KOHIMA NIHVEI PAINA – CS(P), 2014 EXAM INSPECTION IN!
Written by Upa Chinsum

Approved tour programme dungzui in 22.08.2014 @7AM a IGI (T-3) vanlengphual nuse di, lengsuk ziaiziai, 9.05AM a Kolkata vanlengphual bawh di; 10.05AM a Dimapur zuan a lengkhe nawn gaigai di. Dimapur apan Kohima tan taxi in, huci’a 23.08.2014 ni‘Inspection of arrangementsat Kohima Centre’ bawl man banah exam ni 24.08.2014 in ‘Inspect of conduct of CS (P) Exam, 2014’ felleh kizentak in… cihdan ahi. CSP, 2014 examination centre ahihleh India gam buppi mun 59 (sawmnga-le-kua) ngut-aom, tua lak ah 9 (kua) North East Region ah omkha hi - Agartala, Aizawl, Dispur, Gangtok, Imphal, Itanagar, Jorhat, Kohima leh Shillong.

22.08.2014 zingkal: Innteknu (Kim) in thumna tawh hon khakhe zou, 6AM a IGI vanlengphual tung, counter a ticket va-lah cianga boarding pass DELHI-KOLKATA be-bek piaka omta. “Oh, tuma June kha a ka pai in lah boarding pass hiai counter mahmah ah KOLKATA-DIMAPUR le hon issue ngal ua…!” cih cia’n counter ngaakpa’n ticket munkhat anuai giit in hon ensak hi. Air India ticket kipawkhia in alah, KOLKATA-DIMAPUR pen 24.08.2014 (22.08.2014 hilou?) cih ahi. Kum 8 UPSC a sep sunga ofis te ticket laak fuhlouh ziaka nawngkaina tuah patna… ‘zan nitak dak 8.30 tan ofis a naa nei, ticket a kigelhte le ka na en detdet kha kei a eive’ lungsim a cikawm (mahni kimawhsa) in, “24.08.2014 KOLKATA-DIMAPUR ticket pen suan-nai ngai, 24/08 Ni a Kohima ka vatun leh official duty a zin ka hihna in omzia neilou di ahihmanin, tuni adi’n sotnai dan ngaihsun ni” counter a tupa kianga a kicih cia’n, amah tutna a hih theih nei mailou ahihdan gen kawmin counter dang ah honsawl hi.

Ama’n honpi ka kipak hi: (a) Ticket cancellation/postponement/upgradation etc bawlna counter ka zot lai in, 6.30AM naih sukta hi. Lamdang takin, ticket counter a tu (ka kisaipih) pa’n hong nungdelh a, counter dang khat pen ah ‘buaina phut khak thut’ tungtang vasai khawm ung. 22/08, KOLKATA-DIMAPUR flight omlou ana hi! A zingciang 23/08, KOLKATA-DIMAPUR flight om, ahizong ‘M’ class (kei tawi confirm ticket) class omlou, ‘Y’ class ticket bel omlai; ‘M’ class ticket man sanga ‘Y’ class ticket man atamzawkna Rs. 3, 406/- ana hi… (b) Sum kuah in ticket pre-ponement & upgradation man di daih hive’n, 23/08 KOLKATA-DIMAPUR (via Dibrugarh) ‘Y’ class la, lawmpa kianga kipahthu gen zou, 7AM a lengkhe diing AI-401 lap sawm, kinawh pai sim ing. Lap, Ebenezer!

Gelkholh hi-hetlou napi:Kolkata a om sanggamte (Upa Khenthang leh Upa Lian Naulak) laka 22/08, 9.10AM Kolkata vanlengphual bawh a, tua ni Kolkata a zan giah thut didan a thil omkha ahihdan zasak cheuh. Lametna khen gam… Kolkata vanlengphual ah ka Pu Khen (Upa KT) in hon na dawn, bike (siksakol) a kipua, a inn uh ka tun ciang un lawm PS Thang (Pastor Pumsuanthang) zong na om in, Saptuam etkolna, Khalam kikepna vai mah houlim pah tangtang ung [EBCC Kolkata kemtu: Pastor PS Thang, Local Chairman: Upa Khenthang, leh Local Secretary: Upa Lian Naulak hi uh]. Lungsim ah, “Jesu Khrist hehpihna in eite na-ngawn honbaan, Amah deihsakna hanga hamphatna & mawhpuakna piaka om hikei peuhmah le’ng, tua I kikup ngakngak bang un Saptuam vai kikum hetkei ni maw…” cih lang. TOUPA hoih hi.

Nitaklam: Lian, ofis kai hongpai baih a Saptuam in gam a leikhiak thak [7200 square fit – Plot No. 56 & 57, Mission Para, Thakdari (behind Salt Lake| Sector 5), Kolkata - 700102] mun hon vaphakpih hi. Eheu, thupi e, lungtunhuai e, PTL! Saptuam in nuai 40 (forty lakhs) senga gam (plot) a leikhiakna leitang a ding kawma TOUPA kianga kipahthugen thumna hun zat khit in Lian’ siksakol in ciahkik ung. Lampi ah Pa T. Thangzalian (CBI Officer/ EBCC Kolkata a Building Committee Finance Secretary)’ quarter, Pa Albert Munsong (Audit & Accounts Officer/ Assistant Secretary, EBCC Kolkata)’ quarter banah, Pa Pau (Phamsa T Thangzapau)’ ji leh tate innthak tawn in, tua innte ah TOUPA tunga lungdam kouhna hun saulou ciat zangkhawm thei ung. TOUPA ei di’n hoihna e…

Pu Khen te thusiamna tawh, nitak-ana inn ua amau innkuan leh Lian te innkuan tawh nekhawm nainai [Pastor te ahihleh pawtna di neihsa ana neihman ua hongtel manlou uh]. An nezou, houlimna kuang nih kuang thum lui a om, lunglutna lam ciat k’ong houlim ciang un, a saupen leh tompen in ‘12’ na kawk hak hetlou mai hi. Kikhen ma in, thumna point kaikhawm in, tuate pansan in TOUPA lam enkhawm, TOUPA ma ah bungkhawm ung. 23/08 zingkal, Lian in a WAGON-R san viuveu in Kolkata vanlengphual tan hongkha. Nuam hi. Boarding pass lakkhiak khit a Kohima leh Dimpapur a eimi lawmte khenkhat thuzak – tunna tan leh pai zom zel sawmdan honna theihpih uh deihna in. A tomin, Dimapur vanlengphual a hon na dawn driver tawh Kohima zuan a kipantou, lampi gei-a hon na ngaak Pastor Thangkhanmuan latou, Kohima tan tontou ngiahngiah. Pastor Muan ahihleh EBCC Kohima leh Dimapur paw-khawm, tutung saptuam te veh di’a na kithawi, Ciangkot leh mangkhawng kituak, ton tou kha ka hizaw uhi.

Kohima ah,tunna ngei, Circuit House mah a kikha sak. Giak. 24/08 zingkhua hongvak a, Civil Services (Prelim) Examination, 2014 lai poimawhte a koihna uh ‘strong room’ lam ah… Examination Coordinator, Pi Sarah R. Ritse (Secretary, NPSC) leh Examination Supervisor, Pu Kelhouseto Nakhro (Deputy Secretary, NPSC) leh adg. dg. tawh kimutuah. Zing ninou hongsuak in ka omna uh kongtual honkap eng singseng a, Pi Sarah R. Ritse ahihleh gen di thei, pau ut I cihte ahi. Kohima khawsung lampite neu, se-lai, hinapi-a gari tam tungtang ka ma-a (kei leltak ma-a) kisuanglah sim bang ka sa hi. “Kei ka nu Khasite, ka pa Nagate, Shillong na zin ngei hiam? Shillong lampite leh Nagaland lampite tehtheih di bang hilou! Shillong lampite mam in nuam hi. Ke’n Nagaland solkar ginatlouhna hum sawmlou; Nagaland Public Service Commission (NPSC) ahihlehhoih, banah ettontaak ahi” ci zaih. A thugen dang khat ahihleh, “Tulel a Nagaland Chief Secretary (CS), Smt. Bano Z. Jamir pen, CS ahihma-a a pasal CS nahi. A pasal in a ji adi’a lampi honsak, voluntary pension la, a ji in CS seat luahtou geih...”Pi Sarah R. Ritse leh a pasal, NPSC exam gelhcing, NCS (Nagaland Civil Service) mu tuak, state solkar nuai a seem veve ahi uh.

Examination venue 6 adi’a lai poimawhte police venbitna nuai zel a puakkhiak khit ahih in, sunma lam Paper-I exam pat hun di dakkal 1 ½ vel in samlai hi. Kohima khawpi a Indira Gandhi min sial ngat a ‘stadium’ khat om, muh nophuai, huai omna veng lam ah inspection of examination pan in huai stadium khawng fang kual ni e, a kicih leh sawt tailou in huai stadium hon tunpih uhi. Huai stadium outdoor (football ground) leh indoor kithuah hi a, indoor lam a sinsaktu  khat, Master V. Peseyie, taekwondo coach in hon na makaih hi. inawh hetlou in, thu tuamtuam houlim man ung. V. Peseyie ahihleh 33rd National Games (2007) a Gold Medalist, National Institute of Sports (NIS), Patiala apan graduate khia, tua nunga Indira Gandhi Stadium, Kohima a taekwondo sinsaktu a pang, amah nuai-a khanglian NIS graduate dang bang le omta dan ahi. Kingaina, kimaingal ka hihman un, “Nagaland a kuva hai ziaka kamsung san phepha, teptheih-muamtheih tawh kikhah lou mi hiai zahta omlai a, nana kikep siangthou, na kiang a om nuam salua ka hi…” peuh vaci kha ing. Het!?

UPSC in CSP Examination, 2014 adi’a online application a sap, a ni nanungpen tan in complete application (Part-I & Part-II) fill-up a pelut mi 9, 67, 668 om. Tua lakah, exam pe taktak ahihleh mi 4, 52, 334 hilel dan in thu kiza. Kohima centre nuai ah examination venue 6 om. Tua mun 6te a number of registered candidates leh a huntak a examination pezah taklang pepeuh ni:

Examination zawh nitak (24/08), lawm (Upa) V Ginzalam (Local Chairman, EBCC Kohima/ Managing Director, Excellent Coaching Centre, Kohima) te tenna, AG colony a amah leh innkuante banah Pastor Muan tawh, TOUPA min a kithuahna leh (ki)hansuahna hun zangkhawm thei sawnsawn..  TOUPA hoih hi.

Examination coordinator, Pu K. Nakhroahihleh Dimapur khaw-mi, Seppatni apan Sintawpni tan NPSCofis, Kohima a vakai zel in, kaltawp ci’a Dimapur a a’ ji leh tate tawh hun zangkhawm di’a ciahkik zel dan ahi. Saptuam lam, khalam thu genkhawm ci’a a luang hanhan khat om, kingaina mahmah maw kung. TOUPA’N minthanna ngahta hen! Kiiklam (25/8, nitaklam) in zong Pu Nakhro leh Pastor Muan tawh ka thum un Pu Nakhro car in Dimapur tan ton. “Sepatni nitak-an, ka inn ua nekhawm di I hi…” cih Kohima a hon gensa, kipaktaka sang… Pu Nakhro’tate, classical guitar instructor Tg. Duel Khual [may kindly visit:- http://zogam.com/articles/interviews/2056-interview-with-deuel-khual-national-classical-guitar-finalist.html] nuai-a zil bang le om ana hi ua, Khual tungtawn in va-angtang sawnsawn ing. PTL! Pu Nakhro honkupthukhenkhat: Kohima in tulai a khualzinmi a kipahpih tamtak, natna lauhuai (AIDS) hon paw-lut hithei uh. “A tuunglai a sapkangte Tangthupha puak a hongpai na hitamahle-uh, tulai a khualzinmi, sapkangte leh adgdg I na kipahpih luatte gospel missionary hilou uh ahi,” cih genkha thei zelzel ing. Nagaland state, 1989 kum a DRYSTATE a kipuang paitou zel bang dongkholhsa-a lakkhiak/ sukbei (revoke) di’a phuphu khop le beilou, Nagaland dinmun dahhuai! Tukum December khabul, HORNBILL FESTIVAL ah houh rock star Smokie & Vinnie Moore te hongpang di ci’n nakpi a kisingsatna pai zaw-mah ve’n…

NAGALAND POST daily in a taklatna ah“Hornbill Music Festival & International Rock Contest, 2014”hun Dec 3 ni’nSmokie lasapawl in, Vinnie Moore & bandte’n December 4 in lasahna nei diing uh. Vaisai, Nagaland Outdoors’ Club (NOC) & Sky Entertainment (Music Task Force in a nungthuap) te’n tukum hiai kidemna a pangte saan diing kipahman hibangin taklang uhi: siampen khatnate’n Rs. 10, 00, 000; siampen nihnate’n Rs. 5, 00, 000; siampen thumnate’n Rs. 3, 00, 000 leh mimal muh diing kipahman Rs. 30, 000. Nasathou ei maw, guai!Kohima paw-lam, DELHI ah NEI Choral Competition… NEI Tamchon Memorial Tournament…. hinalai.

Dimapur a om, ka U Lawmzakim [w/o H Ginzalam (RIP/ 14.06.2014)] tawh kithuzakna omsa bangin, 25/08 nitak a tenna inn uah vatawldam thei ing. U Lam in a nutsiat tanu 2 leh tapa 1, na picing vekta ua, U Kim in a’ muanna TOUPA a nga (ngakhe siang, TOUPA Kha in pii) ahi cih testimony hon gente apan theih cia’n, “TOUPA hoih hina ci’a maw… Pa neiloute’ pa, meigong, tagah gentheite kempa na hihna mukik ing ei,” ci’n lungsung nopna-pahna’n dim. 26/08, 1.30PM, DIMAPUR-KOLKATA vanleng ka lap ngai. Zingkal in Tg. DUEL KHUAL (hun khat lai a Siloam veng, Bungmual a ka kongmaipa), U Kim te tenna ah hongpawt thei a, amah tawh zong hun nuam leh manpha zangkhawm kha ung. Ka van (baggage) tamlou ahi cih amuh cia’n Khual in, “Pa Sum, ka scooter nung ah hongtuang aw, vanlengphual tan ke’n hongkha ning,” “Na music class laak di la, Khual?” “Kei class laak di dak 2 a kipan pan diing ahi.” Khual mi awlmawhna leh kipiakzawhna Zomi vai sa mahmah ing.

Tua ni, Sepnawnni (25/08), KOLKATA tawn a DELHI tungsuak, lamzang mahmah. Ka ji leh tate’n, NUTE VAILOU KUAN DAWN TAKIN innmun ah, maitai leh kithalawp tak ciat in hon na dawn ua…
……

Limlakte:

1. Kolkatta Saptuam Gam

2. Circuit House Corridor, Kohima

3. Indira Gandhi Stadium Complex, Kohima

4. Master V. Peseyie

RELATED ARTICLE: http://zogam.com/columnists/upa-chinsum/2668-kohima-vangkhua-ah-sutzopna.html