Pastor James Chinjemvel: GFAM Pianna Di’a TOUPA Mizat!
By Upa Chinsum
“Eilam mite ngeina dan in kei leng Khristian innkuan a piang ka hi tei hi. Ka khanvualte hih dan mah in kei leng biakna kikhop khawng leh sunday skul khawng ka na kai sam hi. Khristian dan a ka om hang in Khrist tawh kimu taktak lou in ka na om a, kingaihsiatna ziakin, kum 17 & 18 ka hih in ka na kithah sawm ngeita hi.” – Pastor James Chinjemvel
September 10, 2017 @2PM: EBCC Delhi biakna kikhop, Biakna kikhop khat sung adi'a khitui tam a taak pen hun ahimai de aw. Hiai hun a Pastor James Chinjemvel’ testimony & sermon ngaikhete lak ah kidiik kawm a mittui nul a tam e. TOUPA'N thupina tang hen!
Ministerial Committee’ phasakpihna tawh Pastor (BS) in ana dawp, a lawm Pastor Jemvel’ pulpit luah ni di, 10/09/2017 tuang hong tungta. Kikhom thei a om hampha kisa ing. Tua ni DEW (Delhi EBCC Weekly) a suahkhiak, Jemvel’ testimony leh pulpit apan hon genkhiak ciamteh khak pawl khat, midang khat-le-nih adi’a vualzawlna ahih deihna & kineppihna tawh hia’h I taklang hi:-
√1984 kum a piang, Thanlon Sub-division Joutung hausa innkuan apan ahi.
√A pa, Hmar speaking community apan leh a nu, Simte speaking apan; a khaw theihma in a nu-le-pa na kikhen uh [1990 kum in a nu'n pasal dang nei]
√Siamsinna ah Blue Star Academy (Lamka), St Saviour School (Thanlon), Assembly of God’s H/S (Lamka) leh Rayburn College (Lamka) te tawnkha.
√Innkuan kitamkham apan piang hih dungzui in mahni kimuhsitna leh manphalou kisakna hinkhua na zang toutou. Kum 17 & 18 a hih in 2vei awklup na sawm; a nihveina ah kikhai man, a innkhang pa'n galmuh, delh in vahunkhia!
√A neulai in a nu'n, TOUPA ma a thupha tawi kawm in a’ tapa khe len in zankim-zankhang in thumsak sek (Jemvel in bel nuam salou in a kallak in a’ nu khut na pekkhe thei zel).
√2004 kum in Hotdamna camp, NTBC inntekna a sai ah valut, Evan Thawnkhansuan thugen leh Laisiangthou Thu pansan in Kha Siangthou in man (convict); “Amah kilh a om JESU mu chia'nta”, hallelujah! Tua hun akipan Jemvel thil etdan, world-view kikhek top...
√Mosi leh Jeremia-te tancin tungtawn in Pasian sapna za. 2005 kum in Bible College lut a, huai hunsung in ‘Toupa bang hih diing a hondeih na hi hiam?’ ci a a thum lai in, Isai 61: 1, 2 tungtawn in TOUPA’ dawnna mu.
√Huchi'n gentheite, lungtang khasiate, saltaangte leh lungkhamte laka tanchin hoih gen di’n hong kisakhia.
√Kum 2011 in Sikkim ah voluntary Missionary diing in kuan. Tua kum April kha in GFAM (Grace for all Ministry) cih hong piangkhia. Pasian in A’ tangthupha genna ah zang, huci in May, 2013 in Martam (West Sikkim) ah formal worship service pat in om. TOUPA’N A’ saptuamte behlap zel in biakkhawmna diing biakinn, August 2014 in pia.
√A puakgik khat, Delhi khawpi a NE tuailaite khamtheih saltang bang, ahihkei leh hinkhua a kingaihsiatna nei a omte; adiakin, saptuam in a veh phaklouh hiam biakinn lam hon zuan lou tuailaite. Amaute adi’n a haksatna ua pan leh amaute adia damna Tangthupha, Khrist Jesu a om ahih dan gen ut luat in nei, huci’n Delhi hongpai, 2015 in ministry, GFAM honpan [Nipini cia’n Hmar Christian Fellowship, Delhi ah kikhawm tangpi].
√Hinkhua a etkik cia'n, ana totsa depression hinkhua haksa law mahmah sa ahihman in, Jemvel in a' melmate tuah di na-ngawn in deihsaklou top!?
√A pianna pa’n a (nu leh amah) a taisan ziaka gentheih tawpkhawk phukha a kingai, Jemvel in hun khat lai in muh nana a a’ pa thah di na hanciam! Hiai tupna khauhtak a neih pen Kros thilhihtheihna in a salhvak nung in zong, kimangngilh sak di haksa sa mahmah mai.
√Ahizong Matthai 18:21-35 Thu pansan in TOUPA’ aw-neem za, a’ pa hon gamzonta (fb tungtawn bang in), ngaihdam ngen ut. Mukhe khong, Ccpur district Saikot khua a teeng na hi.
√A' lungsim a sual ngaihtuahna, pa thah sawmna pen, TOUPA tunga mawhna goltak ahihdan theiciang lua. Tua tungtang Jemvel in a pa lak a ngaihdam ngen ut tinten hidan ahi.
√ Kum 30 a phak a gam vangla apan “pa” cia phone tungtawn a a houpih pen, a hinkhua-a amah suangtu pa a sap masakna. Kipahna leh khasiat mittui in kimutuah(nai) lou, pa tate tum.
...
1 Kor 1: 18 “Khros Thilhihtheihna” pansan a Pastor James Chinjemvel’ thugen, ciamtehkhak point khenkhat:-
✓I gam i society sung siatna – “Khros thilhihtheihna experience lou, piangthak loupi” piangthak om-a-om, piangthak sep a sem i tam ziak uh ahi.
✓Saptuam goih semtute lak ah nekmuhna dan lel a seem tam lua, TOUPA nasep i cih Khrist itna leh Khros thilhihtheihna apan kuul ahi. Tua lou in gah hoih a suah kei peuhmah di.
✓Kisinsakna ah Bible sinsak (absolute truth) pansan sang in khawvel puaksuah sinsak lamah i lampial nasa lawta uh. Esk. Bible in naupang bawlhoihna a chiang zat a phal lai in mun tamtak ah Thukhenna innpite gen limsak zawkna a omta.
✓A dangte leh kimzaw, Media Team in saptuam website a a’ koihkhiak, link kipia ah aw:
http://ebccdelhi.org/resources/sermons/1338-testimony-and-sermon-on-khros-thilhihtheihna-pastor-james-chinjemvel.html
TOUPA'N thupina tang in eite A mel vak ah hon ki-enciansakta hen!
...
GFAM Vision : Nam cih kianga Tangthupha gen diing. Hotdamna tang a suakta tak a hinkhua zat diing. Tuailaite veh a hotdamna tangthu puak di’n.
GFAM Mission: Lungkham leh mangbangte' Jesu Khrist tawh a kituah theihna ding ua lampi tuamtuam sial sak, Bible class, seminars, awareness campaign, Crusades leh hotdamna camp. GFAM in Jesu Khrist, i kilamthakna di’a foundation omsun ahi cih lenkip tinten in Tangthupha leh nungzuihna a kikhen theilou, pai khawm gige ahi cih sinsakna kinei tou zel hi.