Young Paite Association in March 2 & 3, 2013 in YPA HQ Hall, Hiangtam Lamka, Lamka ah a kum 60 chin Diamond Jubilee lopna thupi tak a neih hi diing hi. Khentuam neilou phatuamngai pawlpi ahihna ah hiai hun toh kituak a saptuam, pawlpi tuamtuam, leh mimal in program dang ana bawl lou a, kiphinna leh hiai hun nawngkai sak thei diing thil ana sawmlou diing in kingainiam tak kawm in ka hon ngen uhi.

March 2, 2013 suun hun in Pupa Tawndan zuunna hun a zat hi diing a, a tel di peuh in pupa kicheidan ngeinate a analh theipen a kichei a kuan diing in i kingen ua, nitaak hun in Zaila Awih lungleen hun hi diing hi. March 3, 2013 pen YPA kiphuhkhiak ni ahih toh kiton in Pathian kiang a ngaihdam ngetna, kipahthu genna leh hun hong tung diing a ki-apkhiakna a zat sawm ahihman in Pathian biakna YPA HQ Hall ah neihkhawm diing ahi.