TKSU in DC/CCpur Shyam Lal Poonia, IAS boycott
CCpur, Aug. 10 *(Nisin Thuhiltu)* : Thadou Kuki Students Union (TKSU), GHQ in thusua a bawlna a chun, India Government in Kuki-te maban ding ngaitualo a, Naga-te tawh Framework Agreement nei ah panlakna a nei zing lung-awilo suklatna Kuki Inpi Manipur (KIM) in August 8, 2018 zingkal dak 6:00 apat August 9, 2018 zingkal dak 6:00 kikal ah dakkal 24 sung, Kuki-te chenna zosia ah total shutdown puan hun tawh kituak ah Churachandpur District Administration in Cleanliness Drive a chiapina chung ah, KIM in Churachandpur Deputy Commissioner, Shyam Lal Poonia chung ah lung awilo thu taklang kawm ah thuneitu te’n akintak ah Churachandpur District Deputy Commissioner hina a pat Shyam Lal Poonia a lakdaw/transfer ding phutna a nei himaleh limsak ah a umlona chung ah Deputy Commissioner, Shyam Lal Poonia, IAS, chu Churachandpur District Kuki Areas huapsung zosia boycott puang in, 10th August 2018 apat a office (Deputy Commissioner office) khakpiak hiding in a puang hi.Deputy Commissioner office khak hiding ahina chung ah Deputy Commissioner office ah staff te kuama office kailo ding in le hiatsakna leh chialna a bawl a, hiatsakna zuilo a um a, thil dawi umlo a tun leh amaw a kipuak ding uh ti'n le a taklang hi. Chuhleh state government 15th August 2018 masang ah Deputy Commissioner Shyam Lal Poonia, IAS chu a lakdaw/transfer ding, zia chu ahiloleh TKSU in Kuki Civil bodies te tawh kithuhiat ah kiphinna a khauzaw sem ah bawl ding khawksalo in a taklang hi.

ATSUM in bandh tawh kisai ah thil umdan taklang

CCpur, Aug. 10 *(Nisin Thuhiltu)* : Manipur University, Vice Chancellor, AP Pandey paithak ding phutna nei ah Manipur University Students Union (MUSU) leh student organization chuamchuam in kiphinna a nei zing ziak ua, ni 70 val lam ngaina gual ah Manipur University function theilo ah a um zingna chung ah student te thiamzilna lemchanglo tak ah um zing sukven ding phutna’All Tribal Students’ Union, Manipur (ATSUM) in dakkal 48 sung Manipur hill district zosia huap ah dakkal 48 sung total shutdown a puan ziak un tuni, August 10, 2018 in Churachandpur District sung in lampi/lamlian te awngthawl mama in, gari taitua mu ding a vâng mama hi. Shutdown tawh kisai in zingkallam dak 11:30 in ATSUM leh ANSAM apat lawiupa te’n KSO/Churachandpur Administrative Office ah bandh tawh kisai in media briefing bawlna anei ua, zia hun a chun, shutdown kibawl chu puan lawksa gual ah dakkal 48 sung chiatha ding, aphatchuamlo ahileh a khauzaw sem ah kiphinna chiapi hiding, Economic Blockade tiang bawl ah kiphinna nei hiding ti’n a gen ui. AC Thotso, General Secretary, ANSAM in Manipur hill area ah bangma buaina umlo himaleh phaizang bial ah Manipur University, Vice Chancellor, AP Pandey paithak ding phutna ziak ah kiphinna chuamchuam um zing te’n student te thiamzilna a sukbuai zing chu ngaikhawk mama a hidan uh taklang in, Thingtangmi te’n Separate Hill University a nei ding pawimaw a hidan kilang in a gen hi. Manipur University kikhak ziak ah thingtangmi student tamtak in a career ua lemchanlona liantak tuak un le a gen a, MU buaina chung ah a kisaipi state leh centre government banah kiphinna nei te’n a vaima theipen ah buaina a sukven ding uh dawina ziak ah ATSUM in total shutdown a puan chu ANSAM in support bawl in a gen hi. Andria Sinruwng, Finance Secretary, ATSUM in a genna a chun, Vice Chancellor dawilo ziak ah student tamtakte’ career sukbuai ding hilo a hidan gen in, pawl chuamchuam tawh le zia issue chu genkhawm ah umta hi’n a gen a, government in Independent Enquiry bawl ding ah mawpuakna a piak te’n panlakna kituptak ah a neitheina ding ua mun piak pawimaw ti’n a gen hi. Vareiyo Shatsang, President, ATSUM in Manipur University buaina tawh kisai ah ATSUM dinpi genlatna a neina a chun, a kintheipen ah Regular Class pat ding ATSUM thil dawi hi’n a gen a, Vice Chancellor, AP Pandey paithakna ding ah ngaituana chu, ATSUM in pawmpilo in a gen hi. Dan tawh kituak ah thukhenna a um ding ATSUM thil dawi hi’n le a gen a, State leh Centre Government banah ni 70 val kiphinna nei ah University chiadan chawkbuai te’n le thil umdan hiachian mama uh hin a gen hi. Chuleh, Manipur University nuai ah Institution chuamchuam 86 affiliation leh 6th semester result ngak student 28,000 valte’ maban, kiphinna chuamchuam ziak ah buaizo vekta a hidan gen in, thingtangmi te MU issue chung ah pankhawm thiam pawimaw in a gen hi.

Khuga Battalion in Khuga Dam zawtna lampi siam

CCpur, Aug. 10 *(Nisin Thuhiltu)* : Sixth Sikh Light Infantry (Khuga Battalion) in Khuga Dam zawtna lampi hawilo tak ah um chu tuni, 10th August 2018 in a siamhawi thak ui. Zia ah Khuga Dam lampi chu tanghawktui luanthakna ding a kituplo ziak ah lampi lai ah buanthuak in, kikawmtuana ding ah lemchanglo tak ah um a hi. A bik tak ah nisin school kai school naupang te ding leh passenger pua diesel auto banah gari taitua te ding ah lemchanglo tak ah um a hi. Buanthuak a sa nasat mama ziak ah lampi nuamlo tak ah um chu Khuga Battalion in Military Vehicle leh Excavator neu khat mang in, Mohan Junction apat Khugam Dam zawtna lampi chu a siam ua, Military Vehicle mang ah suang sung in, a siam hawi thak ui. Zia ah lampi chu Khuga Dam en ut te ding leh a kim-leh-kiang ah khua um te ding ah lampi pawimaw tak himaleh siamlo ah um zing a hi.

District Level ah Independence Day 2018 kimang ding
CCpur, Aug. 10 *(Nisin Thuhiltu)* : District Level ah August 15, 2018 leh Peace Ground, Tuibuang ah 72nd Independence Day 2018 mat hiding ahi. Zingkallam dak 9:00 apat District Administration, Churachandpur mapuina nuai ah 72nd Independence Day 2018 mat hiding, Shyam Lal Poonia, IAS, DC Churachandpur in Chief Guest hina tawh hun matna uap ding, zingkallam dak 9:30 ah Chief Guest in Parade Contingent-te etthakna nei ah, National Flag kaipal ding, March Past contingent-te apat Salute la ding a hi. Guest-te apat thugenna um ding, kipakpina thilpiak chuamchuam piakdawna um ding leh government department chuamchuam in stall a bawlteu Chief Guest mapuina official team in etthakna nei ding, Nam lam suklatna hun um ding a hi. Independence Day matna kawm ah District Administration XI team leh Civil Society XI team te’n Football Exhibition match le nei ding a hiu.

Ann-ngawl pauchapkhawmna neizo
CCpur, Aug. 10 *(Nisin Thuhiltu)* : All Tribal Women Union (ATWU) General Headquarter in Jehovah Jire Home, Beulahlane ah August 6, 2018 apat ann-ngawl pauchapkhawmna a nei uh tuni August 10, 2018 in a zo thiang ui. ATWU GHQ in India Phualpi solkar in New Delhi ah Parliament Session chiatha zing ah Manipur ah um Thingtangmi te haksatna chungchang genkhawm ahitheina ding ah August 6 apat ann-ngawl pauchapna a nei uh ti a hi.

CCpur District Hospital sukthianna nei
CCpur, Aug. 10 *(Nisin Thuhiltu)* : Dr VC Pau Tonsing, Medical Superintendent CCpur District Hospital mapuina nuai ah tuni, August 10, 2018 zingkal dak 7:00 apat dak 9 kikal in District Hospital ah sem Doctor apat Grade VI ten tuchung 72-veina India Independence Day 2018 matna ding tawh kisai banah Swachh Bharat Abhiyan chiapina kawm in, District Hospital ah Hospital Cleanliness Movement ti’n, social work a nei ui. Zia hun a chun, Eastern Side OPD Block ah Public Toilet apat Store Building kikal Dr Chareihenba in-charge hina nuai ah ENT Department, Eye, PMR, Dental leh Ortho ten a suthiang ua, Southern Side SOPD/Skin ah Dr NG Seanbawi Vaiphei in-charge hina nuai ah MOT Department, Surgical Department, Maternity Department leh Skin Department ten suthiang in, northern side labour room, OT, Laboratory apat Morgue kikal DR Paulunmang Vaiphei in-charge hina nuai ah Gynae Department,, OT Staff, Blood Bank Staff, Microbiolog, Pathology leh X-Ray Department, Medicine Department, NCD Department, Post Partum Department, Thonkhansiam BMW leh Lianngur@ Puia ten a suthiang ui.
Medicine ward leh Children Department ah Dr Chinthianding In-charge hina nuai ah Casualty Department, Children department leh Psychiatry Department ten suthiang in, Niangboi CDER mapuina nuai in CDER staff te banah Ministerial Staff te’n Hospital huansung a suthiang ui. Chun, Hospital campus mai, Entry Gate leh Exit Gate kikal Stephen Nengsonlian MSK leh Thangzachin, UDC in-charge hina nuai ah JL Khup SI mapuina’ hospital ah police duty personnel te’n a suthiang ui. Hospital Cleanliness Movement a neizaw un, Social work ah pang- Doctor apat Grade VI ban ah Police personnel ten Dr Vunghoihhching MO Gynae mapuina nuai ah Swatchhta Pledge nei in social work a zo ui.

ADC/CCpur thu ah governor kimupi
CCpur, Aug. 10 *(Nisin Thuhiltu)* : Autonomous District Council (ADC), Churachandpur , Chairman dinmun a awng ah a um zingna chungchang sukfelna ding tawh kisai in tuni, August 10, 2018 in ADC/CCpur member 2 in Imphal ah Manipur Governor Dr Najma A. Heptullah a kimupi ui. Zia hun a chun, a vaima theilam ah ADC/Churachandpur , Chairman thu ah buaina um zing sukfelna ding in dawtna lekha a pelut ui. Hiatthei khat chu, ADC/CCpur Chairman Khaipao Haokip in ADC/Churachandpur sungthu buai ziak ah Chairman panmun a nutsia a hia, ama’n Chairman panmun a nutsia tawh kitawn ah Executive Committee ah member umlo, Vice Chairman in Chairman in-charge hina tawh ADC/CCpur a etkawl zing a hi. Manipur Governor kimupi MDC leh ex-Chairman Langkhanpau Guite in Governor tawh a kimu hun ua avaima theipen ah Chairman telna nei ding ah dawtna lekha pelut in a kigen hi.

International Trade Expo leh Young Talent Hunt chiatha zing
CCpur, Aug. 10 *(Nisin Thuhiltu)* : Kuki Students’ Organization (KSO) Churachandpur leh Kevi Society, Kohima in Indoor Stadium, Peace Ground, Tuibuang ah August 3, apat International Trade Expo leh Young Talent Hunt a nei uh chiatha zing in, a ni-ni in Trade Fair ah chia leh Young Talent Hunt entu tam thei mama hi. International Trade Expo leh Young Talent Hunt ahileh August 3, 2018 nitaklam dak 5:00 ah Shyam Lal Poonia, IAS DC CCpur in Chief Guest hina tawh a hawndawna a nei a hi . Trade Fair banah Young Talent Hunt entha nuam te ding in main gate ah ticket Rs 20 ah chawk thei in a kikawi a, zia ticket number chu Lottery system hiding, Trade Fair banah Young Talent Hunt ni tawpni leh zia ah ticket number khat penpen chu Lucky number hiding, Prize ah Refrigerator/Fridge piak hiding a hi.
Chun, sun leh zan in Trade Fair a kihawng a, nitak hun takleh Open Air ah Muan Hangzo, James Arjun Zou leh Kimneihoi Lhungdim-te Judge hina nuai ah Youngster Talent Hunt Audition Round nei a hisek hi. Trade Fair ah nek leh dawn, van banah naupang kihelna chuamchuam kawi in a um a, tulai in District sung ah Bandh, Strike leh a dang dang um zing sek maleh ngaina gual in, International Trade Expo leh Young Talent Hunt nei in a um zing hi. International Trade Expo a chun, International company chuamchuam -Pakistan, Bangladesh leh Thailand apat te’n stall 80 val in van chi chuamchuam a zuak ua, nisin zingkal dak 9:00 apat nitak dak 8:30 kikal kihawng zing in, Pathianni ahileh sun dak 12:00 apat kihawng pan sek ding a hi. Youngster Talent Hunt ahileh nitak dak 5:00 apat dak 8:00 kikal ah nei a hisek hi.

Small businesses te ding ah GST return file dan kisiam thak
CCpur, Aug. 10 *(Nisin Thuhiltu)* : Shiv Pratap Shukla, Minister of State for Finance in Lok Sabha ah tuni zikthaw ah GST return file bawlna tawh kisai ah dawtna a dawnhuna a chun, Goods and Services Tax Council in small businesses te ding in return filing process a bailamzaw ding ah siamthak a hidan a taklang a, GST Council in achiata 21st July, 2018 ni ah New Delhi ah 28th meeting a nei hun ah small businesses te ding ah return formats thak leh associated changes in law siam thak ti’n a gen hi. Zia dungzui a chu, financial year masa tax petu te lak ah turnover Rs.5 crores tiang tun te ding ah self-declaration basis ah quarterly return leh thasin tax piak thei ding, zia ah small businesses te ding ah return formats thak kisiam chu Sahaj leh Sugam ti in le a um a, financial year sung purchases, output tax liability leh input tax credit neilo te’n quarter pumpi ah NIL return khat a file ding uh ti a hi. NIL return file bawltu te’n SMS ah file a bawl theina ding ua facility um ding ti le a hi.

Weavers census a ding ah min khumlutna nei
CCpur, Aug. 10 *(Nisin Thuhiltu)* : Bungmual Handloom and Handicraft Society in tuni, August 10, 2018 zingkallam dak 10:00 apat in YPA Hall, Bungmual ah Weaver census ding in min khumlutna a bawl hi. Bungmual Handloom and Handicraft Society nuai ah member tamtak chiakhawm in Weavers census a ding in min a khumlut ui. Shyam Lal Poonia, IAS, DC Churachandpur in August 2, 2018 ni ah Village Authority, Puankhawngmi leh Civil Society Organization chuamchuam hiat thei ding ah thusua a bawlna Hyderabad pansa, M/S Karvy Data Management Services Limited (MDMSL) in Department of Textiles, Commercy & Industry, Government of Manipur kithuapina tawh district sung ah a 4-veina National Handloom Census kiti February 2017 apat nei ah puangkhawng mite data chawmkhawm ding ah hiatsakna a bawl dungzui ah Weaver census ding ah min khumlutna nei ah um a hi. YPA Hall, Bungmual ah Weaver census ding ah min khumlutna a chun, District Handloom & Textile apat S. Tahngminlian, Designer, Nem Rosylin, Cluster Development Executive CDE, Thianneihoi Haokip, Designer te’n min khumlutna a nei ua, puankhawngmi mi 110 te min khumlut thak in a um hi. Tuni ah min khumlut manlo te ding a chu zing, August 11, 2018 zingkallam dak 10:30 ah zia mun ngaima a chu min khumlutna um kit ding a hi. Weavers Census tawh kisai ah min khumlutna ding a chu Weavers I-Card leh Aadhar Card link bawl ngai ding hi’n a kigen hi.

1951 based year sankit thei hilo: JCILPS
Imphal, Aug. 10 *(Nisin Thuhiltu)* : Joint Committee on Inner Line Permit System (JCILPS) in tunaicha Manipur Legislative Assembly ah pass a um, Manipur People’s Bill, 2018 ah non-indigenous mite hiatkhen theina ding ah based year 1951 kimang chu san (change) kit thei hilo in a taklang hi. JCILPS Convenor , Yumnamcha Dilipkumar, in JCILPS office Keishampat, Imphal ah thuthak lakhawm mite kiang ah a genna a chun, based year 1951 tawh Manipur People’s Bill, 2018 pass ah um chu state sung ah Hills leh Valley ah um mipi te dawidan tawh kituak ah pass ah um a hidan gen in, zia ding tawh kisai a chu kum 2015 a pat panlakna chuamchuam nei ah umta hi’n a gen hi. Jiribam ah Manipuri pau manglo, Bengali ahiloleh Hindi pau mang te’n based year ah 1951 kimang dawilo ah kiphinna a nei zing dan uh tawh kisai le genlatna nei in, JCILPS leh Govt. of Manipur in kum 2015 ah kinawptuana a neisa dungzui ah government in avaima theipen ah Manipur State Population Commission a umsak ding pawimaw in a gen hi. Zia chu ahiloleh JCILPS in hun tiam bawl piak ah kiphinna pan ding hin a gen hi.

State govt. in Market ah Urea fertilizer man a etthak pawimaw
Imphal, Aug.10 *(Nisin Thuhiltu)* : State government in bazaar ah Urea man (price) chungchang a etthak ding pawimaw a hidan Telem Dara Singh general secretary Bhartiya Kishan Sangh Manipur Prant in tuni’n Manipur Press Club ah thuthak lakhawm mite kiang in a gen hi. Dara Singh in a genna a chun, Urea fertilizer ziak ah lo-bawlmi tamtak in haksatna tuak a hidan uh taklang kawm in, national policy for doubling farmers’ income by 2022 dungzui ah centre government in lo-bawlmi te ding ding ah facility chuamchuam a piak zing uh himaleh Manipur ah lo-bawlmi te Urea fertilizer ziak ah haksatna tuak a um zing chu khawksa hi’n a gen hi. Open market ah Urea fertilizer Rs.700 per bag (45Kgs) ah kizuak chu migenthei lo-bawlmi te chung ah game diklo tak chiapina a hidan gen in, Chief Minister, N. Biren Singh, in thil umdan a etzui ah Manipur Agricultural Policy, Land Use Policy, Water Policy & Credit Policy te le siamthak a hiding a nawpthu a gen hi.
Chun, state government leh a kisaipi department official te’n subsidized Government rate Rupees 266.80 per bag of 45 Kg ah Urea fertilizer kining tingtak a kawi theilo ahileh kiphinna chi chuamchuam puadawk dig uh ti’n state government chu gikna a bawl hi.

Ni 24 sung Parliament Monsoon Session 2018 kichaita; Sittings 17 vei nei

New Delhi, Aug. 10 *(Nisin Thuhiltu)* : Parliament Monsoon Session, 18th July, 2018 ah kipan chu tuni, 10 August 2018 in a kichai hi. Ni 24 sung Parliament Monsoon Session 2018 in sittings 17 vei a um a, Lok Sabha ah productivity 118% tung in, Rajya Sabha ah 68% a tung hi. Srinivas Kesineni in moved a bawl motion of No-Confidence in Ayes 135, Noes 330 in Prime Minister Narendra Modi mapui BJP led coalition government in gualzawna a chang hi. Session hun sung in total ah Bills 22 (Lok Sabha ah 21 leh Rajya Sabha ah Bill 1) luidaw thak in a um hi. Lok Sabha in Bill 21 pass a bawl a, Rajya Sabha in Bill 14 pass a bawl hi. Chun, Innpi pani’n Bill 20 pass a bawl a, Parliament session chawmcha sung ah Bill tamtak pass thei ah a um ziak a chun, Parliament Monsoon Session 2018 chu lawting mama hi ah hiat a hi. Chun, Rajya Sabha, Deputy Chairman thak ding ah Harivansh teldaw in a um hi. Monsoon Session hun sung in nasatak ah society ah Social Justice tawh kisai ah Bill nasatak ah genkhawm in a um a, hiatthei khenkhat te chu - Constitution (One Hundred and Twenty-third Amendment)Bill, 2018; National Commission for Backward Classes (Repeal) Bill, 2018; Scheduled Castes and the Scheduled Tribes (Prevention of (Atrocities) Amendment Bill, 2018 ti te a hi. Bills lui pali te withdraw bawl in le a um a, zia te chu Lok Sabha ah pathum leh Rajya Sabha ah 1 a hi. Bills lui pali withdraw kibawl te chu (i) National Sports University Bill, 2017; (ii) Micro, Small and Medium EnterprisesDevelopment (Amendment)Bill, 2015; (iii) Financial Resolution and Deposit Insurance, Bill, 2017 leh (iv) Armed Forces Tribunal (Amendment) Bill, 2012 te a hi.

I – LOK SABHA ah BILLS LUIDAW AH UM TE
The Trafficking of Persons (Prevention, Protection and Rehabilitation) Bill, 2018
The Banning of Unregulated Deposit Schemes Bill, 2018
The Airports Economic Regulatory Authority of India (Amendment) Bill, 2018
The Arbitration and Conciliation (Amendment) Bill, 2018
The National Sports University Bill, 2018
The Micro, Small and Medium Enterprises Development (Amendment) Bill, 2018
The Homoeopathy Central Council (Amendment) Bill, 2018
The Insolvency and Bankruptcy Code (Second Amendment) Bill, 2018.
The Criminal Law (Amendment) Bill, 2018.
The Commercial Courts, Commercial Division and Commercial Appellate Division of High Courts (Amendment) Bill, 2018.
The Scheduled Castes and the Scheduled Tribes (Prevention of Atrocities) Amendment Bill, 2018
The Juvenile Justice (Care and Protection of Children) Amendment Bill, 2018
The Central Goods and Services Tax (Amendment) Bill, 2018
The Integrated Goods and Services Tax (Amendment) Bill, 2018
The Union Territory Goods and Services Tax (Amendment) Bill, 2018
The Goods and Services Tax (Compensation to States) Amendment Bill, 2018
The Appropriation (N0.4) Bill, 2018
The Appropriation (No.5) Bill, 2018.
The DNA Technology (Use and Application) Regulation Bill, 2018.
The Protection of Human Rights (Amendment) Bill, 2018
The Personal Laws (Amendment) Bill, 2018

II –RAJYA SABHA AH BILL KILUIDAWK
The National Trust for Welfare of Persons with Autism, Cerebral Palsy, Mental Retardation & Multiple Disabilities (Amendment) Bill, 2018

III –LOK SABHA AH BILLS PASS AH UM TE
The Right of Children to Free and Compulsory Education (Amendment) Bill, 2017
The Fugitive Economic Offenders Bill, 2018
The Negotiable Instruments (Amendment) Bill, 2017.
The National Council for Teacher Education (Amendment) Bill, 2017.
The Prevention of Corruption (Amendment) Bill, 2018
The Trafficking of Persons (Prevention, Protection and Rehabilitation) Bill, 2018
The Homoeopathy Central Council (Amendment) Bill, 2018
The Criminal Law (Amendment) Bill, 2018
The Insolvency and Bankruptcy Code (Second Amendment) Bill, 2018.
The Commercial Courts, Commercial Division and Commercial Appellate Division of High Courts (Amendment) Bill, 2018.
The Constitution (One Hundred and Twenty-third Amendment) Bill, 2017 with amendments alternative to the amendments made by Rajya Sabha and further amendments made by Lok Sabha
The National Sports University Bill, 2018
The Scheduled Castes and the Scheduled Tribes (Prevention of Atrocities) Amendment Bill, 2018
The Appropriation (No.4) Bill, 2018
The Appropriation (No.5) Bill, 2018
The Central Goods and Services Tax (Amendment) Bill, 2018
The Integrated Goods and Services Tax (Amendment) Bill, 2018
The Union Territory Goods and Services Tax (Amendment) Bill, 2018
The Goods and Services Tax (Compensation to States) Amendment Bill, 2018
The Representation of People (Amendment) Bill, 2017
The Arbitration and Conciliation (Amendment) Bill, 2018

IV –RAJYA SABHA IN PASS A BAWL
The State Banks (Repeal and Amendment) Bill, 2018
The Requisitioning and Acquisition of Immovable Property (Amendment) Bill, 2017
The Prevention of Corruption (Amendment) Bill, 2013.
The Specific Relief (Amendment) Bill, 2018.
The Fugitive Economic Offenders Bill, 2018.
The Negotiable Instruments (Amendment) Bill, 2018
The Constitution (One Hundred and Twenty-third Amendment) Bill, 2017
The National Commission for Backward Classes (Repeal) Bill, 2017.
The Criminal Law (Amendment) Bill, 2018
The Scheduled Castes and the Scheduled Tribes (Prevention of Atrocities) Amendment Bill, 2018
The National Sports University Bill, 2018
The Homoeopathy Central Council (Amendment) Bill, 2018
The Insolvency and Bankruptcy Code (Second Amendment) Bill, 2018.
The Commercial Courts, Commercial Division and Commercial Appellate Division of HighCourts (Amendment) Bill, 2018.

IV –PARLIAMENT INNPI 2 IN PASS A BAWL BILL TE
The Prevention of Corruption (Amendment) Bill, 2018
The Specific Relief (Amendment) Bill, 2018.
The Fugitive Economic Offenders Bill, 2018.
The Negotiable Instruments (Amendment) Bill, 2018
The State Banks (Repeal and Amendment) Bill, 2018
The Constitution (One Hundred and Second Amendment) Bill, 2018
The National Commission for Backward Classes (Repeal) Bill, 2018.
The Criminal Law (Amendment) Bill, 2018
The Requisitioning and Acquisition of Immovable Property (Amendment) Bill, 2018
The Scheduled Castes and the Scheduled Tribes (Prevention of Atrocities) Amendment Bill, 2018
The Homoeopathy Central Council (Amendment) Bill, 2018
The Insolvency and Bankruptcy Code (Second Amendment) Bill, 2018.
The Commercial Courts, Commercial Division and Commercial Appellate Division of HighCourts (Amendment) Bill, 2018.

#The Appropriation (No.4) Bill, 2018
#The Appropriation (No.5) Bill, 2018
#The Central Goods and Services Tax (Amendment) Bill, 2018
#The Integrated Goods and Services Tax (Amendment) Bill, 2018
#The Union Territory Goods and Services Tax (Amendment) Bill, 2018
#The Goods and Services Tax (Compensation to States) Amendment Bill, 2018

V – BILLS WITHDRAW AH UM TE
The National Sports University Bill, 2017
The Micro, Small and Medium Enterprises Development (Amendment)Bill, 2015
The Financial Resolution and Deposit Insurance, Bill, 2017
The Armed Forces Tribunal (Amendment) Bill, 2012