Diamond Jubilee Thupuak

March 3, 1953 in makai masa-te lunggeelna takpi in Young Paite Association (YPA) chih minvuah in genthei-haksa a panpihtu ding pawlpi phuhkhiak ana hi hi.

Tung Pathian piina liau-liau in ei Zomi-Paite kampau te naktak a masawn in India khawpi Delhi ah tampi-te’n siamna zil leh nekzonna sepna nei in khosa in i om uh. A changin, natna-sihna leh buaina tuamtuam zong tuah zelzel in hong om hi. I mihinpih itna nei nam a piang ihih man in, hiaibang hunte ah lungzing-lusuunte thuakpih in iki dawnzang uh. Khawpi lian ahih dungzui in kivaipuakna kizen leh fel poimohna lian mahmah in, September 17, 2001 in Delhi khawpi ah YPA Joint Headquarters phuhkhiak ana hi hi. Huan, September 29, 2001 in kivaipuakna lemtang zaw deihna in Delhi YPA nuai ah North Delhi Unit leh South Delhi Unit phuhkhiak ahi. Delhi YPA member michih kipiakzohna leh phatuamngaihnate toh kithuah in Delhi YPA Jt. Hqtrs. makaite’n panpihna nnasep – natna/sihnate ah, mimang zonnate ah, tagah buai hutkhiaknate leh adg. dg. ana semtou thei hi.

 Siamtu piina in hiai pawlpi kum 60 a piichin ahih toh kiton in, YPA Headquarters in thupi taka Lamka khawpi ah YPA Diamond Jubilee lopna hongtung ding March 3, 2013 in neih sawm hi. Hiai hunzeek lawhching taka zat ahih theihna ding in, Delhi YPA Jt. Hqtrs. mohpuakna liantak Jubilee T-Shirt bawlkhiak ding piak in om hi. Delhi YPA memberte pangkhawm in, hiai mohpuakna hih buchin ahita. Hiaibanga michih kuapeuh pangkhawm a, a kuulna mun a panpihna nnasep semthei dinga i pawlpi in kum 60 bang muthei ding chiamteh tham ching sak ahi. Huai dingin March 2 (Kiginni), 2013 in Delhi YPA Jt. Hqtrs. in hunzeek kibawl in, kuapeuh tel siau-siau dingin leng theisak ngal hi.

Hun paisa a itna toh phatuamngaihna i suahte uh ziaka hiaitan tung ihih dan sial thakthak in, maban ah leng hahkat zawsem ni. I belh Toupa’n ‘Na ki it uleh mi’n ka tate nahi uh chih thei ding uh ahi ngala’ chi ahih ngilh lou in ki dawnzang tuah chiat ni maw!

YPA damsawt hen!     ________________________________________________________

Election Notice

March 2, 2013 YPA Diamond Jubilee lopna hun ah YPA South Delhi leh YPA North Delhi vaipo ding [2013-2015] tel na neih ahi ding. Telding te: President, Secretary, Fin. Secretary leh Treasurer.

Unit member kuapeuh in a om na unit vaipo ding nomination [seconded by two members] election hun tan a bawl dia nget ahi.

                                                                           Sd/

                                                      Election Commission

OFFICE OF THE

YOUNG PAITE ASSOCIATION, JT. HQTRS, DELHI

THEIHSAKNA & CHIALNA

Hongtungding 2^rd March 2013 (Kiginni) in YPA Diamond Jubilee (1953-2013) lopna Mizoram House, Vasant Vihar, New Delhi ah neih ahi ding.

Hiai hun ah Diamond Jubilee T-Shirt compliments piakkhiakna, Diamond Jubilee message leh thugenna YPA Patrons leh Val-Upate apan om ding. Huan Jubilee lopna nitak annkuang umkhawmna leng om ding hi. Zogam Artist minthang taktakte apan Special numbers leng om ding hi. Delhi YPA akhantouh dungzui in West-Delhi Unit thak honna leng hiai hun ah omding hi.

Kuapeuh hiai hun zangkhawm dia hongtel ngeingei di’n YPA Joint Headquarters, Delhi executive body sik leh tang in ngaina takin chialna kon bawl uhi.

             Noute toh semkhawm

NIANGKHANNEM                    THANGZALUN KHUPTONG

        Secretary                                               President

 _________________________________________________

Diamond Jubilee Celebration

Venue: Mizoram House, Vasant Vihar, New Delhi

PROGRAMME

3:00 – 7:00 PM

Conductor                      - Pu L Ngulminthang, Vice President

Opening Prayer               - Pastor G Kamzamuan,

Recording Secretary        - Pi Dimpi

Presidential Address        - Pu Thangzalun Khuptong, President

Secretary’s Report          - Pi Niangkhannem, Secretary

Diamond Jubilee Message - Pu L.T.Ngaihte, IFS, Patron, YPA

Speech                           - Pu Vumlunmang Vualnam, IAS, Val Upa

Speech                           - Pu Thangso Baite, MP, Hony.Val Upa

Unitte Election                 - Election Commission

Telchingte thumsakna      - Pastor Nenglian Vualnam

Vote of thanks                - Pu Haukhenpau Guite, Vice President

Tawpna thumna leh Annkuang latna - Pastor Liankholal,

Artist Special No. pedite: Pivung, Lian Parte, Ching Lydia, Florence  Sonkim, Muan Hangzo, Hangkhanlian.