Tuhun IT khuahun luan zia tawh kizui-in, Electronic vante pen mihingte' nuntak khuasakna ah kisam vanzatte lakah peello a kizangden vanzat nam khat ahi hi. Tua bang mahin Electronic van tampi azang zo minamte pen minam khangtote ahi uh hi. Ei Zomite in zong pilna sinna le nasepna khat peuhpeuh ah zattang zang le zatcing dingin Zomi Electronic Dictionary cih set van
khat i nei zota hi.

Hih set van sungah Mikang laimal (Word) pan ei Zolai tawh akiletkhia laimal tampi kihel hi. Mikang laimalte pen Mikangte' awsuah (Voice) tawh zong kisin thei pah hi. American awsuah hi-in hoih mahmah hi. Tua banah mikang pau (English) sinna zong om hi. Gtn. khat le khat kimuh ciang kihodan, Vanleng tual or zum pai ciang pau dan ding, Meileeng khawlna phualpi ah pau dan ding...cih danin mun tuamtuam ah i tun ciang, zat theih pah ding a kisam mahmah kampaute kingah kisin thei pah hi.)

Tua ahih manin hih set van 'ZED' pen Mikang pau le lai asin nuamte adingin zat cing mahmah a, Zolai a thei nuamte ading zong hoih mahmah hi. ZCLS te bawl Tongdot bu bulphuh in '3BG Production' panin kibawl ahi hi. Hih ZED Set van pen nam nih (Model nih), "Zomi" model le "e520" model cih danin kibawl hi. "Zomi" model pen khat ciang $ 80 (Kawlgam ah Ks. 50,000) tawh kilei thei in, "e520" pen khat ciang $100 (Kawlgam ah lei le'ng Ks.75,000) tawh kilei thei hi. Hih Setvante tawh kisai alung lutte in kizoppih dingin a gamgam ah a nuai a bangin mi muanhuai hon khat vaipuak kipia ahih manin tua mite tawh kizomthei den ding hi.

Reported by: Cin Suan Kap, Yangon