Manipur Health Minister in Moulvaiphei ah 50 Bedded Integrated AYUSH Hospital sakna ding foundation suangphu hawng

Lamka, Nov. 14 *(Nisin Thuhiltu)* : Manipur Health, Family Welfare & Ayush, L. Jayantakumar Singh in tuni’n Moulvaiphei, Churachandpur District ah 50 Bedded Integrated AYUSH Hospital sakna ding in foundation suangphu hawnna a nei a, Rev. Lalneikhup Hmar, Finance Secretary, Independent Church of India (ICI) in Pathian kiang ah a latna a nei hi. Zia Hospital chu Rs 6.5 Crore bei ah kisa ding, G+2 building, G+3 building, Barrack Type Quarter, Vehicle Shed leh Compound Fencing, etc pang ah sak hiding, tha 12 sung ah sakzaw hiding a hi. Manipur Health Minister in a thugenna a chun, AYUSH method ah damlo te etkawl pawimaw a hidan gen in, Ayurvedic Medicine in a mangtu te ding ah siatna tunlo ding hin a gen hi. Zia 50 Bedded Integrated AYUSH Hospital chu sakzaw a hitak leh Ayush doctor leh staff 78 kawi hiding in le a gen a, hospital sakzaw thian a hitak leh khawsung mipi te’n mimal a gual ah kituptak ah enkawl ding ah chialna bawl in, tu ah Manipur BJP government in tanggam leh phazang ah khantona kituaktak a um theina ding ah panlakna nei zing in a gen hi.

Functional President hina tawh hun matna uap, V. Hangkhanlian, Minister (Agriculture, Veterinary & Animal Husbandry), Manipur in a thugenna a chun, District ah a umkha nailo Ayush Hospital sakdawna ding ah Muolvaiphei khawsung mipi te kithuapina pawimaw in a gen a, Department in kumkhat sung ah hawndaw thei ding ah building sakzaw ding ti ah guanggalna nei maleh Contractor te chung ah mawpuakna liantak kinga ding hin a gen hi.

Zia hun matna chu, Shyam Lal Poonia, Deputy Commissioner, Churachandpur, Dr. Rajo Singh, Director Health, Government of Manipur, Dr. A. Guneshwor Sharma, Director, Ayush, Government of Manipur, Dr. Y. Lukhoi Singh, Additional Director/Member Secretary, State Ayush Society, Manipur leh Lalzarlien Darngawn, Chief of Muolvaiphei te’n le a uap ui.

World Diabetes Day 2017 mang
Lamka, Nov. 14 *(Nisin Thuhiltu)* : World Diabetes Day ah November 14 mat a hi sek tawh kitawn in District Nodal Officer, Non Communicable Disease NCD Cell, CCpur saina’ District hospital a Medical superintendent MS Conference Hall ah District Level, Women & Diabetes our Rights to a Healthy Future ti thupi mang in World Diabetes Day mat in a um hi. Zia hun chu Dr. Kimngaihching Simte, Chief Medial Officer CMO/District Mission Director DMD CCpur in Chief Guest hina tawh a uap a, Dr VC Pau Tonsing, Medical Superintendent, District Hospital in Functional President hina tawh a uap hi. Medical Department chuamchuam ah Medical Officer, District Hospital ah Doctor, staff nurse leh GNM training school a tutor leh student ten le hun matna a uap ua, hun matna Dr Thangjam Nirpendra DNO NDC Cell in vaidawn thugenna nei in, World Diabetes Day kimatna ziak genna a nei a, khuallian te present bawlna nei in Chief Guest Dr Kimngaihching Simte, CMO DMD in World Diabetes Day hawnna a nei hi. Chief Guest, CMO Dr Kimngaihching in a genna a chun, Diabetes kiti chu natna kikaisawn theilo himaleh natna lau um hin a gen a, zia natna a pat chu kiven theina ding ah thianthona pawimaw leh nisin ah khawsa-ul pawt theina ding ah exercise bawl ding pawimaw in a gen hi. Functional President Dr VC Pau Tonsing, Medical Superintendent in le thugenna a nei a, hun mat sung in Dr Amarjit MD Medicine in Gestational diabetes tawh kisai in ziltilna a nei hi.

MLA Local Area Development Fund seki khat le nemanglo ding: Minister V Hangkhanlian

Lamka, Nov. 14 *(Nisin Thuhiltu)* : Young Paite Association (YPA) Khominthang Unit in YPA New Lamka Block Meet 2017 a nei hun ua Prize a sâb teu tuni, November 14, 2017 in YPA Office Ground, Khominthang ah a lawpna a nei ui. Zia hun chu, V. Hangkhanlian, Minister (Agriculture, Veterinary & Animal Husbandry), Manipur in Chief Guest hina tawh a uap a, T. Paukhanlian, EM ADC Churachandpur in Guest of Honor hina tawh uap in, M. Gouzamang Guite, MDC in Functional President hina tawh a uap hi. Chun, Khaipao Haokip, Chairman, ADC Churachandpur in Chief Host hina tawh a uap hi.

Chief Guest, Minister V. Hangkhanlian leh zi chu khawsung mipi te’n PT Sports Complex mai ah ngak in vaidawnna a nei ua, SSA Residential School a pat Student te’n Welcome Song sakna nei in, mipi te’n a nupa’n un a zawn ui.
Hun matna ahileh T. Langkhogin, Adviser, YPA Khominthang Unit leh Ningthiankim ten amapui ua, Vungzahoih, Proprieter, Kimkim Agency, Khominthang in YPA Khominthang Unit phungvukna, chutna 10 a tuak chu YPA Khominthang Unit lawiupa te khut ah piakdawna nei in, YPA Choir te laasakna’n a zui hi. Chun, Pastor N. Vumsong, Local Pastor, EBCC Khominthang in prize latna a nei a, nam lam leh item chuamchuam suklatna kalhel in khuallian ten thugenna a nei ui.

Chief Guest V Hangkhanlian in a thugenna a chun, tulai ah Social Media hawi mama himaleh a kimatna zosia hawi vek hilo a hidan gen in, khat leh khat kidemtuana kiha mat mama in a gen a, New Bazaar ah Women Market ding kisa chu a min ding mitamtak buaina khat a hidan taklang in, Imphal ah Ima Market ti himaleh District dang ah Womeng Market kisa te chu “Ima Market” ti vek ding tina bangma umlo a hidan a gen hi. Phungzathang hun ah siamdaw ah um New Lamka PHSC chu Cabinet Meeting ah genkhawm a hi tawh kitawn ah PHC ah dawpsan ah umta hin a gen a, doctor leh nurse le umta hin a puang hi.

Tedim Road a pat Khominthang kikal lampi chu kum kiy 2018 March tha tiang ah Black topping bawl hiding, zia chu zaw a hi hun hun ah Dorcas Road le siam hiding in a gen hi. Khosung singling ding dawtna tawh kisai a genna a chun, singling sang ah hun sawttak ngansia thei ding ah pucca ah bawl ding pawimawsa hin a gen a, himaleh nasep pat hun ding genthei nailo hin a gen hi.

Local Area Development Fund a mu kit hun hun ah Community Hall sakpi ding ah thutiam a bawl chu sukpitin theina ding ah panla ding leh Club-te dawtna dungzui ah Jersey Set chawk piak ding hin a gen hi. MLA Local Area Development Fund ahileh a hiding gual tak ah Development a ding ah mang ding, amangtu te’n a mat diklo uh leh thuchuam, ama a pat MLA Local Area Development Fund seki khat le heikawilo ding hin a gen hi.

Khuga Battalion in online registration bawl piak
Lamka, Nov. 14 *(Nisin Thuhiltu)* : Khuga Dam ah um Khuga Battalion in India Army a pang nuam, student Class XII zosa, Physics, Chemistry leh Mathematics ah 70% chung lam mu te a ding in a thawn ah online registration a bawl piak a, November 29 tiang ah bawl thei hiding in a kigen hi. Zia ah lunglutna nei leh titna nei te’n Khuga Battalion thuhiat thei ding a hi. Hiatthei khat chu, Khuga Battalion in tukum 2017 sung in khangthak sepna neilo sepai lunglut te ding in amau umn huangsaung in career counseling cell a hawng a, zia mun a chu Army recruitment rally ah pang ding te pre-training camp leh free coaching bawl in, tunaicha a khan Leimakhong ah Army Recruitment hun in candidate 62 in lawtinna a nei ui.

Mun chuamchuam ah Children’s Day kimang

Lamka, Nov. 14 *(Nisin Thuhiltu)* : Children’s Day ah November 14 mat a hi sek tawh kitawn in tuni’n khawvel mun chuamchuam ah Children Day mat in a um hi. School Level, District Level ah le mat in a um a, Churachandpur Distirct Social Welfare Officer, CCpur mapuina tawh Rengkai Governmet Higher School ah Universal Children Day mat in a um hi. Zia hun matna chu Simeon H Pudaite in amapui a, A Umarani Devi, DSWO CCpur in Childrens Day kimatna ziak genna nei in, Bal Kendra students te kiang ah day thilpiak piakna a nei hi. Rengkai Government High School a pat NG Sudhir, Vice Principal, Sir Freddy, DSWO leh Donzaching, Extension officer te’n le thugenna hun a nei ui. Chun, CCpur district sung ah government leh private school chuamchuam in le amau school huangsung in Children’s Day a mang ua, VK Tawnna High School hun ah Annual Day cum Children Day kimatna chu Shyamlal Poonia IAS DC/ CCpur in Chief Guest hina tawh uap in student te ziltilna a nei ui.

NFI Executive Director in panlakna chuamchuam entha

Lamka, Nov. 14 *(Nisin Thuhiltu)* : Amitabh Behar, Executive Director, National Foundation for India (NFI) in kum 3 chiata a pat Siamsinpawlpi tawh “Tanggam ah thimzilna mun te siamhawina ding ah "I Have a Dream Project" a chiapinau tawh kisai enzuina tuni’n a nei a, Centre for Community Initiative (CCI) tawh panlak khawmna a neinau tawh kisai le etthakna a nei hi. Amitabh Behar ahileh Nov 13, 2017 ni Lamka tung, SSPP Residential School leh CCI project-te etthakna a nei zaw tak tawh kitawn ah, Nov 15, 2017 ah "I have a dream project" nuai ah tanggam khua pathum - C. Tuiveljang, Suangdoh leh Lungthul T te pha ding hin a kigen hi. Tanggam vena a nei hun ah Amitabh Behar chu SSPP GHQ lawiupa te’n mapui ding a hiu. Amitabh Behar ahileh Nov 14, 2017 ni ah Hotel Imphal Classic ah "Regional Consultation in Sustainable Development Goals 2- Status of Hunger and Poverty among Marginalised Communities in North East Region on India" kiti Resource Person hina tawh uap le a hia, Executive Director, National Foundation for India (NFI) banah Global Co-Chair of GCAP (Global Call to Action against Poverty). National government accountability, aid, debt and trade, National Social Watch Coalition (NSWC), convener of Wada Na Todo Abhiyaan, WNTA, MDG/SDG framework in India, Global Fund for Community Foundations (GFCF); Global Call to Action Against Poverty (GCAP); Advisory Board of Amnesty International in India; Centre for Budget and Governance and Accountability (CBGA), Delhi; Vani (Voluntary Action Network of India); Navsarjan Trust, Mobile Creches, World Social Forum (WSF) ti te ah Convenor leh member pawimaw tak tak a la tuk, National Centre for Advocacy Studies (NCAS), Swiss Agency for Development and Cooperation (SDC), the Ford Foundation a le Executive Director panmun a la lua ngai hin a kigen hi.

Konsam FC in Seikam Memorial Tournament champion hina la
Lamka, Nov. 14 *(Nisin Thuhiltu)* : Kholmun playground ah tuni’n 9th Seikam Memorial Open Football Tournament, 2017, Final Match a um a, Defending champion United Khawzim Brothers’ (UKB) leh Konsam Football Club te final ah kihel in, minute 90 sung ah goal khum zawk sang a umlo ziak un, penalty peksak in a um ua, Konsam FC in 5-3 (penalty) ah UKB zo in, Champion trophy a chang hi. Chun,“Player of The Tournament” title Paule (16) of Lovejoy FC in a chang a, “Top Scorer” title Lunkholen Haokip of s Haijang AY in a dawng hi. Ama’n tournament sung in match 3 kihelna’n goal 8 a khum hi. “Best Goalkeeper” title ahileh L Jeson Vaiphei of Unied Khawzim Brothers (UKB) in a dawng hi.
Zia kihelna chu a en mi a tam mama a, a milip sim ah mi 10,000 val zo ding ah hisap a hi.

Final match kipat masang in Closing Ceremony a um a, zia hun chu Thangboi Gangte, MCS SDO Churachandpur, Joel Haokip, MCS SDO Kangvai, Lalkhohao Chongloi, General Secy. Kuki Inpi, Churachandpur te’n khuallian hina tawh uap in, laa sathiam - Miss Hoineilam, Mr. Muan Hangzo, Mr. Boijang Haokip ten le laa sakna a nei ua, Miss Esther Nengpilhing Haokip, State Level Miss Kut, 2017, Hemlal Haokip, Donor SK Memorial Trophy te'n le hun matna uap in thugenna a nei ui. Chun, nitak nung in Seikam Musical Nite kiti a um hi.

IED attack ah thina tuak Assam Rifles jawan 2 te State in zana sangtak tawh thadawk; Kituptak ah action lak hiding: CM Biren

Imphal, Nov. 14 *(Nisin Thuhiltu)* : Chandel District, Mahamani Village ah zani, 13th Nov. 2017 zingkal dak 6:10 ah IED bomb kikam sukpuak ziak ah road patrol duty 18th Assam Rifles jawan 2 thina tuak te luang tuni’n State in Imphal International Airport ah zana sangtak pia’n a inn lam chiat uh tut ding ah thâkdaw in a um ui. Airport ah zana piakna leh pakcha piakna hun chu Manipur Chief Minister Nongthombam Biren Singh leh Deputy Chief Minister Yumnam Joykumar Singh in amapui ui.

Chief Minister N. Biren Singh in thuthak lakhawm mite kiang ah a genna a chun, zia thiltung chu khawksa mama a hidan taklang kawm in, mipi te bitna ding panla jawan te tha (kill) kiti chu mei dawilawk te umchan a hidan gen in demna nasatak in a bawl a, Government in attack bawl te chung action khautak la ding leh suakchatsaklo ding hin a gen hi. IED puakzaw zaw ah police commando te panna, additional forces te IED puakna mun tung ah area leh large scale combing operations panngal a hidan uh le taklang in a pawimaw dungzui ah sepai sawlbe ah um ding hin a gen hi. Ministry of Home Affairs thuhiat ah attack bawltu te chung ah action kituptak ah lak hiding ah hiatsakna bawlta hin le a gen hi.

Sepai 2 te luang thâkdawna hun chu, Member of Parliament (Rajya Sabha) Ksh. Bhavananda Singh, Director General of Police L. M. Khaute, Deputy Commissioner of Chandel District, Inspector General Assam Rifles (South) Major General Virendra Singh leh top paramilitary official te’n le uap in, salute piakna leh pakcha piakna a nei ui. 18th Assam Rifles jawan thina tuak pani te a hiuleh- G/184806 Rifleman /GD Indra Singh leh 2.G/5013850 Rifleman/GD Sohan Lal te a hiu a, tuni a chenna mun chiat uh tut hiding a hi. Hiatthei khat chu, thina tuak jawan 2 te a hiu leh IED bomb puak hun ah khat a mun ah thingal, khat ahileh hospital zawtpina, a liamna thuakzo lo ah lamkal ah thi a hi. Chun, jawan 6 in liamna a tuak ui. A langkhatlam ah zia attack chu Revolutionary People's Front (RPF) in amau thilbawl in a taklang ui.

Chandel IED attack ah kigawlkhalo hi ah NSCN-IM in taklang
Imphal, Nov. 14 *(Nisin Thuhiltu)* : Chandel District, Mahamani Village ah 13th Nov. 2017 zingkal ah IED bomb kikam sukpuak ziak ah road patrol duty 18th Assam Rifles jawan 2 in thina a tuak bak ah jawan 6 in liamna a tuaknau tawh kisai in tuni’n NSCN-IM in ziagual attack bawlna a chu amau kigawlkhalo a hidan uh puang kawm in India leh Nagas peace talk sukbuai theina ding ah attack kibawl in ngawnna a siam ua, District Headquarter ah Indian Arm forces personnel te attack kibawl chu thil dang dawina ziak hizawlo ah Naga te chona leh chamna leh muanna suksiat ding tupna bak ah India leh Naga te kal ah buaina tunna ding tupna hin a gen hi. Thina tuak insungmite suunpi thu puang kawm in, liamna tuak te a damdaw pai ding uh a nawpthu’u le NSCN-IM thusua’n a taklang hi. A langkhatlam ah zia attack chu Revolutionary People's Front (RPF) in amau thilbawl in a taklang ui.

State LJP in PDS items gudawk ah MLA Wangkhem A/C ngaw
Imphal, Nov. 14 *(Nisin Thuhiltu)* : State executive member of Lok Janashakti Party (LJP), Kangabam Jadumani in MLA Meghachandra of Wangkhem Assembly constituency in PDS nuai ah mipi lak ah hawp ding ann-chang leh thil chuam chuam te MLA of Wangkhem Assembly constituency in gumang in ngawna a siam hi. Kangabam Jadumani in thuthak lakhawm mite kiang ah a genna a chun, bialtu MLA K Meghachandra in migenthei te panpina ding ah item khenkhat PDS nuai ah hung te chu tha 7 sung Septemebr, 2016 -March 2017 ah hawp hitalo in a gen a, zia tha 7 sung ah PDS items te chu MLA K Meghachandra in hijack a bawl in ngawna a siam hi. Manipur ah BJP in thuneina a chan a pat state sung ah PDS items te March tha a pat regular tak ah hawp hitamaleh Wangkhem Assembly constituency ah zia gual thil chu hawp hingailo in a gen a, a langkhatlam ah CAF & PD Minister Karam Shyam panlakna nuai ah PDS item regular tak ah kihawm thei ah a umna chung in government thak panlakna pakcha mama in a gen hi. A kisaipi thuneitu te’n a vaima theilam ah PDS item tha 77 sung hawplo ah um chu hawp a hitheina panlak a nei ding uh phutna le a nei bawk hi.

Minister Nemcha Kipgen in Cooperative Week Celebration, 2017 hawng

Imphal, Nov. 14 *(Nisin Thuhiltu)* : Social Welfare and Cooperation Minister Nemcha Kipgen in tuni’n Laishram Leirak Community Hall, Imphal ah 64th All India Cooperative Week Celebration, 2017 hawnna a nei hi. 64th All India Cooperative Week Celebration, 2017 ahileh Manipur State Cooperative Union in Registrar of Cooperative Societies, Manipur leh District Cooperative Officer, Imphal West tawh kithua ah “Empowering People through Digitalisation of Coop.” ti thupi nei ah organised a bawl a hi. Cooperation Minister Nemcha in a thugenna a chun, organizer te panlakna kipakpi mama kawm in tuhun ah digitalization pawimaw mama in a gen a, digitalization masawn dungzui ah revenue kibelap leh business promote bawlna lam le masawnna mama in a gen hi. Zia inaugural function chu Chairman, Handloom & Handicraft Development Cooperation Ltd. S. Rajen Singh, Principal Secretary (Coop.) Government of Manipur, J.C. Ramthanga, Registrar, Cooperative Societies, Manipur H. Rupachandra Singh and Director, ICM, Imphal Dr. N. Ranjana Devi ten le a uap ui.

Memorandum Drafting Committee in meeting nei
Imphal, Nov. 14 *(Nisin Thuhiltu)* : Manipur Deputy Chief Minister Yumnam Joykumar Singh, Office chamber, Secretariat (North Block), Imphal ah tuni’n Government of India leh NSCN (IM) talk tawh kisai ah Memorandum Drafting Sub Committee of All Political Parties te’n a 2 veina ding in meeting a nei ui.
Zia meeting chu Deputy Chief Minister in Memorandum Drafting Sub Committee, Chairman a hi tawh kitawn in amapui a, party chuamchuam in draft proposal a piaklut teu ngun tak ah genkhawmna nei in, memorandum drafting process chu a vaima theipen ah zawthian ding in lemsakna a nei ui. Zia ah Memorandum Drafting Sub Committee in a chiata 2nd November, 2017 a khan Deputy Chief Minister, official chamber ma in first meeting a la nei ui. Next Sub Committee meeting ahileh 17th November, 2017 leh um ding a hi.

National Press Day kimang ding
Imphal, Nov. 14 *(Nisin Thuhiltu)* : Department of Information and Public Relations, Government of Manipur saina’ 16th November, 2017 leh 1st Bn. Manipur Rifles Banquet Hall, Imphal ah National Press Day 2017 mat hiding a hi. Zia hun a chu, CAF & PD Minister Karam Shyam leh Commissioner (IPR) K. Radhakumar Singh te’n khuallian hina tawh hun matna uap ding a hiu a, journalist 8 te kiang ah Manipur State Journalists Award, 2017 piak ah um ding a hi. Award dawng ding te chu - Editor Hueiyen Lanpao (Manipuri), Hemanta Kumar Ningomba (Best Editor on National Integration and Communal Harmony); Senior Staff Reporter Sangai Express Laishram Shamungou Singh (Science and Technology); Political Chief Sangai Express Ahongsangbam Dilipkumar Singh (Parliamentary Reporting); Reporter Hueiyen Lanpao Kumari Ashem Babycha Art and Culture); Sub-Editor Poknapham Daniel Chabungbam (Rural Reporting); Staff Reporter Sangai Express Kumari Sapam Aruna (Women and Children); Staff Reporter Poknapham Ibomcha Yumnam (Public Health and Hygiene) leh Staff Reporter Sangai Express M. Romen (Sports Reporting) te hiding a hiu.

Manipur Public Library Act, 1988 kituptak ah chiapi a theina ding ah panlak hiding: Minister Karam Shyam

Imphal, Nov. 14 *(Nisin Thuhiltu)* : Manipur Consumer Affairs, Food and Public Distribution Minister Karam Shyam in tuni, Peoples’ Library, Yumnam Huidrom Makha Leikai, Imphal West ah Manipur Library Association (MALA) cum People’s Library saina’ National Library Week 2017 hun ah a thugenna a chun, Manipur Public Library Act, 1988 kituptak ah implement a hitheina ding ah panla ding a hidan taklang in, Manipur Public Library Act, 1988 kituptak ah chiapi a theina ding ah a chiata kum 29 sung ah panlakna bangma a la umlo hin a gen hi. State sung ah library movement tawh kisai ah theitawpsua panla ding leh state mipi te’n library a phatchuampi theina ding ua panlakna nei ding hin a gen hi. Zia ah hun matna chu O. Lukhoi Singh, MLA of Wangoi A/C, Dr Thaounaojam Komdon Singh, Librarian, Manipur University of Culture, Kangjam Chaoba Singh, President, Manipur Library Association, L Sobita Devi, former President of MALA ten le a uap ui.