FINAL CANDIDATES FOR ZOPA 2013
Nomination mi 9 honglut omte akipan in Jury member ten hihtheihtawp suah in hon velchian ua, paihding pen leh lakding pen theilou khophial in buaimahle uh hiai ah azahtakhuai heutu 4 te mipite vote theih ding in luikhiaktheih in omta hi.
1. C.T. Lian [SMS Code: CTL]
2. M. Kamminthang Guite [SMS Code: KMT]
3. Pauzagin Tonsing [SMS Code: PZG]
4. Thangboi Singto [SMS Code: TBS]
Amaute achinpen leh asiampen hikeimahle uh anasep un mite lungtang khoikha atheih ahihman un Zogam.com in ina patkhiak uh Person Of the Year 2013 Award sangthei ding in I khawtang uah nasem uhi. I taklak khiak taksa mahbang un, mipin vote in 60% apaw dia, adang 40% Jury te khut ah alut ding hi. Tuni akipat in SMS voting kipanta ahi a, akipiak zohna manpha, mite adia etton tham ching ahi na chih penpen vote theihna hun Feb 28, 2014 tan kihong ding ahihman in, hiai selection ah kihel mangngilh hetkei inla tumahmah in na vote manpha khengal ding in ka honchial uhi.
HOW TO VOTE:
Send an SMS to 56767 in the format "ZOPA <CODE>”.
Example:
If candidate’s SMS code is ABC, send ZOPA ABC to 56767.
*Premium SMS charge of Rs 3 may apply.
*One vote per one phone number.
C.T LIAN GUITE, Social Activist. [SMS CODE: CTL]
[C.T. Lian - initiating social consciousness and innovation:
He introduce a concept of self reliance with innovative ideas for development. His take on social issues brought awareness to the people]
Khawtang dengdel takmai aom tunding sawma awlmohtaka nasem ineihte uh laka khat ahi. 10th Manipur Assembly Election 2012 in 58-CCPur A/C ah Independent Candidate in ana ding ngeita hi. LATSEA (Lamka Traders’ & Self-Employed Association) ah Chief Co-ordinator hihna len in khopi sung ah vanman leh a standard hoihtak in enkai uhi. Thakhat a vanman hong khangzel pen hihniam ahihteihna ding in pan naktak in la uhi. Tua ban ah khosak na haksa zaw deuh leh innmun neilou te a ding a inn neih theih na hi dinga pawl kibawl Lamka Building Society kichi ah Managing Director hihna lel hi. Nipini tenga suak Manipur Express Sunday Supplement ah Executive Editor hihna lena khawtang khantouhna dinga program tuamtuam omte ki taklang zel hi. Lamka khopi sung ah gari hekpeuh in Helmet zat ding chih naktaka a tangkou pih ban ah Vehicle High Security Registration Plate program ah leng naktak in kihel hi. Sualdouna ah naktak in kihela, June 2013 a Khuga Dam sex scam ah FIR bawltu in panga, mipi hin pawlpi tuamtuam hitaleh anasep kithuahpih in Lamka Police station ah leng kiphinna nasatak mai ana omta hi. Tuate ban ah Business Consultant in Agape Mission Credit Co-operative Society (AMCOS) ah panga, Resource Person in Nehru Yuva Kendra (Voluntary) ah leng pang hi. C.T Lian Convenience Store kichi ah aneitu hi a, innsung vanzat poimohte adeihte kiang ah va hawmzak zel hi. Aman khawtang kikhekna lam tuamtuam a ahong omtheih na ding in social networking site/forum khawng ah naktak in khangthakte lak ah tangkou hi.
A nasep khiaksa te apan ettontak leh ziltak om hi a na theih a, Zogam.com Person Of the Year Award 2013 sangtak hi a natheih aleh na mobile ah ZOPA CTL chih type inla 56767 ah SMS khak in.
M KAMMINTHANG GUITE, Director, Amazing Grace Babies Home. [SMS CODE: KMT]
[Kamminthang Guite: a father to the fatherless:
He gives parental care and love to the orphans. His abandoned children home not only touches the heart but is an exemplary act in response to the call of UN rights of the child]
Nu-le-pa neiloute Pa, a piantung akipan enkoltu ding neiloute enkoltu ineihte uh laka khat ahi. 25th April, 2009 in naungek si dinga omlaite a ngaih ngamlouh ziakin itna tak toh Amazing Grace Babies Home (Abandoned Babies Home) kichi ana pankhia hi. Amah tuppen ahihleh naungek kemtu ding neilou, kuamah deihlouhte piakkik louh dinga ta-le-nau bang kep piching ding chih ahi. Tuni chiang in naungek 7 bang ana hunkheta a, huaite lak ah 2 taneitheiloute kiang ah ana peta hi. Sponsorship/Funding chihte muhna nei hetlou, anek ding uh kizongtawm ahih ban uah deihsaktute leh Pathian kithuahpihna toh tunitan lamzangtak in enkoltou thei hi. Sunkhua zankhua in azi toh naungekte kem in buaiden uhi. Pathian khut a kinga mi ahi a, pawlam apan panpihna zonglou, panpihtu le hire lou, koi mah aleng panpihna ngen a tai ngeilou himahle uh Pathian in angawla aom ding uh phallou ahihman in ahun bangzel in panpihtu ding pai hi. Thil bangkim ah Toupa khut akilat theihna ding in koimaha panpihna zong ngeilou hizaw hi. Amah ahihleh Tagah akipan khanglian, tagahte itna, awlmohna leh veina sisan a belhmi ahi.
A nasep khiak apan ettontak leh ziltak om hi a na theih a, Zogam.com Person Of the Year Award 2013 sangtak hi a natheih aleh na mobile ah ZOPA KMT chih type inla 56767 ah SMS khak in.
PAUZAGIN TONSING, Director, TMI. [SMS CODE: PZG]
[Pauzagin Tonsing – transforming lives:
His work in rebuilding the lives of the differently abled children touches the hearts of many. Widely recognized, he is the first and the only person to set up a disability school in South Manipur]
Naupang apiantung akipan bukimlouhna neite adia hinna thak tunthei dia nasem ineihte uh laka khat ahi. Kum 2005 in gil agah goutan kipahhuaitak tapa piak in aom hi. Vangtahhuai tak in akhua muhtheihna hoihlou munchih mualchih ah ahihdam dingdan ngaihtuah in buai mahleh lohsam hi. A tapa hong khanglian dia, alawm avualte ombanga hong om utsam ding chih angaihtuah na toh piankena bukimlouhna nei, hihtheihna chituam deuha siam aom (differently abled person) khenkhat kimpuhpih in The Malsawm Initiative (A School for Children with Special Needs)/Center for Community Initiatives kichi hon phutkhia hi. Hiai School naupang 10 vel bukimlouhna tuamtuam, khawmu theilou, zatheilou, pautheilou chihte hon kaikhawma hinna thak toh leitung hinkhua zang ding in lamtuamtuam ah siamna zil hon panta uhi. Hiai Initiatives pen pawlam apan panpihna muh omkei mahleh deihsaktu tuamtuamte pahpihna toh masawn mahmah hi. Hiai naupang ten maban lametna bangmah neilou, lungkham leh mangbanga hunzang ding himahleh hiai Inititives tungtawn in khawvakthak hon mu ua kipahna thak tampi toh simna hon sin uhi. Midangte adinga akipiak zohna, khanvual phaloute a awlmohna ziak in UN Resident Coordinator, Lise Grinde in United Nations Award khat sang dinga nominate aom ahihdan July 2013 in ana genta hi.
A nasep khiak apan ettontak leh ziltak om hi a na theih a, Zogam.com Person Of the Year Award 2013 sangtak hi a natheih aleh na mobile ah ZOPA PZG chih type inla 56767 ah SMS khak in.
MR. THANGBOI SINGTO, Head Coach, Shillong Lajong FC. [SMS CODE: TBS]
[Thangboi Singto – encouraging youths:
Sports and sportspersons are the face of a region , a community to the outside world. He is an example of Sportsmanship that can bring change in the people’s perspective and outlook]
Khangthak kimawlmite adinga ettontak mahmah ineihte uh laka khat ahi. NE a Football club minthang leh suanhuai mahmah Shillong Lajong FC a hunsawttak Assistant Coach ana let nung in Head Coach dia dopsang in nikum in ana om hi. Siamna lam ah 1992 kum in Degree in Physical Education, Maharashtra ah Topper hihna ana la a, PG in Physical Education mah 1997 kum in Gold Medallist ana hita hi. NE mite lak ah National League Football team te coach theihna dinga “A” License nei mi 2 oma, tribal mite lak ah amah kia hilai hi. Tulel a Indian Premier I-League kimawlna ah Shillong Lajong FC team te Head coach in pang hi. Tuailaite khantouhna ding leh kimawlna North East a masawnna ding in pan naktak in la a, vualzohna leng tamveipi a club un ana lata hi. India gamsung pumpi a NE mite kimawlna a mite mitsuan leh phawktham ahihtheihna ding a lamsialtu khat ahi a, kimawlmite mitsuan leh etton hong hita hi. Mun tuamtuam aom khangnou kimawlmite a club ua kimawl ding in kaikhawm a, pautuam, chi leh zat tuamtuam himahleh uh amaute toh unau, sanggam khat bnga omkhawm in thathohna, kuhkalna, kipiakzohna leh mahni-kithununzohna chite tuh in mite adinga etton tak khat hong hi hi.
A nasep khiak apan ettontak leh ziltak om hi a na theih a, Zogam.com Person Of the Year Award 2013 sangtak hi a natheih aleh na mobile ah ZOPA TBS chih type inla 56767 ah SMS khak in.
HOW TO VOTE:
Send an SMS to 56767 in the format "ZOPA <CODE>”.
Example:
If candidate’s SMS code is ABC, send ZOPA ABC to 56767.
*Premium SMS charge of Rs 3 may apply.
*One vote per one phone number.
Team Zogam.com.
Email: This email address is being protected from spambots. You need JavaScript enabled to view it.
ZOGAM.COM| Bridging the Zomis.