Electoral Rolls, Special Summary Revision 2018 kipan: CEO Manipur
Polling Stations 44 kisiamdawbe lak ah Churachandpur ah 5

Imphal, Sept. 1 *(Nisin Thuhiltu)* : Special Summary Revision 2018 tuni ah kipanta leh 31st October, 2018 tiang ah chiapi hiding in, CEO, Manipur P.K. Singh in tuni’n Chief Electoral Office, Lamphel ah press Conference in a puang hi. Zia hunsung a chu kua hitaleh enrol, delete, corrections leh constituency khat a pat constituency dang ah kichawn (transposition) te’n Booth Level Officers ahiloleh akisaipi Electoral Registration Centres te kiang ahiloleh online ah application form download ah apply bawl thei ding uh tin a taklang hi.

Enrolment thak te ding ah 01-01-2019 tiang ah kum 18 hi ngai ding, Manipur Assembly Constituency 60 ah polling stations zosia Voter Verifiable Paper Audit Trial (VVPAT) Machine mat hiding a hidan gen in, Assembly Constituency zosia draft Electoral Rolls print kibawl, ahiloleh DVD ROM ah kikawi te a thawn ah National leh State political party te piak hiding, EROs/ AEROs leh Booth Level Officers te kiang ah draft Photo Electoral Rolls etchian thei ding in a gen hi. Chun, Draft Electoral Roll dungzui ah State sung ah EPIC Coverage, total Electors 1906249 um, zia lak a chu pawsal 928857 leh numei 977392 um in a gen a, Electors 6,610 te Electoral Photo ID Card (EPIC) print bawl ding leh 25th January,2019 ah National Voter’s Day ah piakdawna nei ding ah guanggalna um in agen hi. Chuleh, state sung ah Polling Stations 44 siamdaw thak ah um a hidan gen in, zia lak a chu Imphal West ah 12, Bishenpur-1, Thoubal- 8, Ukhrul-1, Senapati-16, Tamenglong-1 leh Churachandpur ah Polling Stations thak panga (5) um in a gen hi.

UNC demand thu ah Political Level Tripartite Talks nei

Senapati, Sept. 1 *(Nisin Thuhiltu)* : Government of India; Government of Manipur leh United Naga Council (UNC) in tuni, 1st September 2018 zingkallam dak 11:00 in DRDA Conference Hall, Senapati District Headquarter ah a 8 veina ding in Political Level Tripartite Talks a nei hi. Satyendra Garg, Joint Secretary (NE), Ministry of Home Affairs, Government of India in Political Level Tripartite Talks mapui in, Government of Manipur palai hina tawh V. Hangkhanlian. Minister Agriculture, Veterinary & Animal Husbandry; N. Kayisii, Minister Tribal & Hill Affairs Development, Fisheries; Thokchom Radheshyam Singh, Minister Education, Labour & Employment; Athem Muivah, IAS, Secretary (TA & Hills), Govt. of Manipur leh T. Ranjit Singh, IAS, Secretary (revenue/CAF & PD), Govt. of Manipur te’n a uap ua, UNC apat President UNC, Gaidon Kamei, General Secretary UNC S. Milan, All Naga Students' Association, Manipur President Joseph Adhani leh Naga Women's Union President Asha Wungnam te’n a uap ui. Zia kihona a chun, Manipur government palai te’n avaima theilam ah bangpen chiapi ah pha a hi em ti next meeting ah a puaklut theina ding ua hun piakbe nalai ding un dawtna a siam a, State Government in UNC lung-awilona hiatpi kawm ah maban ah kihona nei zawm hiding leh December 2018, hapta masapen sung ah next meeting nei ding in lemsakna a nei ui. Hiatthei khat chu, UNC demand thu ah March 19, 2017 in Political Level Tripartite Talks masapen a la kipan hi.

India Post Payments Bank, CCpur Branch hawng

CCpur, Sept. 1 *(Nisin Thuhiltu)* : India gamsung pumpi huap ah tuni, 1st September 2018 in India Post Payments Bank (IPPB) hawn in a um hi. Prime Minister Narendra Modi in Talkatora stadium, Delhi ah India Post Payments Bank (IPPB) hawnna nei in, State leh District level tiang in India Post Payments Bank hawnna a um hi. Zia chu tawh kitawn in Synod Hall, IB Road, Churachanpur ah India post payment bank IPPB CCpur branch saina’ India Post Payments Bank hawnna a um hi.
Zia hun chu, Lunkhomang khongsai, MPS Additional SP Law & Order in Chief Guest hina tawh a uap a, Thangboi Gangte, MCS SDO CCpur in Guest of Honour hina tawh uap in, Mohd Nasir Ahmed, Sub Divisional Inspector of Post Offices, CCpur Sub division in functional president hina tawh a uap hi.

Mang Taithul in hun matna mapui in, khuallian ten candle lighting bawl in, India Laapi National Anthem in zui in, K Fabian Chingri, Manager Area Sales, IPPB CCpur branch in keynote address bawl in, khuallian-te apat in thugenna a um a, Projector mang in Live ah Prime Minister Narendra Modi in Talkatora Stadium New Delhi ah India gamsung pumpi ah 650 branch leh 3, 250 access point ding a hawndawna sua in a um hi. Zia nung a chun, Chief guest Lunkhomang Khongsai, MPS Additional SP Law & Order in IPPB CCpur branch hawndawna nei in, khuallian Lunkhomang leh Thangboi Gangte kiang ah QR Card piakdawna a um a, Lienminthang Singson, Postal Assistant Ccpur Mukhya Dak Ghar, DMG in kipakthu genna nei in hun amang zo ui.

IPPB CCpur branch hawndawna hun chu student leh mipi tamtak in uap in, IPPB account a hawng ua, zia IPPB account chu Agent, Post Office banah staff-te kiang ah hawn thei ding, December 31, 2018 tiang ah India gamsung pumpi ah lakh 1.55 access point hawndaw hiding a hi. Functional President hina tawh hun matna uap, Mohd Nasir Ahmed, Sub Divisional Inspector of Post Offices, CCpur Sub division in agenna a chun, Indian Postal Service khangthu tepte kham ding ah India Post Payment Bank IPPB kiti tuni ah India gamsung pumpi ah hawn ah um a hidan gen in, mihing in tha tampi seng a, haksa tak a sum lawdaw/mudaw ah um te kawitupna ding ah Bank ah nitha seng ah hun kimang sek, sumlawna ah tha tamtak sen ding, sum kawina ding ah le bank ah nitum phial ah queue ah din ding, tha leh zung banah hun kisubei te sukniam theina ding ah India Post Payment Bank (IPPB) patdaw ah um, Bank account neina ding ah bank dang tawh kibang lo ah Aadhar Card leh khutzung (Fingerprint) ah account hawng thei ding, account hawnna lam zangkhai mama leh kitup mama tin a gen hi. India Post Payment Bank kiti chu bank dang te gual ah mun um mama, banking tawh kisai ah post office phak ngaitalo, innmun apat Mobile Apps banah Toll Free call ah bailam tak ah banking bawl thei, buaina a um leh khua tin ah PO-te mang ah sukfel thei hiding, IPPB mang ah Bank facilities chuamchuam - Net banking, Money Transfer, Air ticket booking banah thil dangdang hithei ding, Student ten zia account a pat chu scholarship muthei ding uh tin a gen hi.

Huntiam umlo ah Chairman, ADC/CCpur election hun ding kichawn
CCpur, Sept. 1 *(Nisin Thuhiltu)* : Athem Muivah, IAS, Secretary (TA & Hills), Govt. of Manipur in Governor min ah thusua a bawlna a chun, State Cabinet in 31th August 2018 ni ah thupukna a siam dungzui ah 18th August 2018 leh 23rd August 2018 ah Govt Orders ah 4th September 2018, 11.00 AM leh Chairman, ADC/Churachandpur election um ding kiti chu MDC te lak ah kivaulauna a um ziak ah Rule 3(1) of the Manipur (HILL Areas) Drstrict Council Rules 1972 ah thuneina kipia mang ah Manipur Governor in thuthak a umkit masang sia huntiam umlo ah postpone bawl in a taklang hi.

TKSU Rayburn Branch ah vaipuathak ding te kitiam

CCpur, Sept. 1 *(Nisin Thuhiltu)* : Thadou-Kuki Students’ Union (TKSU) General Headquarter mapuina’ tuni, September 1, 2018 zingkallam dak 11:00 in KIC Complex, Tuibuang ah kum 2018-2019 sung ah TKSU Rayburn Branch ah vaipaw ding ah teldaw thak ah um te kitiamna neisak in a um ui. Kum 2018-2019 sung ah TKSU Rayburn Branch vaipaw ding te ahiuleh - President- Mangcha @ Follenz, Vice President-Jangkholen, General Secretary- Lunminthang, Finance Secretary- Paominlen, Treasurer- Mami, Information Secretary - L. James, Games & Sports- Seiminlen leh Thanglallem, Social & Culture- Hoineiching, David, Carolyn leh Seimingou ban ah Education Secretary ding in Lunminlal, Jamminlen leh Elina te a hiu a, Lunkhohao Haokip@Haoneu, President, TKSU General Headquarter in kitiamna a nei sak hi.

Manipur Blessing Prayer nei

CCpur, Sept. 1 *(Nisin Thuhiltu)* : Gospel Ministry, Jesus Calls organize bawlna tuni, September 1, 2018 zingkallam dak 11:00 in EOC Central Church, Hill Town ah “Your Sorrow Shall Turn into Joy" ti thupi ah nei in, Manipur Blessing Prayer kiti a um hi. Zia hun matna chu Rev. Th. Khuala in amapui a, Rev. Nengzatun in hunpat pauchapna nei in, Rev. L. Khupboi Vaiphei in vaidawn thugenna a nei hi. Bro. Sathrack Billgraham, Zonal Manager, Jesus Calls, New Delhi in keynote address bawl in, GFI vibrant te apat special No. um in, Brother Kh. Ginlal Chung, Executive Officer, ISS, New Delhi in Pathian thutak genna nei in, interaction hun amapui a, huntawpna pen ah Pastor LS Paul Hangmi in pauchapna tawh hunmatna a khak hi.

Jesus Calls in zing, September 2, 2018 nitaklam dak 2:00 apat nitaklam dak 5:00 kikal ah Amity Hall, Adimjati Shiksha Ashram, Chingmeirong ah hun matna nei ding uh hin a kigen hi. Jesus Calls ahileh khawvel pumpi huap ah pauchap pawl khat ahia, India ah ministry min ah nisin leh mi 25,000 in mi lakh khat te a ding ah pauchapna nei piak zing sek un a kigen hi.

Awareness leh Registration Camp bawl ding
CCpur, Sept. 1 *(Nisin Thuhiltu)* : Churachandpur District ah October 15 apat October 23, 2018 sung ah Army Recruitment Rally a umna ding tawh kisai ah Sixth Sikh Light Infantry (Khuga Battalion) in September 3, 2018 zingkal dak 7:00 leh PT Sports Complex, Khominthang ah Awareness leh Registration Camp bawl ding a hi. Zia hun a chu, Khuga Battalion in sepai lunglut khangthak te Online Registration bawl piak ding, Registration bawl nailo te’n Registration Camp ah min khumlut thei ding a hiu.

State sung ah Dying Crafts dinmun etthak pawimaw: Governor

Imphal, Sept. 1 *(Nisin Thuhiltu)* : Hotel Imphal ah tuni’n Mission for Economic Empowerment of Traditional Artisans and Craftsmen (MEETAC) hawnna a um hi. Zia hun chu Manipur Governor Najma Heptulla in khuallian hina tawh a uap hi. Governor in a thugenna a chun, state sung ah dying crafts tawh kisai ah government in panlakna thak a nei ding pawimaw a hidan gen in, Manipur ah population tamlocha, mi 28 lakh tuam a umna artisans leh craftsmen tamtak um a hidan gen in, amau a ding a chu lemchang siam piak ding, a market ding tiang uh government in a ngaitua ding pawimaw in a gen hi. Manipur khantona ding ah panlakna chuamchuam a nei te taklatna le nei in, Government of India’s Act East policy in guasa kituptak a neitheina ding ah, Moreh-Imphal-Mao & Moreh-Imphal-Jiribam roads te hawitak a um zing ding pawimaw in a gen hi.

Guest of honour hina tawh hun matna uap, Chief Minister N. Biren Singh in a thugenna a chun, MEETAC chu Governor Najma Heptulla puakdaw a hidan gen in, ama khuahiat na ziak ah State Government in project chuamchuam lawting tak ah chiapi thei tin a gen a, Manipur in Governor ah Heptulla a neikhak chu Manipur a ding ah ki-letsakpi thei hin a gen hi. State sung ah lo-bawlmi te ding ah fertilizer taksapna tawh kisai sukven theina ding ah state government in panlakna nei zing in a gen a, Kohima kiangnai NH-2 ah lamlian a hawilo ziak ah fertilizer kining ting tak tung theilo in a gen hi. Union Railways Minister Piyush Goyal a kithuhiatpi nung ah Namrup a pat Jiribam tiang ah fertilizers train ah kipua, nitamlo sung ah Imphal tut hiding in a gen hi. Zia ah hun matna chu, Textiles, Commerce and Industries Minister & MEETAC Chairman Th. Biswajit, Deputy Chief Minister Y. Joykumar, CAF & PD Minister Karam Shyam leh Water Resources Minister Letpao Haokip te’n le a uap ui. MEETAC ahileh 29th December 2017 ah Manipur government in Department of Textiles, Commerce and Industries nuai ah a phudaw, autonomous society a hia, Manipur ah traditional crafts/arts sector siamhawi ding ti tup ah nei a hi.

Chief Minister in Mobile App leh web portal hawng

Imphal, Sept. 1 *(Nisin Thuhiltu)* : Chief Minister N. Biren Singh in tuni’n Cabinet Hall, Chief Minister’s Secretariat ah Bishnupur District a ding “Explore Bishnupur” kiti Mobile App leh web portal www.explorebishnupur.in hawnna a nei hi. Mobile App leh web portal chu Bishnupur District, Deputy Commissioner Pawan Yadav panlakna nuai ah kisiamdawk, lam chuamchuam ah a felzaw leh a changangzaw information mutheina ding ah kisiamdawk hin a kigen hi. Mobile App leh web portal hawnna chu Secretary (IT) leh OSD to Chief Minister Sumant Singh banah Extreme Wave official ten a uap ui.

Technology in kintak ah justice piakna kithuapi thei di: Prez Kovind
New Delhi, Sept. 1 *(Nisin Thuhiltu)* : President Ram Nath Kovind in, India ah a kinthei lam ah justice piakna’ technology matthei ding hi’n a gen hi. Supreme Court Advocates on Record Association in New Delhi ah National Conference khat a sai hun ua a thugenna a chun, President Kovind in, 2016 kum a khan India ah e-court masa pen, Hyderabad High Court ah hawn ala hi nung ah mun dang dang ah kithethang hi’n a gen hi. President in Indian legal system ah kivei denna tam mama in, gamsung pumpi court chuam chuam ah 3.3 crores case pending ah um nalai hi’n a gen a, case pending sia chu subordinate court te ah case 2.84 crore, High Court te ah 43 lakh leh Supreme Court ah 58000 tuam um hi ah taklang kawm in, case tamtak a kivei den ngaikhawk mama ahidan a gen hi. Infrastructure gaps vacancy um te ziak ah case tamtak khawdang khawlaw sek ahi banah a pangai gual ah gel ziak ah adjournment dawt tite ziak a le case hearing chanchum sek in, zia gual sukbei theina ding ah judiciary in panla zing hi’n le a gen hi. Kovind in, Government in a patdaw Digital India initiative tawh kizawi tawn ah puakdaw aum Legal Information Management and Briefing System (LIMBS) chu court case te etsuina leh streamline na ding ah online mechanism khat suak hi’n a gen a, LIMBS in stakeholder zosia platform khat ah puikhawm hi’n le a gen hi.

HAL in chairman thak ding ah R Madhavan guat aum

Bengaluru, Sept. 1 *(Nisin Thuhiltu)* : India's aerospace giant Hindustan Aeronautics Limited (HAL) in kum 5 sung Chairman & Managing Director thak ding in R Madhavan a guat a, ama’n T. Suvarna Raju thathen ding ahi. Zia masang ahin ama’n HAL Accessories Division, Lucknow ah Executive Director panmun ala lua hi. Madhavan in maban ah pan a lak ding dan a genlatna a chun, aerospace industry ah HAL in mun sangtak a lua chu luasakna ding ah panla ding leh company dawpsangna ding nasem ding hi’n a gen hi. Mechanical Engineer Madhav in National Institute of Technology (NIT), Raipur apat degree dawng in Indian Institute of Technology (IIT), Madras apat M.Tech a zo a, 1982 a khan management trainee ding in HAL ala zawm hi.

Ranjan Gogoi in CJI panmun lua ding: Source
New Delhi, Sept. 1 *(Nisin Thuhiltu)* : Supreme Court ah 2nd senior most judge, Justice Ranjan Gogoi in October 3 leh Chief Justice of India (CJI) panmun lua ding banah November 17, 2019 tiang Chief Justice hiding ti’n thusuak khat in a taklang a, Chief Justice Dipak Misra in a thatheng ding ah Justice Gogoi min pelut pai ta ding hi’n le a taklang hi. Law Ministry in Chief Justice Dipak Misra kiang ah a thatheng ding recommend bawl ding ah dawtna a siam nung ah zia thusuak hi hung pawt ahia, a pawtta ding CJI kiang ah a thatheng ding min recommend ding ah dawtna hi chiadan pangai khat ahi.

A langkhat lam ah Justice Ranjan Gogoi hi CJI Mishra dawilo suklatna ah press conference nei senior Supreme Court judge 4 te lak ah khat ahia, SC ah case ensui ding guatna mangkhial hi’n ala ngaw u’i. Tu laitak ah Assam National Register of Citizens (NRC) chung chang ngaitha, Justice Gogoi ahileh CJI banah judge senior pen ahina ah CJI Mishra in Law Ministry lekha thawt dawnhuna a piak tak leh formal tak ah recommendation bawl ding ahi.

Tiger Hill hero in Ladakh's defence mawpaw di
New Delhi, Sept. 1 *(Nisin Thuhiltu)* : Kargil war hero Lieutenant General YK Joshi chu Ladakh ah defence ensui tu, Indian Army's 14 corps mapui ding ahi. Ama ahileh Kargil gâl lai ah ama mapuina zal in 13th Jammu & Kashmir Rifles in Tiger Hill ah zawna a la chang ahi. 'Fire & Fury' Corps General Officer Commanding (GOC) ding ah Lt Gen Joshi guat ahi tawh kitawn in 17th Corps Commander ding ah Lt Gen SK Upadhya a thathen hi. Colonel Joshi (Kargil gal ah a rank) mapuina’n 13 Bn J&K Rifles in lawting tak in 4 vei attack ala bawl ua, zia lak a chun Pt 4875 le a pang hi. Gâl a zaw nung ua battalion in kipak man tamtak dawng in, zia lak a chun Param Vir Chakra 2, Vir Chakra (ama pum ah) 8 leh Sena Medal 14 le a pang hi. Zia lo chun, Battalion chu 'Bravest Of the Brave' title piak in aum hi.