NISIN THUHILTU - 07 May 2017 | via Zogam.com

Khantona lam ah District zosia a kibat ding state government in ngaikhawk pen: CM Biren Singh

Lamka, May 6: Manipur Chief Minister Nongthonbam Biren Singh in tuni,5 May 2017 in Lamka Press Club, Churachandpur ah Editors' Guild, Manipur (EGM) leh Manipur Hills Journalists Union (MHJU) in Directorate of Information and Public Relations sponsored bawlna leh District Administration, Churachandpur support bawlna organize a bawl Reception cum One Day Seminar on "Communal Harmony: Bridging the Gap" kiti uap in hawnna uap in, seminar hawnna a nei hi. Ama'n a thugenna a chun, Churachandpur District ah anti-tribal bills issue ziak ah kipinna um zing chu a vaima theipen ah sukven ding lemsa a hidan a gen a, hun kisan dungzui ah reconciliation hun a hi tak tawh kitawn ah khat leh khat kal ah kihiathiam tuana a um ding pawimaw hin a gen hi. August 31, 2015 ni a pat "anti-tribal bills" ziak ah kiphinna thina tuak te dinmun ngaikhawk mama leh Churachandpur mipi te lunggel leh thina tuak insungmite lunggel ding hiatpi mama a hidan le thawkpi zing a hidan taklang in khawvel ah mihing a um sungsia buaina kiti um zing ding a hina chung ah demand leh kiphinna hun ding umsak, a chang leh issue ziak ah kiphinna um te chung ah kingaidamna a um ding pawimaw in a gen hi. Ama government Churachandpur issue tawh kisai ah government leh kiphinna mapui Joint Action Committee Against Anti-Tribal Bills (JACATB) tawh kiho lemna a umna ding leh buaina issue sukven ding dawi ah panla zing in a gen hi. Chief minister N Biren in a gen zawmzelna a chun, ni 600 sung district mipi'n anti-tribal bills issue ziak ah thina tuak te suunna nei zing kawm ah kiphinna a nei uh chu hiatpi mama leh Churachandpur te lam ah government pang zing a hidan a gen a, district masawnna ding ah nasatak a panla ding hin a gen hi. Khantona lam ah a kua kua kibang tak ah a um ding chu state government thak ngaikhawk mama te lak ah khat hin a gen a, district zosia khantona a um theina ding ah special plan siam hizing leh tu nung sawtlo ah Churachandpur leh District thak Pherzwal district dinmun tawh kisai ah meeting um ding a hidan a gen hi. Lamka Press Club tu ah tham-pheleng ah kisa chu tunung sawtlo ah pucca building ah sak hipaita ding in thutiam a bawl a, journalist te dinmun dawpsanna ding ah panlakna kituptak nei ding hi'n a gen hi. Hun mat sung in Civil Society Organisation chuam chuam - Manipur Hill Journalists' Union, Zou Sangnaupang Pawl, Tedim Chin Union, Zomi Students' Federation, Kuki Students' Organization, Gangte Students' Union, Headquarter Veng Youth Club, Lamka College Student Union, All Tribal Women Union leh Joint Philanthropic Organization te'n Memorandum piakna a nei ua, Memorandum piak lut ah um te chu a kisaipi department te etpi genpi ding a hidan gen in, a dawnhuna pechiat ding a hidan Chief Minister N Biren Singh in a gen a, tunung sawtlo ah Churachandpur ah Reception Programme thupi tak ah mat hiding a hidan le a gen hi. Zia hun matna chu Agriculture & Animal Husbandary Minister V Khanlian, Chairman, Hills Area Committee, T.T. Haokip, Parliamentary Secretary (MAHUD), N. Indrajit Singh, Parliamentary Secretary(Health & Family Welfare), S. Subhashchandra Singh, Parliamentary Secretary(IFCD) Lourembam Rameshwor, MLA (Singhat) Ginsuanhau, MLA (Thanlon) leh MTDC Chairman Vungzagin Valte, Commisioner, IPR, K. Radhakumar, Deputy Commissioner, Churachandpur, R. Sudhan, President, Manipur Hills Journalist Union, Sothing Shimray leh President, Editor's Guild, A. Mobi te'n Guests of Honour leh functional President hina tuak a ua, Chief Minister in Indo- Myanmar border ah um Behiang khaw-kiang ah General Reserve Engineering Force (GREF) gari ambush ah thina tuak mi 2 - Lallianmang (40) s/o (Retd.) Pastor Chinkhothang Taitom of Headquarter Veng leh Ginlam Khaute (50) s/o Kamzagin of Singngat innsung mi te kiang in ex-gratia Rs. 5 lakhs gel piakdawna le a nei hi. Chun, Seminar technical session hun ah Ramkung Pamei, Editor, Dichham, Tamenglon, Peter Adami, Editor, Hornbill Express, Senapati, Dr. Ibomcha, Director, AIR, Lesker Makang, Ukhrul leh H. Doungel, Youth Coordinator, NYK Churachandpur te'n Resource Persons hina tawh paper presentation a bawl ua, hun matna bangkim chu President, Editors' Guild, Manipur A. Mobi in amapui hi.

World Red Cross Day
Lamka, May 6:Kumsinleh 8th May, World Red Cross Day ah mat a hi sektawhkitawn in, Indian Red Cross Society, Churachandpur Branch saina' 8th May 2017 leh sunning dak 12-2:00 PM sung ah Hill Town, Community Hall, Thangzam Road ah World Red Cross Day mat hiding a hi. Chun, khawvelmunchuamchuam ah le World Red Cross Day mat hiding a hi.

BYF Jumble Sale
Lamka, May 6: Baptist Youth Fellowship (BYF), Central Lamka in sum munakhathiding ah Year Plan ding ah a guatlawktelak ahkhatsepdawna ding intuni, May 6, 2017sunmadak 10:00 a pat inEBCC Central Lamkahuangsung in Jumble Sale a bawl a, mipilak a van zawkdaw a hitheina ding ah Pastor LetzathangGuite, Local Pastor, EBCC Central Lamka in BYF, Central Lamka Jumble Sale hawnnanei in, Pathian' kiang ah kikawlsakna a nei hi. Hawndaw ah a um tawhkitawn inmipitamtakte'n van a chaw'u a, Jumble Sale ah Baptist Youth Fellowship, Central Lamka in vengsungmipia patsilh-le-chen, kengtaw, kitchen van leh adangdanga lakkhawmteu man tawmtaktak in a zuakui.

Missionary Day
Lamka, May 6: May 7th, Missionary Day a hitawhkitawn in Christian te'nmunchuamchuam ahMissionary Day mang ding a hi. Zia tawhkisai a hi'nKo chum chuam ahMissionary ten amauchawmtu/vaktukhua/kochuam ah Missionary Day hunah thugentu pang in, a sepna uh tawhkisai report piaknalehpauchapnahunmang ding a hiu.

Assam Rifles Ex- Servicemen Rally

Lamka, May 6: Assam Rifles ChurachandpurSector saina'tuni, May 6, 2017 sunmadak 9:00a pat District Training Centre (DTC)Tuibuang ah Assam Rifles Ex- Servicemen Rally a um a, ziahunchuChurachandpurlehBishnupur District a pat Assam Riffle pension mi 200, Assam Riffle panglai, a pawsal ten a thisan uhmeithai 45, gal ah thi- Veer Naris 2 tebanah V Hangkhanlian, Minister, Agriculture, Veterinary and Animal Husbandry, Government of Manipur, Brigadier Ajay Kumar, Commandant, 27 Sector Assam Riffles, KhaipaoHaokip, Chairman, Autonomous District Council, Churachandpur, Colonel Sanjay Kumar, Commandant, 25 Assam Rifles, Members of District Council lehDistrict Administration lam a pat mitamtakte'nuap in thugenna a nei ui. Rally ahileh Assam Riffles CCpur Sector in Assam Riffle ah pang te'ngimlehchawlkhawksalo ah, hinnatiangchaanngam ah gin-um taklehkukaltak ah India khualehtuite a ding ah pension tiangsemtechawihawina ding ah District Administration tawhkithua, a sai uh a hia, ex-servicemen tehaksatnatesukvenpiak ding tupna le a hi. Zia hunmatna a chun, Government Department chuamchuam - Agriculture, Horticulture, Fisheries, KrishiVigyan Kendra, Sericulture ten amau department tawhkisai in van chi chuamchuamsuklatna a neiua,Ex-servicemen lehingsungmite'nte'n department tawhkisai ah hiatthiamlothilte a hiatthiamtheina ding un Stall chuamchuam le bawl in a um hi. Pension Cell, Aadhar Card, Bank, leh a dangdangtawhkisai ah Ex-servicemen, Post Seventh Pay Commission tawhkisaihiatthiamlodawtnuamneitehiathiamsakna, Damtheina lam tawhkisaimedical camptite le Ex-servicemen rally a chun a um a, Doctor specialist banahtulaivanmatbukimtawhkithua dental clinic le hawn in a um hi. Nisin ah van mat pawimawchuamchuampawimaw chaw nuamte ding ah Canteen Store Department extension counter a hawngui.Zialo a chun, Military & ethnic stalls chuamchuam- Assam Rifles tawhkisai ah history, tradition and culture tesuklat in le a um hi. Chief Guest hinatawh Ex- Servicemen Rallyuap, V Hangkhanlian, Cabinet Minister, Agriculture, Veterinary and Animal Husbandry, Government of Manipur, in kum2015 ah NSCN (K) tawhkikaptuanathinatuak gal hangsan - Late Riflemen, General Duty LunminlalHaokip of 23 Assam Rifles ziNeithinkipHaokipleh 2017 ah Assam gam ROP chianathingnuaimite ambush ah thinatuak Late Riflemen, General Duty L GinlalvenNgaihte of 13 Assam Rifles, Pa-lianThangzaginte kiang ah zanathilpiakpiakdawna a neibanin, meithai 49 te kiang ah thilpiakpiakna a nei a, Brig Ajay Kumar, Commander 27 Sector Assam Rifles in ex-servicemen chutunung ah le sutzawmzel hiding in a gen hi.

Naupangkhawmpi
Lamka, May 6: Lamka South Division Baptist Children Department (BCD) in a hung tung ding June 30-July 2,2017 sung,Gospel Centenary Hall,New Lamka ah primary pat Senior ten, Lamka South Division Naupangkhawmpithupitakah nei ding a hi. Khawmpihunsung in Lamka South Division sung ah BCD um te Category 3, A,B leh C ahkikhen in, kidemnachuamchuamnei ding a hiu.

Dy CM mapuina DBT leh Financial Inclusion dinmun enthak
Imphal, May 6: Manipur Deputy Chief Minister Y. Joykumar Singh in tuni'n Conference Hall, Manipur Secretariat (South Block) ah meeting mapui in, State Direct Benefit Transfer (DBT) leh Financial Inclusion tawh kisai ah welfare schemes chuam chuam chiapi ah um te dinmun etthakna (review) a bawl a, meeting in Rural Development, Social Welfare, Tribal Affairs & Hills & School Education, bank official te panna head of departments tamtak a pangua, DBT leh Aadhar & Mobile number with beneficiaries'bank accounts dinmun te panna issue chuam chuam genkhawmna a nei ui. Deputy Chief Minister Y. Joykumar Singh in bank official te chu a pawimaw dung zui ah bank branch hawnbe ding ah hiatsakna bawl in, major issues - infrastructure, connectivity leh communication dinmun te ngaikhawk chiat ding a nawp thu gen in, government panlakna chi chuam chuam um te chu kithuapi ding in a kisaipi thuneitu te chialna a bawl hi. Bank branch hawn thak ding tawh kisai ah Commissioner (Finance) V. K. Dewanggan in a genna a chun, state sung ah bank umlona block 32 um in a gen a, zia te lak a chu branch 21 ah bank branch hawnthakna ding ah panlakna chiatha zing a hidan gen in, block 4 –T .Vaichong, Phungyar, Nungba leh Sangaikot ah June 2017 tiang ah bank branch thak hawn hiding leh a dang te le cover vek a hitheina ding ah panlak hizing ding in a gen a, Aadhar & Mobile number seeding chu avaima theipen ah sufel ding in bank te hiatsakna a bawl hi. State sung ah 31/03/2017 tiang ah total Saving Account 26, 85,430 hawn ah um himaleh Aadhar seeded accounts 10, 38,895 bep um in le Commissioner (Finance) V. K. Dewanggan in a gen a, Social Welfare Department nuai ah total 1, 23,599 beneficiary um leh beneficiary 2,370 te bank accounts open/register bawl thak ding um in a gen hi.

A thisa mi 2 mudaw ah a umna chung ua IFCD & YAS Minister mapuina kihona nei
Imphal, May 6: Chandel district, Sugnu Police Station huap sung ah um Moltinchan leh Khumjang villages kikal ah zani a thisa Ms. Nengneikim leh Mr. K. Tuboi te mudaw ah a umna chung ua ki phutdawk JAC te'n tuni'n kiphinna a nei ua, kiphinna nei JAC te'n IFCD & YAS Minister Letpao Haokip tawh kihona a nei ui. Kihona a um tawh kitawn in JAC, KSO Gunpi Block, KWHR leh Ereima Nupi Lup, Sugnu te'n kiphinna chawlsan ui. Kihona a um hun ah ziagual tualthana chiapi te chung a chu gawtna piak ding ah lemsakna a um bak in investigation kituptak ah um ding in kinawptuana a siam ua, Minister (IFCD/YAS) in thina tuak mi 2 insung mite kiang ah ex-gratia piak ding phutna chu enzui ding in thutiam a bawl hi. Zia kihona a chun state government thasik in Minister Letpao Haokip, government official - Krishna Kumar, DC, Chandel; S. Goutam, SP,Kakching, R. David, SDO, Chakpikarong leh A. Romendro Singh, SDPO, Sugnu te a pang ua, Minister Letpao Haokip in khawtang ah tizat um tak tak ah kithana um te government in nasatak ah dodal ding a hidan gen in Sugnu area ah um community chuam chuam te chamna leh muanna a um theina ding ah panla chiat ding in chialna a bawl hi.

Art & Culture masawnna ding ah panlak hidi: Jayantakumar
Imphal, May 6: Art and Culture Minister L. Jayantakumar Singh in tuni'n Chief Guest hina tawh Palace Compound, Imphal ah Shri Shri Bal Mukunda Dev Music College (SSDBMC), 55th Foundation Day Celebration a uap a, ama'n a thugenna a chun state sung ah Art and Music masawn theina ding ah panlak ding nuam a hidan a gen a, music gamgi neilo ah mipi te ngaituana leh lunggel kan khawm a hidan gen in, state sung ah cultural tradition lui chu Folk leh Traditional Music ah suklat hizing in a gen hi. Chun, State sung ah Musicians & Musicologists te chu research bawl thak ding leh state music te masawn semna ding ah panla ding in chialna a bawl a, music standard saimthak ding pawimaw in a gen hi. Zia hun matna a chun, Manipur Folk Music Competition 2016-17 prize piakdawna le a um a, Chief Guest in souvenir hawnna le a nei hi. Hun matna chu M. Lakshmikumar Singh, IAS Commissioner Art & Culture, Manipur leh Dr. K. SushilaDirector, Art & Culture te'n le khuallian hina tawh a uap ui.