Governor, Raj Bhawan Staff te’n tuilet ziak ah haksatna tuak te panpina ding ah nikhat law donate
Imphal, June 29 *(Nisin Thuhiltu)* : : Governor Najma Heptulla leh Raj Bhawan staff te’n tuni’n tuilet ziak ah haksatna tuak te panpina ding ah Chief Minister’s Relief Fund ding in ni khat law (one day’s salary) donate a bawl ui. Raj Bhawan ah Chief Minister N. Biren Singh kiang in Governor in zingkal lam dak 10:30 tuam in a piakdawna a nei hi. Governor Najma Heptulla in thuthak lakhawm mite kiang ah a genna a chun, panpina sum a piakdaw chu Raj Bhawan staff te leh mimal mitawmngai te’n a piak khawm uh sum hi’n a gen a, Chief Minister leh a Cabinet Ministers te’n flood relief works etthakna neikawm ah tuiletna lut ah panlakna a nei uh chu thupi sa mama in a gen hi. Tuilet ziak ah haksatna tuak te dinmun tawh kisai chu North Eastern Council (NEC) next meeting ah pawlut ding a hidan gen in, DoNER Minister Dr. Jitendra Singh kiang ah le state financial position giauchau a hidan tut ding hin a gen a, Centre a pat sum ah panpina a um theina ding ah panlakna nei zing in le a gen hi. Chief Minister N. Biren Singh in Governor leh Raj Bhawan staff banah ah panpina ding ah sum donate bawl zosia te kiang ah kipakthu gen in, a kipiakzawnau ettawn tak mama in a gen hi. Chun, Manipur ah tuilet ziak ah haksatna tuak te kithuapina ding ah Central Government in anchang 20,000 quintals, dal 6000 quintal (lentil), edible oil 80,000 litres allocate bawl ding ah approve bawl a hidan taklang kawm in, relief leh reconstruction a ding ah Centre in Rs. 126 crore release bawl in a gen hi. Zia hun chu, Principal Secretary to CM Vumlunmang Vualnam, Secretary to Governor Th. Chittaranjan te’n le a uap ui.
NIELIT in khangthak te a ding ah panlakna nasatak a nei pawimaw : SS Ahluwalia
Imphal, June 29 *(Nisin Thuhiltu)* : : SS Ahluwalia, Union Minister, MoS, Electronics & Information Technology, Govt. of India, in tuni’n National Institute of Electronics and Information Technology (NIELIT), Akampat, Imphal ah Ministry of DoNER, Government of India leh DST, Govt. of Manipur sponsored Skilled Development Courses zilzo thak te ding ah Certificate Distribution Function uap in, certificate piakdawna a nei hi.
SS Ahluwalia in a thugenna a chun, tamvei tak Manipur ve’na nei hita himaleh Union Minister of State hina tawh a khatvei phakna a hidan gen in,training programmes chuamchuam NIELIT, Imphal in a chiapi zing chu kipakpi mama in a gen a, a bik tak ah khangthak te a ding ah Skill Development courses chiapi ah um chu thipha mama hin a gen hi. NIELIT Institute chu gamsung ah khanthak te capacity building a ding ah go (asset) thupi mama in a gen a, NIELIT in khangthak te a ding ah panlakna nasatak a nei ding pawimaw in a gen hi. NIELIT in a pawimaw assistance te Central Government, in pezing ding a hidan gen in, media fraternity te chu NIELET in gasua a neite sulang zing ding in chialna a bawl hi.
Rajiv Kumar, Director General, NIELIT in a thugenna a chun, NIELIT, Imphal in skill development training centre ah Government employees tamtak te skill training courses pezing a hidan gen in, extension centres Senapati leh Churachandpur ah skill development courses umsak hiding in a puang hi. Tu leh tu ah Business Process Outsourcing (BPO) centres pathum um in agen a, zia lak a chu Mantripukhri ah Business Process Outsourcing (BPO) centre in khangthak tamtak te sepna pethei in a gen hi. Zia ah hun matna chu, Omkar Rai, Director General, STPI, Th. Prameshwor Singh, Executive Director, NIELIT Imphal te’n le a uap ui.
CCpur a ding Bilingual Website hawng
CCpur June 29 *(Nisin Thuhiltu)* : : District Administration, CCpur inntekna tuni nitaklam dak 4:00 in DC Office Chamber ah V. Hangkhanlian, Minister (Agri, Vety & AH), Govt. of Manipur in English leh Metei pau omna District Bilingual website thak hawndawna a nei hi. Hawn ah um District Bilingual website ahihleh https://churachandpur.nic.in a hia, website ah district in go (asset) chuamchuam a nei te takdaw ah um ding, development tawh kisai a mipi hiat ding thil pawimaw chuamchuam le takdaw hisek ding in a kigen hi. V. Hangkhanlian, Minister, Agriculture, Veterinary & Animal Husbandry, Manipur in a gendan in, website mangcha district mipite’n hiatding ah pawimawte en a, complaint ban ah suggestion bawlthei ding ahi ban ah, government scheme chuamchuam leh khantona tawh kisai zia website a chu ettheiding hi’n a gen hi. Zia hun chu, Shyam Lal Poonia, IAS, DC, Churachandpur; K. Kabib, IPS, SP, Churachandpur, C Tawmbing, IFS, DFO Churachandpur, Rajen, SIO (NIC) Manipur leh SDO bangzat hem ban ah DC office staff-te’n a uap ui.
ACIO-II muthak
CCpur, June 29 *(Nisin Thuhiltu)* : Intelligence Bureau (IB) nuai ah IB ACIO II/Exe Exam 2017 final result suak in, Tv. Benjamin Suantak s/o S. Gentinlian (JDD/SIB) of Super Market, Lamphel in Assistant Central Intelligence Officer Grade-II ding ah lawtinna nei in a kigen hi.
Workshop on Violence Against Women and Child
CCpur June 29 *(Nisin Thuhiltu)* : : Numei leh naupang chung ah tatsualna, kithâna leh bawlsiatna sukbeina ding tawh kisai in tuzingkal dak 11:00 in Rural Women Upliftment Society (RWUS) in “Violence Against Women and Child” ti thupi mang in RWUS Training Hall, Sielmant ah workshop a nei ui. Zia hun a chun, moderator ah Jangminthang Haokip leh Hellelui Ramtharmoi a pang ua, Holkhomang Haokip, Chief Functionary, Rural Rid Service (RAS) in vaidawnna thu a gen hi. Resource person, Marybeth Sanate, Chief Functionary, RWUS in “Gender-based Violence in Manipur - Special Focus on Ccpur District” ti thupi mang in leh, Suanlyan Tungnung, JJB member, Ccpur in “The Role of JJB in Dealing with Juvenile in Conflict with the Law” ti thupi in ziltîlna a nei ui. Chun, Ngaineikim Haokip, President, KWOHR in “Violence Against Women and Child” tawh kisai leh Ronica Vungmuankim, Criminal Justice Fellow, TISSS in “Children and Inclusive Approach” ti tawh kisai ziltîlna a nei ui.
Lutheran Children Fellowship nei
CCpur June 29 *(Nisin Thuhiltu)* : : Manipur Evangelical Lutheran Church (MELC) nuai a Lutheran Children Fellowship (LCF), Singngat Division in Sumchinvum, MELC ah June 27 apat June 29 sung a 17-veina Lutheran Children Fellowship Singngat Division Khawmpi 2018 a nei uh tuni’n a mangzo ui. Khawmpi hun sung ah thugen in Rev Khamminthang, Division Superintendent, Pastor Ginsuanthang, Bial pastor leh Pastor Kapkhanhau a pang ua, khawmpi kipatni, June 27, 2018 nitak dak 6 in Rev Khamminthang, Divisional superintendent in Khawmpi 2018 hawndawna a nei a, Zamlunmang, Secretary Finance in vaidawnna thu a gen hi. Khawmpi hun ah Sunday school naupangte’n Bible Psalm labu kidemna, Bible Quiz leh Choreography ah kidemna a nei ua, khawmpi tawpni in kipakman chuamchuam hawpdawna nei in, Pastor Ginsuanthang, Bial Pastor in pauchapna in khawmpi khakna a nei ui.
NCC official te’n NCC Rayburn College ve’na nei
CCpur June 29 *(Nisin Thuhiltu)* : : Manipur a National Cadet Corps (NCC) apat official pani in tuni, June 29, 2018 zingkal dak 11:30 in NCC Rayburn College ve’na a nei ui. Official hungte a hiu leh, Brigadier Vivek Sharma, AVSM Commander, Imphal Group, NCC leh Colonel Manish Gosain, Commanding Officer, 14 Manipur Battalion, NCC, Imphal ahiu a, Rayburn gate ah Cadet te’n vaidawn in, Rayburn NCC Quarter Guard, Rayburn Campus ah Guard of Honor piakna a nei ui. NCC Office ah Lieutenant Suan Hauzel, Associate NCC Officer (ANO) tawh NCC, CCpur Division chungchang genkhawmna a nei ua, Rayburn Library etthâkna a nei ui. Rayburn Chapel ah hun matna ah Brigadier Vivek in a genna ah, NCC cadet 14 Battalion in a nasep hawina ziak ua kipakpi thu gen in, NCC min hawina ding bep hilo ah, gam leh nam a ding ah septhei dandan ah panla ding leh zillai hi hunsung ah kukal leh titakna tawh pang ding in tîlkhona a nei hi. Zia hun a chun, Rayburn NCC leh CCpur Government High School apat NCC cadet-te a pang ui.
KZP GHQ in kipakpina nei ding
CCpur June 29 *(Nisin Thuhiltu)* : : Khangthah Zuun Pawl (KZP), General Headquarter in a hungtung ding July 1, 2018 nitak dak 1:30 ah Simte Inn, Simveng ah Pawl X leh XII, State leh Centre Board exam a lawtingte kipakpina hun mang ding ahi. Zia hun a chun, David Kamlalmuan Zote, Joint Registrar, Manipur University in Chief Guest hina tawh uap ding leh Dr. Kim Simte, Chief Medical Officer, Churachandpur ban ah T. Mangkhanthang Simte, Second-in Command, STC/BSF Mualkawi te’n Guest of Honor hina tawh uap ding ahiu. Chuleh, Th. Jamchinthang Simte, MDC 5 Thanlon in Chief Host ban ah T. Lamminlal Simte, MCS, SDO/BDO Thanlon in Special Guest hina tawh uap ding ahiu. KZP member lawtinna changte’n Pawl X/XII Marksheet Xerox copy chawi chiat a, hun matna ah pangtheilo maleh award dawngthei ding ah titna neite’n nu/pa/innkuan mi khat kiang ah ngansia ding ah hiatsak ahi ban ua, hun matna’ pang dingte Nampuan ah kizem chiat ding in KZP, GHQ hotute’n hiatsakna a bawl ui.
One Day Awareness on Natural Resource Management
CCpur June 29 *(Nisin Thuhiltu)* : : Good Samaritan Foundation (GSF) Churachandpur saina in tuni, June 29, 2018 zingkal dak 11:00 in Nazarene International Ministries Centre Conference Hall, Hmar Veng ah “One Day Awareness on Natural Resource Management” hun a mang ui. Khamzakhup Simte, Secretary, Lenlai Development Organization in vaidawnna thu gen in, Thangjalun Haokip, Convener, District Network Committee/United NGSs Mission-Manipur in Natural Resource Management tawh kisai thugenna a nei a, gamsung hausakna kepbit ah matthiam ding a pawimaw dan a gen hi. Rev. K. Hangnung, MA, M.Phil in thupi chungchang in ziltîlna a nei a, Lunkholien Haokip, Secretary, GSF in hunkhakna a nei hi. Zia hun matna a chun, khaw chuamchuam apat Self Help Group leh NGO a mapuitute ban ah NERCORMP Project nuai a Natural Resource Management Group (NaRM –G) apat mapuitute a pang ui.
YPA Zenhang Lamka Unit in Raising Day mang
CCpur June 29 *(Nisin Thuhiltu)* : : Young Paite Association (YPA) Zenhang Lamka Unit in tuni’n VK Montessori Campus ah kum 38 tinna Raising Day ta mang hi. Zingkal dak 11:00 in hun matna a kipan a, K. Shyama, Founder President, YPA Zenhang Lamka Unit in YPA Puanlap kaipalna a nei hi. Zia hun a chun, V. Hangkhanlian, Minister, Agriculture, Veterinary & Animal Husbandry in Chief Guest hina tawh a uap a, Ginsuanhau, MLA, Chairman, MANIREDA in Functional President leh Khaipao Haokip, Chairman, ADC Churachandpur in Guest of Honor hina tawh a uap ui. Chun, V. Khaikhanmung, Vice Chairman, ADC Churachandpur in Chief Host leh Letkhochinthang Valte, Chief of Zenhang Lamka in Inntekpa hina tawh a uap ui.
Khaipao Haokip, Chairman ADCC in hilchianna bawl
CCpur June 29 *(Nisin Thuhiltu)* : : Churachandpur local News khenkhat ah tuni, June 29, 2018 zingkal ah Langkhanpau Guite, Ex-Chairman, Autonomous District, Council, Churachandpur in thusua a bawl tawh kisai in, Khaipao Haokip, Chairman ADCC in hilchianna a bawl hi. Khaipao Haokip, Chairman ADCC in hilchianna a bawlna a chun, Lalhrillien, MDC-Saikot in MDC khenkhat hiatpina tawh May 25, 2018 ah DC/CCpur kiang tungding lekha thawt a piakna tu ah ADC Chairman thendawna ding chuangkha ahidan gen in, Writ Petition ah WP(C) No. 462 of 2018, Annexure A/8 ah chiangtak kizik in a gen hi. Zia ah Writ petition chu High Court ah lel (Adjucating) ahinung ah, High Court in interim order khat suakdawk, zia interim order a chu sum leh pai tawh kisai ah Financial Transaction thil lam ah gakna um in a gen hi. Zia ziak a chu, High Court in Writ petition chu consideration a bawlna ding a file hilo, WP(C) No. 462 of 2018 lak dan chuam ah kila, Financial transaction bep gakna ah Ex-Chairman in a gente thuzuau a hi ti’n a gen hi. Chairman thendawna ding ah panlakna le zia Writ petition a chu kihel hi'n Chairman ADCC in hilchianna a bawlna a chun a taklang a, zia thu chu tawh kisai ah thuchian henuam te’n Khaipao Haokip, Chairman ADCC office chamber ah office kai hunsung ah dawt thei zing ding hin le a gen hi.
Paite Literacy Festival- 2018 mang ding
CCpur June 29 *(Nisin Thuhiltu)* : Paite Literature Society (PLS) in July 5 & 6, 2018 leh Bungmual a Lalpuithluaii Foundation School, Campus & Open Air Auditorium ah Paite Literacy Festival- 2018 mang ding a hi. July 5, 2018 Day Session ah Workshop on Paite Writing System leh Conversation with Writers um ding, Nigh Session ah Peotry Slam, Tangthu Genna leh Movie Screening (Paite Classic) um ding a hi. July 6, 2018 Day Session ah Aa B C competitio, Paite alphabet Bulsuutna, Conversation with Editors (Print Periodicals) leh Lapau tips in Paite: Conversation with Songwriters um ding a hi. Night Session ah Conversation with Producers (Cable Networks) & Online News-site Administrators, Tuanthu Genna, Prize Distribution & Closing Ceremony um ding, mipi'n Zangta Lam suklatna nei ding a hiu.