THE 67th ZOMI NAM NI CELEBRATION CUM ZYA CHENNAI REGION GENERAL ASSEMBLY 2015, CHENNAI
Report by Muana Vualnam
Zomi Nam Ni a 67 veina Lamka khopi leh India khopi muntuam tuam leh tuipi gal mun tuam tuam a zata om bangin, Tamil Nadu khopi Chennai muna om Zomi ten zong ZYA Chennai Region malakna leh huaihotna toh nuamtak leh lawhching takin kizang zouthei ahih manin, Leileh Vanleh asunga thil omte siama Namte bawltu Van Pathian Zomite Pathian min phatin om hen.
Programme tuplawksa laitui leh laipuana suta om bangin hunzekpi te siamtak leh zeitak mai-in Tang David Pumthianlal Neihguk leh Lia Lam Samte te hon piin hon makaihtou ziah ziah phet uha. Hun zatsate nounel takin a point te Lia Niang khan Dim in ana gelhkhia in ana aat hi.
Hiai programme ah heutupa Major Thangson Shoute, Madras Regiment leh a inkuanten Chief Guest hihna toh Coimbatore apanin hong uap uhi. Pu Khuallian in Chennai a anungta Zomi lia leh tangte hasawtna leh hanthawnna nounel taka apiak banah, khopi sunga hinkhua zatdi dan leh PAWLPI omte leh SAHKHUA lam ngaihpoimawh dingin hasotna pia hi.
Chief Guest Pu.Thangson Shoute thugenna point te:
1. Zomi Chibai! Pathian leh hiai programe bawltute tung ah kipahthu ka gen hi. Lungsim a om thupi tuamtuam saulou in i gen ding.
2. “Diktatna in Nam a tawisang”. Hiai diktatna mimalmal in ataktak a i hinpih chiang in; Mimal, Insung, Khosung, Gam sung leh Ninam sawisang a om ding ahi hi. Athu kia a gengen sasa lou in ataktak in hinpih ta ni.
3. “Pankhawm Hanta ah”. (a) Pankhawn hatna ahi chih I thei chiat ua thil khat peuh a pankhawm ding ahi. Mimal hamphat nang leh heutu hih utman khawng a pawl neuneu a kikhen teltul louh ding, Nampi khat suah nang a pankhawm ding ahi. (b) Khopi a omte’n i mi leh sate lak a kipawlkhawmna ngaihsak a kihel ding ahi. Mahni butbut a butlouh ding ahi. Banghiam chihmoh mangbat leh sihna khawng tuah chiang a i miten ‘hiai nu/pa zong hiai a om ana hi maw’, achih uh thil zumhuai leh haihuai mahmah ahi. I mi i sate i ngaihnat leh ei zong ngaihnat a om ding i hi. Heututen mimalmal a ong zongkhe zoulou ding ahi. (c) Minam minsiasaktu a panlouh a, minhoihsaktu a pan ding ahi. Tua ding in michih in hanchiam ni.
4. Lohchinna Lampite: Lohchinna thuguk a om kei a hiai anuai ate michih theihsa ahi. (a) Tupkichian neih. Tupkichian neilou, zotna tumta neilou mihing pen koimah tung ngeingei lou ding hi. (b) Hahkatna (Hardwork). Sapten, “There is no substitute for hardwork”, achih uh dik mahmah hi. (c) Kipumpiak (Total commitment). I sep I bawl peuhmah a kipumpiak ding, tua hileh lohchinna ompan hi. (d) Thuak-hatna (Perseverance) : Lungduai tak a pan teitei zoute mah lohching hi. (e) Thilkhat va hih zual in aban sunzom peihlou, lunglut sung kia hih in lohchinna ong pelou ding hi. Consistency mah lohchinna dia poimoh ahi. (f) Tawpsan ken (Don’t give up). Lohchinna I chih pen atawpsan ngeilou mi ading ahi hi.
5. Kikhekna. Tua i dinmun apan a hoih zaw a kikhekna a om theih nang in mimal kikhek masak poimoh hi. Tua kikhekna in mimal-in sung-kho sung-gam sung – Nam sung hong zelhsuak ding ahi hi.
6. Kipahna. Kuamah a kipak utlou om lou ding hi. Kipahna eimah lungput ah kinga hi. Atangpi in mi diktat, ginom, chitak, muantak, thutak te kipak uhi, alungsim tawngpen uapan ki siamtanlouhna (guilty feeling) omlou ahihman in. Khovel a mi haupente akipakpen ahih uh gintak huailou hi. Mahni tan a lungkim theite mi kipak ahi uhi. I kipah ut leh kipah nang aziak tampi i mu dia, i kipah utkeh tuabang mah in aziak tampi a om veve ding hi. Na kipah nang na lungput (attitude) ah kinga hi.
Functional President dinga chiala om Pastor Wapang Toshi, President NIEWAC (North East India Welfare Association Chennai) in a thugenna ah Zomi Namte Nam hampha nahi uh, apaita nikuma panin Zomi Namte kanna study zeka, India bek gentaklouh Myanmar, Bangladesh banah overseas dapsuakin na om ua, tua tribe bing tuamtuamte napau naham uh ki theituah na hihna uah Nam hampha nahiua, hampha nahihlam uh nakiphawk ding uh kahon deihsaka, tuabang hiding hon siampa tunga lungdam nakouh manghilh keidi uh chih ka lametna ahi a na thiltup uh thupi kasa in hoih kasa mahmah hi, huaituh bang ahi hiam I chihleh Zomi Re-Unification Movement ahi chiin gen hi. Thamlouin India Home Ministry in Chennai khopia NE mite bitna ding ngimna a Forum bawlkhia dinga Delhi apana palai ahonsawl uh from the very beginning till date in Zomi Community Chennai ten, I heutu muan Brother Muana Vualnam leh brother T. Ginliantang panlakna toh full support na hon piak ziakua lawhching taka tua NE ten I welfare neihuh NIEWAC kipankhia theiin tuni tanin active takin kipai touthei ahihna ah, I heutute naktakin zahna ka pia hi NIEWAC sikleh tang in chiin Zomi Community Chennaite a back bone nahi uhi chiin genin heutute minlawh hi. Tamil Nadu government in NE Chennai khopia omte a dinga Nodal Police Officer Nih DGP Khat leh ACP khat ahon piakte uh laka ACP R. Sushil Kumar pen Nam Ni programme a Functional President dinga confirmation bawlsa himahleh, ahun takin hong kilang zoukei mahleh ahon awlmawh thu President Pu Muana Vualnam kiangah amah huntan hun achin kuanin hiai bangin SMS ana khak hi “Dear Mr. Muana, right now I am attending to the Legislative Assembly proceeding at the Secretariat. I am not even supposed to take my mobile here. Any way I am waiting for the proceeding to get over by 3:30 or 4pm. If its over by 4, I would definitely participate. If not kindly excuse me. Will call u to inform my program once the assembly is over. Thank you, Sushil Kumar.”
Programme zat ahih sungin ZYA Chennai Region 2nd General body election neih ahi a. Secret ballot system in mipi programme zanga paikhom ten 2015-2017 Executive term thaka heutu makaidi President, Secretary, Finance leh Treasurer di telna kinei hi. Hiai kitelpina a telching thaka om heutute hiai anuaia bang ahi.
President: Nangkhochinthang Valte
Secretary: Vumthianmuan Valte
Finance Secretary: Nehemiah Lal Guite
Treasurer: Kim Kipgen.
Programme ah Zomi Chennai Local Artist 10 val zetin zaila biltai huai taktak te toh zaiawi uha, National day Celebration band- The Rubber Band ten mipi lasak khom hunleh artist te poimawh bangzel in Live music siamtakin pii uhi. Tuabek thamlouin TCI Chennai, ZCF Chennai, BYF Chennai, New Life AG, IGSM (India Graduates School of Missionology) te apanin Choir, Cultural dances, Talent show (Drum & Electric Guitar) mittai huai leh Biltai huai taktak te et leh ngaihkhiak ahi.
MOre pictures: https://www.facebook.com/media/set/?set=oa.810710555681720&type=1
