Next state Assembly session ah ILPS Bill thak luidaw hiding: CM

Imphal, May 5 *(Nisin Thuhiltu)* : Manipur Trade and Expo Centre, Lamboikhongnangkhong, Imphal East District ah tuni’n Manipur State Rural Livelihoods Mission (MSRLM), Department of Rural Development and Panchayati Raj, Government of Manipur saina’ Gram Swaraj Abhiyan nuai ah t Aajeevika Evam Kaushal Vikas Diwas mat in a um a, Chief Minister N. Biren Singh in khuallian hina tawh a uap hi. Chief Minister N. Biren Singh in a thugenna a chun, next state Assembly session ah state sung ah indigenous mite venbit theina ding ah ILPS Bill gual luidaw hiding in a gen hi. State Assembly session ahlileh July ahiloleh August 2018 ah um ding a hi. ILPS Bill gual luidaw hun ding chu ngak hamham ding leh state sung ah dawi umlo nasep thil bawl neilo ding in mipi te chialna a bawl a, ILPS Bill thak kiluidawk ding tawh kisai a chu a pawimaw dungzui ah committee siamdaw hiding, zia committee chun a kisaipi khakpi ding te bill draft bawlna thudawt ding uh, hill leh valley ah um te’n a pawm thei ding ua Bill draft bawl hiding in a gen hi.

Bihar state sung ah tunaicha train sung ah Manipur mite engbawl ah a umnau tawh kisai a genna a chun, Union Home Minister Rajnath Singh leh Bihar Chief Minister Nitish Kumar kiang ah thil umdan tutta a hidan genkawm in, North East mite bitna ding leh chuambawllona ding ah a pawimaw dungzui ah panlakna nei ding ah chialna bawl in a gen hi.
Tunaicha kihawng thak ‘Khungang Chatsi – Go to Village’ mission tawh kisai a genna a chun, zia mission chu mitamtak in a phatchuampi ding ah ginchatna nei a hidan gen in, khua chuamchuam ah community ponds kiangnai tuam ah Rs. 3.5 lakh bei ah bathrooms sak hiding in le a gen hi.
Hun matna chu Rural Development and Panchayati Raj Minister Th. Biswajit, Manipur State Planning Board Deputy Chairman and Lamsang AC MLA S. Rajen, MANITRON Chairman leh Hiyanglam AC MLA Dr. Radheshyam Yumnam banah Moirang AC MLA leh Government Chief Whip P. Saratchandra te’n le a uap ua, hun mat sung in Chief Minister in telchuam ah um Rural Women SHGs 12 te kiang ah Public Transport Vehicles piakdawna nei in, SHG nasem hawi te kiang ah prize piakna le a um hi.

Official team in Churachandpur-Sugnu lamlian siamna entha

Lamka, May 5 *(Nisin Thuhiltu)* : Ministry of Development of North Eastern Region (MDoNER) fund mang ah Churachandpur-Sugnu lamlian siamna nasep tuni, May 5, 2018 in Official Team khat in etthakna a nei hi. Official Team te chu Ginsuanhau @GS Haupu, MLA 60 Singngat Assembly Constituency leh Chairman, MANIREDA in amapui a, Ministry of DoNOR lam apat SL Meena, Joint Secretary, Shyam Lal Poonia, IAS, DC Churachandpur banah Manipur Government nuai ah Planning Department apat Sarat, RA leh Public Works Department (PWD) apat T. Jangkhongam, EE PWD, S. Gopendro Singh, SW to CE, PWD, S. Zamzalam, AE, PWD te’n le a zui ui.

Official Team in Churachandpur-Sugnu lamlian siamna Lei (bridge), culvert, side drains leh component chuamchuam etthakna a nei ua, DoNOR funding a Scheme chuamchuam PMUY, Saubhagya, UJJAWALA, PMJDY, PMJJBY, PMSBY, Mission Indra Dhanush leh a dangdang tawh kisai le etthakna a nei ui. UJJAWALA scheme tawh kisai in Official Team in B. Kaljang khua ah khawsung mite thu dawtna nei in, khawmi te’n khawsung electric hawitak ah vak a hidan officak team-te kiang in a gen ua, LPG connection a mu banua, insuan ah Bank Account nei umta hi’n a gen ui. Ministry of DoNOR ah Joint Secretary, SL Meena in zani a khan le district sung ah Gram Swaraj Abhiyan scheme tawh kisai in Salem Veng, K. Salbung, Molnom, Joljam, Kangvai, Saikot, Mata leh khaw dang bangzat a hem te etthakna a nei hi. Cura-Sugnu lamlian siamna nasep ahileh a chiata November 26, 2017 ni ah Churachandpur Police Station mai, Zero Point, Tedim Road-Rengkai Road Junction ah Ginsuanhau, Chairman, MANIREDA, Khaipao Haokip, Chairman, ADC Churachndpur leh Shyam Lal Poonia, IAS, DC Churachadnpur te’n flag-off a la bawl uh a hi.

‘Aajeevika & Kausal Vikas Mela’ uap

Lamka, May 5 *(Nisin Thuhiltu)* : Gram Swaraj Abhiyan (Sabka Sath, Sabka Gaon, Sabka Vikas) April 14, 2018 akipat kimang zawna ding in District Administration, CCpur saina’ tuni, May 5, 2018 zingkallam dak 10:00 a pat in District Training Centre, Tuibong ah ‘Aajeevika & Kausal Vikas Mela’ a um hi. Zia hun chu V. Hangkhanlian, Minister (Agri, Vety & AH), SL Meena, Joint Secretary (MDoNER), Govt. of India leh Shyam Lal Poonia, IAS, DC/CCpur te’n khuallian hina tawh a uap ua, District Level Officer te’n Special invitees hina tawh uap in, Priscilla Lallensing in hun matna amapui a, Lalramsang Infimate, Addl. DC/CCur in vaidawnna thu genna nei in, S. Thienlaljoy Gangte, MCS, Ac to DC/CCpur in April 14, 2018 akipat May 5, 2018 kikal ah Gram Swaraj Abhiyan nuai ah sepdaw chuamchuam um te report piakna a nei hi.
Chun, IOC representative/LPG distributor te’n PMUY tawh kisai report piakna a nei ua, DGM/MSPDCL, CCpur in Saubhagya & UJALA tawh kisai ah report piakna nei in, LDM/CCpur in PMJDY, PMJJBY, PMSBY tawh kisai ah report bawl in, DIO/CCpur in Mission Indra-Dhanush tawh kisai in report piakna a nei hi. Khuallian te a pat thugenna um in Rakesh Balwal, IPS, SP/CCpur in kipakthu genna nei in hun a mang zo ui.

Hun mat sung in Chief guest V Hangkhanlian In M/S Vangsei Indane Gramin Vitrak , K Salbung nuai ah PMUY beneficiary mi 10 te kiang in new LPG confection piakdawna a nei a, Shyam Lal Poonia, IAS, DC/CCpur in Gram swaray abhiyan campaign nei sung ah District panlakna leh sepdaw te genlatna nei in, Guest of honour SL Meena in a thugenna a chun, CCpur district in Gram Swaraj Abhiyan campaign a bawldan chu pakchat um a sakthu a gen hi.

‘Aajeevika & Kausal Vikas Mela’ a chun, DSWO/CCpur in CMST, NSAP leh IGNOAPS enrolment a bawl a, MSPDCL/CCpur in Saubhagya nuai ah electric connection thak leh UJALA nuai ah subsidized ah LED bulbs zuak in, DLO zosia’n amau department chiat ah mawpuakna piak ah um te presentation bawlna a nei ui. Zialo a chun, NERCORMP, DIC nuai ah PNGO, SHG leh PMEGP beneficiary te’n stall bawl in a khutsuak-teu suklatna a nei ua district sung ah bank um cheng in account leh aadhaar/mobile seeding bawl in, LDM/CCpur in PMJDY, PMJJBY, PMSBY enrolment a bawl a, District sung ah LPG distributor te’n extended PMUY nuai ah LPG connection dawi te a bawl piak ui. CMO/DHS, CCpur leh ASHA te’n CMHT enrolment, medical camp, Mission Indra-Dhansuh leh Ayushman Bharat a ding ah additional data collection bawlna nei in, SDO zosia’n Certificate issue leh aadhaar enrolment camp a bawl ui.

Deputy Director ah kaisang

Lamka, May 5 *(Nisin Thuhiltu)* : M. Ngamkhothang Haokip, Under Secretary to Govt. of Manipur in Governor min ah promotion leh posting order a suadawna a chun, Horticulture & Soil Conservation Department, Manipur nuai ah Horticulture Development Officer (HDO) ah sem Mrs. Hoihnu Neihsial w/o (L) Dr. Lamminthang Vaiphei of Lingsiphai chu Deputy Director (HR) in a kaisang hi. Mrs. Hoihnu ahileh Horticulture & Soil Conservation, Churachandpur ah semlai a hia, promotion a mu tawh kitawn ah Directorate Office, Sanjenthong, Imphal ah posting tading a hi.
Promotion order dungzui a chun, Agriculture Officer (AO)/Horticulture Development Officer (HDO) a pat District Officer (H&SC) Churachandpur leh Chandel ding in Francis Zou leh Miss Honey Chara te le a kaisang ui.

Alal & Joshua Motors in kum 1 tinna lawm

Lamka, May 5 *(Nisin Thuhiltu)* : Alal & Joshua Motors, K. Salbung in kum khat tinna First Anniversary tuni, May 5, 2018 sunma dak 9:00 in a lawm hi. Zia hun a chun,Yamaha R-15 V3 kiti model thak hawndawna le a um a, DK Thangboi Haokip, MCS, Joint Secretary, Forest & Environment, Government of Manipur in Chief Guest hina tawh hun matna uap in, Rev. Ginkhosiem, Secretary, Christian Education, ECA in Officiating Minister hina tawh a uap hi. Anniversary lawpna a kipat masang in Yamaha R-15 model thak, V3 kiti chu Chief Guest in hawndawna a nei a, Officiating Minister Rev. Ginkhosiem in Alal & Joshua Motors in kum khat mel amu theina chung in Pathian’ kiang ah kipakthugenna a nei hi. D. Ginkhomang, Director, AJ Motors in Yamaha Company tawh kisai genna a nei a, Chief Guest apat thugenna um in, DT Haokip, Chief of K. Salbung in huntawp ah kipakthu genna nei in Elder D. Paokholun Haokip, Chief of Lajangphai in pauchapna tawh anniversary lawpna a khak hi.

Hun mat sung in D. Ginkhomang, Director, AJ Motors in kipakpina thil piak in a staff te - D. Thongminlal, Manager, Hatneichong, Supervisor, Veineikim, Office Assistant leh Lamminthang, Head Mechanic banah Most Active Customer, Lunminlal Haokip, AJ Motors’ Charitable Gift ah Disciple Theological Seminary leh Lamgougin, First R-15 3V Customer kiang ah gari piakdawna a nei hi. Alal & Joshua Motors, K. Salbung in a chiata kum 1 sung ah Yamaha product, model chi chuamchuam 270 val zuakdawk in a kigen a, tuni ah kihawng thak Yamaha R-15 3V ahileh 150 cc, 45 Km/Hr mileage kipia a hi.

Leaders’ Interactive Program nei

Lamka, May 5 *(Nisin Thuhiltu)* : Zomi Re-Unification Organization (ZRO) General Headquarter saina’ tuni, May 5, 2018 sunma dak 11:00 apat YPA GHQ Hall, Hiangtam Lamka ah Leaders’ Interactive Program a um hi. Zia hun chu Calvin H. Vice President, ZRO in amapui a, Thanglianpau, President, ZRO in UPF panlakna leh KNO tawh panlakna a neikhawm dan uh banah SoO suai kaina zial leh tu-le-tu ah politics dinmun tawh kisai genlatna a nei hi. President in thil umdan a genzaw nung in Zomi te ding ah maban kalsuan ding dan tawh kisai gennuam nei te’n gen in, Calvin H. in thutawp siamna a nei hi. Chun, Rev. T. Liankholal, PCI (R) in pauchapna tawh hunkhakna a siam hi. Leaders’ Interactive hun chu Zomi sung ah Civil Society Organization (CSO) chuamchuam a leader, Kochuam leader, Intellectual chuamchuam, Frontal Organization chuamchuam ah lawiupa te leh mipi lunglutna nei tamtak te’n a uap ui. ZRO President, Thanglianpau in UPF panlakna tawh kisai a genna a chun, pawlpi’n Short Term leh Long Term Political Goal nei a hidan taklang in, Territorial Council chu Central BJP puitu (Home Minister panna) piak ding ah thutiam a bawl uh himaleh kalsuanna daltu ding state Government a pat, adiak ah Chief Minister le hikhathei a hina chung ah pilvan ding pawimaw in a gen hi.
Interlocutor AB Matthur in January tha a pat Churachandpur hung phak ding gua maleh State Government in program a siamk piaklo ziak ah a daltu hiding ah ngaituana um hi’n a gen hi.
Zia hun a chun, gamsung ah Kani (Poppy) leh Marijuana (Nganza) plantation tawh kisai a chiakhawm mipi te tawh kithua ah dodalna neikhawm ding in lemsakna a nei ua, CSO puitu te leh Pawlpi lawiupa te tawh khamthei dodal ding dan genkhawm ding, Zomi Pastorte te tawh interaction Program khat vei nei ding in lemsakna a nei ui.

One Day Legal Awareness Program nei

Lamka, May 5 *(Nisin Thuhiltu)* : Churachandpur District Legal Services Authority (CDLSA) saina’ tuni, May 5, 2018 sunma dak 11 apat in Simte Inn, Simveng ah One Day Legal Awareness Program on in Re-Implementation of Welfare Schemes including Widow Pension Schemes kiti a nei ui. Zia hun chu Suman Poonia w/o Shyam Lal Poonia, DC/CCpur, Deepa Balwal w/o Rakesh Balwal, SP/CCpur leh Sonali Shetty w/o Col. Mithun Shetty, Commandant, 25-AR te’n khuallian hina tawh a uap ua, Michael Paugoulian hun matna mapui in, Savitri, Adocate, High Court of Manipur in vaidawn thugenna a nei a, Linthoingambi Thingbaijam, Lecturer, LMS Law College, Imphal leh L. Margareth, Advocate, Legal Ad Counsel, CJM Court, CCpur te’n Resource persons hina tawh topic chuamchuam mang in thugenna a nei ui.

PTC GHQ in first meeting nei

Lamka, May 5 *(Nisin Thuhiltu)* : Paite Tribe Council (PTC) General Headquarter in tuni, May 5, 2018 zingkal dak 7:00 in amasa pen ding in Executive Meeting a nei hi. Meeting hun ah Paite nampi maban ding genkhawmna a nei ua, PTC GHQ ah kum 2018-2021 sung vaipaw ding telna April 27, 2018 ah a nei hun ua teltin thak ah um CWC Chairman, V. Vungzathang banah Executive Member te meeting a chun, a pang ui. PTC GHQ ah kum 2018-2021 sung vaipaw ding te ahiuleh Central Working Committee Chairman - V Vungzathang, Vice Chairman - G. Vungsuanthang, President - K. Suanthang, Vice President - Dr. DK Mang, General Secretary - Thangzamuan Tombing, Secretary Organization - V. Gouthainmuan, Secretary Internal - T. Awnkhanlun, Secretary External - Chinkhup R Tombing, Secretary Customs and Culture - Nengkhansuan Guite, Secretary Finance - N. Vialkhanthang leh Treasurer - T. Singneng te a hiu.

VDF te'n cease work strike bawltalo ding
Lamka, May 5 *(Nisin Thuhiltu)* : All Manipur VDF Welfare Association in govt. kiang ah May 5 tiang ah demand chuamchuam a nei teu sukpitin piak ahiloleh May 6-15, 2018 sung ah Manipur pumpi ah VDF um zosia’n Cease Work Strike bawl ding ah thusua a bawl himaleh May 4, 2018 ah VDF lawiupa te leh IGP (Adm) IK Muivah tawh PHQ Imphal a kihona a nei hun ua, point 4 ah kinawptuana a siam dungzui ua, May 6, 2018 a pat cease work strike bawl ding a tiu chu chawlsan phawt ding uh hi’n S. Laltingen Vaiphei, General Secretary All Manipur VDF Welfare Association a pat hiat a hi.

ADC Chandel member 1 mualliam
Lamka, May 5 *(Nisin Thuhiltu)* : Autonomous District Council, Chandel ah Nominee Member, Alen Kom chu taksa damlona ziak ah RIMS hospital ah ki-enkawl zing chu damzo lo ah tuni, 5th May nitak ah mualliam hi’n a kigen hi.

KNO in demna bawl
Lamka, May 5 *(Nisin Thuhiltu)* : Stephen Kuki, Joint Secy, Inf & Publicity, Kuki National Organisation (KNO) in thusua a bawlna a chun, Myanmar Government in sepai thahatna Kachin mite chung ah huham tak ah gamtatna a nei chu KNO in nasatak ah demna bawl a hidan a taklang a, Kachin mite bitna ding ah United Nations Organisation in panlakna a nei ding a nawpthu a taklang hi.

Tanghawk tui in lamlian ah niin tawklut

Lamka, May 5 *(Nisin Thuhiltu)* : Lamka khawpi sung ah gua neu khat a zuk leh tanghawk tui in nullah sung in niin chuamchuam um te tawk in khawpi sung ah lamlian te a thanghuai mama hi. Khawpi sung thianthona ding ah panlakna um zing gual ah kilang maleh nullah sukthianna lam mitam tak in ngaikhawklo a hidan a kilang hi. Ziagual ah nullah thiantho lo ziak ah gua a zuk sin leh lamlian ah niin thaang zengzung ah a um zing ahileh Chuk gua nasatak in zu leh khawpi sung chu thiangtho lo mama ding in le a kilang hi.

Kpi ah Buddhist Monastery hawng

Imphal, May 4 *(Nisin Thuhiltu)* : Kangpokpi District, 49-Tadubi Assembly Constituency huapsung, Twilang road zul ah um 7th Miles, Upper Maohing ah Buddhist Monastery hawn in a um hi. Prof. Dr. RK. Ranjan, Political Advisor of Chief Minister, Govt. of Manipur in khuallian hina tawh Buddhist Monastery hawnna a nei a, Dikidoma, Secretary, Kalyan Ashram Manipur, Joint Director, Education(S) Hills, Manipur leh BP. Vikas Basnet, Executive Member, ADC Sadar Hills te’n le zia hun matna chu a uap ui. 7th Miles, Twilang road ah Buddhist Monastery chu 1970 ah a la umta ti a hia, Buddhist community of Upper Maohing in (L). Monk Lakpa Sherpa mapuina nuai ah Buddhist Monastery kihawng chu a la siamthak uh a hi.

Health Minister in Kangchup Chiru PHSC building thak hawng

Imphal, May 5 *(Nisin Thuhiltu)* : Health & Family Welfare Minister L. Jayantakumar Singh in tuni’n Kangchup Chiru Primary Health Sub-Centre (PHSC) building hawnna a nei hi. Minister Jayantakumar in a thugenna a chun, mizosia’n damsung hun sawttak a mat ding uh a nawpthu gen in, mipi te lungtup mualsua theina ding ah government in panlakna a nei zingna chung ah damtheina lam thil te ngaikhawk mama in a gen hi. ASHA worker te panlakna tawh kisai a genna a chun, ASHA volunteer te’n health sector masawn theina ding ah panlakna nasatak nei a hidan gen in, ASHA volunteer te haksatna leh panlakna hiatpi kawm ah ASHA worker te incentives sukpun theina ding ah centre ah proposal piaklut ah umta hi’n le a gen hi. Local leader te chu ASHA worker te leh a nasep thilbawlnau kithuapi chiat ding ah chialna bawl in, PHSC kihawng thak chu a khua kim leh kiang te dawidan zil ah Primary Health Centre (PHC) ah upgrade bawl hiding in a gen hi. Zia hun matna chu MLA, 51-Saitu Assembly Constituency Ngamthang Haokip Director Health Services Manipur, Dr. K. Rajo Singh, SDO Saitu Gamphajol, SDO Kangchup, ADC members, local leader te’n le a uap ui.

GOVERNMENT OF MANIPUR MEDICAL DIRECTORATE

Medical Directorate ,Government of Manipur nuai ah B.Sc Nursing , B.Pharm,B.Sc MLT leh course dang dang, government nominee ah zil nuam te a ding in form a kihawm pan tai.

*Hiat ding ah pawimaw te:*
1. Date of form issue: 05/05/2018 to 15/05/2018 (10:30 am to 4:30pm).
2. Submission of application form :On or before 19th May 2018. (10:30 am - 4:30 pm).
3. Issue of admit card: 24 - 28 /05/2018.
4. Date of entrance exam: 3rd June 2018.(10:00 am to 11:00am)
5. Date of counselling:11/06/2018.
6. Application form fee: Rs 500/-
Application form lak theina ding ahileh Medical Directorate, Lamphelpat, Opposite RIMS gate.
_Class XII science ah pass nungak leh tangval a tam theipen in apply a hawi hi._