ZOPA 2013 Programme Zatna Report Tomkim.
Reported by ZomiThuthang Newsgroup.

Amun: Dorcas Hall Guest House Mini Auditorium
A Ni: 8th March, 2014
A Hun: 12:30pm

Special Guest Pu K. Guite, Adviser ZRO a hongtun toh kituak in Programme pen 12:46pm in pat ahi. Programme patnung sawtlou in Pu LB Sona, Chairman Zomi Council hongtung hi. Special Artistes chial a om B. Muan Ngaihte leh Kim Joycee Vaiphei te hongtel thei ua, adang tegel Muana Hangzo leh Dony Guite te damlouhna ziak in hong tel theilou uhi. Hall dimdek phial mipi paikhawm hi. Pu V. Dongzathang, IRS (Retd) leh a azi le hongtel thei ua kipah huai mahmah, bana press & media tuamtuamte ten le hong uap uhi.

1. Program Host a pang Justin Simte, Admin zogam.com in vaidawn thugenna leh program simkhiakna nei hi.
2. Mipi paikhawmte B. Muan Ngaihte in zaila in hon awi ziahziah hi.
3. Message from Admins founder Pu Ginza Vualzong in a gelh simkhiakna Justin Simte in nei hi.
4. ZOPA 2013 leh a paidan toh kisai genna John Suantak, Admin in nei hi.
5. ZOPA 2013 Sponsor tute tunga kipahthu genna leh amaute simkhiakna Justin Simte in nei hi.
6. Lasakna Kim Joycee Vaiphei nei hi.
7. ZOPA 2013 sangtu Chintuahlian Guite @ C.T. Lian Guite toh kisai leh top nominees te genna Muan Shamte, Jury member in nei hi.
8. Lasakna B. Muan Ngaihte in nei a, Kalvari Khros laa awi ngiahngiah hi.
9. ZOPA toh kisai genna Dr. Biakdik Tombing, Jury member in nei a Award piakkhiatna le honsai ngal hi.
10. ZOPA 2013 Trophy kilawmtak K. Guite, Adviser ZRO in pekhia hi.
11. ZOPA 2013 Cash Award Rs. 15,000 leh Memento kilawmtak L.B. Sona, Chairman Council in pekhia hi.

12. Award sangtu C.T. Lian Guite in thugenna nei hi. A thugenna ah, a nasepte aman bang hiam lametna ziak a sem hilou a, a lunglutna sem hizaw ahihdan gen hi. Tua i govt administration system omsa pen a hoihlou hi hetlou in eiten i zuihdi bangtaka i zuih theihlouh ziak lela i gam uh buai ahi chih a ngaihdan gen hi. Zogam.com ten a hon deihna bang uaka hih theihna dandan a Zogam.com te Ambassador hih ka ut chi hi. Zogam.com in COMMENT COLUMN kichi hia CITIZEN ADVISE column kichi hia hon patkhiak zenzen uleh huaia counsellor khat dia pangnuam chi’n gen hi. A genzelna ah, kuapeuh in kholai ah PLEASE, SORRY, THANK YOU, EXCUSE ME chihte thangsak le chi hi. Gamsung hoihna ding thupi gen hi. A gen tawpna ding in Slogan- ZOGAM.COM hon chi a mipiten DAMSAWT HEN chi zuazua uhi.

13. Enes Shoute, Admin’ message Justin Simte in hon simkhia hi.
14. Lasakna Kim Joycee Vaiphei in hon nei nawn hi

15. Thugenna K. Guite, Adviser ZRO in hon nei hi. A thugente tamlou quote a nuai a bang ahi -
“Khovel a social evils om te kha dou thoh i sawm vettak ua, dou thoh lou a taisan di ahi zaw. Etsakna in Bible a Joseph in a puan ten tolh hial in sual a taisan.”

16. Thugenna L.B. Sona, Chairman Zomi Council in hon nei hi. A thugente tamlou quote a nuai a bang ahi -
“Tuni hiai programme tel di ziak a meeting poimoh mahmah All India Level Council meeting ka cancel. Ki awi hon sa mahmah uh. Khovel a ka lauh penpen te kimu khawm i hi.. media leh press te. Tuni in hall i dimkei na a, mi poimoh teng i kim. Ei Zomi laka family ngaihsan huaipen Pu Dongzathang te nupa bang tel, Zomi movement hon makaihtu Pu K. Guite bang om thei.. thupi lua ahi. 3WZC a Zogam.com in pan na lakna te uh thupi kasa ua, nou media te ziaka khovel muh leh theih dinga kitheh zaak ahi. Zomi leh zogam a dia na role uh poimoh lotel ahi. Nou na mut dandan ua thilpai hisim ahih ziak in na role uh na theih siam ua pilvang taka pan nalak uh poimoh ahi. ZOPA bang le hoih kasa a, non sai touh zel ua field tuamtuam bang le non uapsak uh kon deihsak ahi.”

17. Lasakna B. Muan Ngaihte in hon nei non hi.

18. Thugenna Dongzathang, IRS (Retd) in hon nei hi.
Aman a thugenna ah. gam dang Delhi leh mun tuamtuam a i om chiangin Zogam.com phattuam dan ki thei ahi chi. Lamka a niteng simthu te a hun a simtheih a ompen kipahhuai a, Zogam.com pahtak huai kasa chi hi.

Zogam.com ten mi theih phak a thil non sai uh kon kipahpih mahmah a, a hoih pen na telkhiak ua pan in a hoihloupen bang le hon telkhe ngam le uteh i chi ahi chi hi.

Tulai i society ua i thil saidan uh self inflicting kasa. Nget khat i neih chiang un bandh, strikes leh blockade khong i bawl ua, solkar hetkha a su khase di bang i sak uh leh solkar ten poi sa hetlou uh ahi. Ei leh ei kigawt lel ihi a, makaiten i demand te uh a baihzaw lam leh channel dikzaw a ngetna bawl di dan ngaihtuah thak hoih kasa chi hi. Gal lah ki nei nawn lou phot ahi a. Tulai a diklou tak a na sem te ZRA te houh in hon dou mai le uh hoih kasa chi hi.

19. Dak 3 leh minute 6 gin toh kituak in Vote of thanks genna John Suantak in hon nei a programme feltak a zohsiang ahi. Refreshment in zui hi.

FOR MORE PICTURES visit our Facebook group: https://www.facebook.com/media/set/?set=oa.614084892010955