Lamka pansan i Cable uh Angel’s Vision in khawtang a buaina tuamtuam omte awlmohna ziak in September 6, 2013 apan ANGEL’S VISION THUKUP chih thupi zang in nipikal khat sung a sintawpni, nitak dak 8:00 PM teng in Angel’s Vision Local Programme tungtawn in patkhiat leh khahkhiat kisawm hi.

Hiai program ah tulai a haksatna tuamtuam omte, khawtang, sahkhua-biakna, politics, development leh tawndan-ngeina toh kisai thupi telkhiat a omte kikupkhawm hiding hi. Hiai program pen mimal/pawlpi demna ding hilou a, discussion tungtawn a mailam hun a ahoihlou apan ahoihzaw lampi zuithei a, i paidik sem theihna ding uh ngimna ahi.

Tutung i topic ding uh ‘LAMKA KHOPI SUNGA TRAFFIC RULE LEH KONGZINGTE’ chih hiding a, igam-inam bawlhoihna ding a hiai toh kisai Constructive deuh leh ngentel deuh a ngaihdan neite’n mobile no +91 8794 117 809 leh +91 9856 533 720 ah sintawpni zinglam dak 10 tan a muhman ding a hon SMS di’n kon ngen uhi. Banah, SMS a lemtan keileh leng laipuan ah omna, min diktak gelh in Angel’s Vision office ah apiak theih ding hi. Himahleh chiamnuih hiam mimal, saptuam leh pawlpi demna dana thukup bel pom ahikei ding.

I khotang hoihsem a, a khansemna ding leh mipite’n i phattuampih theih ding uh i ngaihdan hoihtakte kuapeuh kikumkhawm siausiauni hang.

Kakipak uh e!!

Proprietor
Angel’s Vision