NE PROTEST A TELDIA CHIALNA
New Delhi, February 13, 2014

Hun sawtpek apat i na thuaktouh uh himahleh tunai in mel-le-puam leh chi-le-kuang ziak a kideidanna, kisimmohna, kimuhsitna te Delhi ah hong uang mahmah hi.

January 25, 2014 in Kotla Mubarakpur ah i sanngam numei nih, Tharmila Jajo leh Chonmila vuak in om uh.
January 29, 2014 in Arunachal Pradesh apan i sanggam uh Nido Tania, mulkimna bei a thah in ana omta.
February 8, 2014 in Munirka ah Naunu huham tak a pawngsual in hong om.
February 9, 2014 nitak in Madangir ah i sanngam tangval 2, Ginkhansuan Naulak & Vumsuanmung Naulak, amau' hihkhelh bangmah om hetlou a soisak leh vuakliam in om ua.
February 11, 2014 zingsang in Saket area ah Gl. Khupsiamgen nasatak a soisak in hong om nawn.

Hiai bang a vangsiatna tuak i sanggam te i suunpih a, i hehpih a, i thuakpih mahmah ahi. Hiaite, amasapen ahihlouh bang in a tawpna hong hilou diing hi. Huaiziak in, India mite' zaak diing leh Parliament a i vaihawmte' bil doh di'n nasatak a thawm ineih uh ngai ahita.

Racism, racial discrimination, racial attack, hate crime leh adangdang te mohpaihna in leh maban a eite adia banglam peuh a bitna a hong omtheihna din Sintawpni, February 14, 2014 ziinglam dak 11 apan Parliament Street, New Delhi ah protest thupitak neih kisawm hi. Hiai ahihleh JNU a Northeast students te leh Delhi a Northeast student organisations teng pangkhawm a kisai ahi.

Siamsinpawlpi mi-le-sa, u-le-nau, nungak-tangval, nu-le-pa, kuapeuhmah, hiai protest a tel di'n i kingen in i kichial ahi.

South Delhi apan paina diing bus, JNU a SSPP members te'n sai ua, hiai toh kisai thuchian anuai a min kipiate' tungtawn in hungaih ni:
K Muanthang Ngaihte - 9654660172
Dada Tonsing - 9718225434

Dress Code: Ahihtheih leh Paite Puandum/BA Puan baat thei chiat le.

Sd/-
SSPP-JHQ,Delhi