi. Fresher-te fel in, frank thei ua, laisim thanuam chithei mahmah uh. Zingthou baih a, chihtakna toh a college kaina ua hong lamzang touhzel uh deihsak hang. A siamsinna ua hong lohching in, a tup uh mualsuah ding in SIN in, SEM in, ZUUN thei ngei ding in hanlung hong chiam uh hen.

Source: Siamsin Bullettin, August 05, 2012

All pictures by Rinawm Tonsing.

{rss uri=https://picasaweb.google.com/112770149271166954247/DelhiSSPPFreshersMeet2012 limit=100}