KOHIMA VANGKHUA AH…
Written by Upa Chinsum, Columnist Zogam.com
Tuanglam Zotna: Under Secretary (Shri Gopal), UPSC in Smt. Sarah R. Ritse, Secretary, NPSC a thuzakna lai [to make necessary arrangements for one Double suite Govt. accommodation, preferably in Circuit House, from 18th to 23rd June, 2014 for his stay… providing non-AC vehicle at Dimapur for reaching Kohima and for inspection of sub-centres] mulou ahi-ngut di ua, nisim 18.06.2014 Dimapur vanlengphual apan pawtkhiak in hon na dawn di’a ding (dak gegep) muh diing a omkei hi! Hongkuan, lamkal a nawngkaina zek om le hithei, ci-a minit 10-20 vel hu-ngaih, tua khit a Engineering Service Examination, 2014 Kohima Centre supervisor Smt. Asangla Imti, Under Secretary| NPSC phone-ta. ESE 2014 tawh kisai, UPSC apan Inspecting Officer, Dimapur airport apan pii di’a theihsakna lai mulou uh ahihdan leh NPSC Secretary damtheihna lam ensak a Shillong a zinlel ziaka kidaihlah mahmah ahihdan hon-gen. UPSC control room Delhi te thil omdan zaksak cia’n, “Ana ngak zek in, NPSC te k’on houpih di ua…” Thuzak nawn tuh, private vehicle/ taxi khat kingaihtuah a, Kohima tun touh diing, seen bangbang Delhi tunkik ci’a muhkik di’a sai diing cih ahita.
Dimapur vanlengphual I cih khawpi apan kilometer 7 vel a gamla, leeng lut leh leeng pawt tawm mahmah, taxi for hire stand tanpha om (nai) louhna vanlengphual khat ahi. WT set tawh vialpai Nagaland police te khat kianga gari hire theih di khat hon sapsak theih leh kipak di cih hilh leh, kihongtakin khawpi sung-ate phone balhbalh hi, Nagamese in. Dimapur-Kohima zot na’ng gari hire theih di tua hun a omsun BOLERO hi a, 3500/= di ahi, cita. Taih aw! Lungsim a, ‘Hikei deuh veh aw, gari neu zaw leh khelhman tawm zaw omleh deihhuai; van lah vanleng a khailut theih teng himai a...’ cih ngaihsun kawma, “kingaih-tuahna hun honpe zek in..” ci in naupa Ginvanglian Tombing a.k.l. Hornbill Cable Network (Lamka) te’ makpa (BSNL Dimapur a seem) houpih, thil omdan zaksak cia’n Lian in, kihongtakin, “Pa Sum, ana khawl in, ka innkiang ua taxi stand te’ gari dinmun leh khelhman k’on va kansak di…” ci. Pa Vanglian’ honsawl zonal taxi |Maruti-800, kei pii di’a hongtai lai-a houpih masak Nagaland Armed Police pa et bawl cia’n muhphak ahinawn kei!? Zonal taxi a tuang in Dimapur to Kohima. Dimapur vanlengphual apan Kohima khawpi taxi stand tan 1,100/-, taxi stand apan Circuit House (near Catholic Cathedral ) tan 170/-; Dimapur - Kohima tuanglam zawtna a sen gawmkhawm Rs. 1,270/- geih. Toupa kei di’n hoihna e!
Nagaland Public Service Commission|NPSC: Khawpi nawldeuh a om, local public transport te’n a va totkhak ciahlouh, Nagaland Legislative Assembly house tawh kinai kha-a om ahi. Examination Centre Coordinator Smt. Asangla Imti in a genna ah, “UPSC exam sai ahihcia’n Exam ni leh Nipini kituak kha tangpi, Asst. Supervisor leh Invigilator di muh haksa. Aziak tuh mi biakinn kai ut ciat sim uh. Hong kuanna leh paina ua a’ sumsen uh leh honorarium amuh uh lah, a lampai man ua sen bang tamzaw thei zelzel [private local taxi a laak uhleh one-way fare 200/-]. A sum enlah hipah kei le ule, a kilawpna di san uh tawm ahi,” honci a; ke’n, “State government transport department bang in, tua haksatna na gen geih dawnna di’a Invigilatorte puak vel na’ng gari hon arrange sak theilou uhiam – solkar agency veve pangkhawm himai di..” ka cih cia’n, “Inter-state leh khawpi dang tawh kikal a tai gari a neih hangin, state government (transport department) in khawpi sung a public transport service neilou ua maw…” ci’n hondawng hi. “A hucih leh, man making ministry, officers making duty for Bharat solkar, and for the Nagaland in particular, ahihdan uh invigilator hithei diingte laka na theihsiam sak uh ngai di ahi vele,” ka ci-thuk teita hi.
Kum 2014, Engineering Service Examination, Kohima Centre report tomkim taklang ni:
|
Date |
Paper |
Allotted Time |
Full Marks |
Regd. Candidates |
Present |
|
20/6 |
Section I – Obj. Papers General Ability Test (GAT) [Part A: General English Part B: General Studies] |
2 hours |
200 |
210 |
59 |
|
--- |
--- |
--- |
--- |
--- |
|
|
21/6 |
Section I – Obj. Papers Civil Engineering (Paper I) |
2 hours |
200 |
- do - |
54 |
|
Section I – Obj. Papers Civil Engineering (Paper II) |
2 hours |
200 |
- do - |
52 |
|
|
22/6 |
Section II – Conventional Papers Civil Engineering (Paper I) |
3 hours |
200 |
- do - |
46 |
|
Section II – Conventional Papers Civil Engineering (Paper II) |
3 hours |
200 |
- do - |
45 |
Kohima Vaitham Sung in: Heutu V Paukhansiam in, “Selungmawl in mawl zavei zong le’ng…” ci a ana sak leh Htp. Thawn Kham in, “Zogam aw ke’n hong taisan kei ni’ng” ci-a ana sak te lungsim leh kha tawh sakpih tei khat a kihihleh, Kohima (Zomite tenna mualdawn vangkhua bangthou) a kitun cia’n ki-innteksak luatna khat om mawk hi. Zogam.com a hong kikoih http://www.zogam.com/columnists/upa-chinsum/2590-siamtu-thupina-kohima-ah.html bazar, cyber café khat a va-type tangtang lai in dawr’ ngaaktu, Manipur phaijangmi tangval felmel tak ahi. Typing ka zawh in 7.30pm ging a, Internet zatman pekawm a, dak bangzah a dawr khak tangpi hihiam cih dot leh, “5.30pm in ahi, Pu aw” ci’n siamtak in hondawng! Kohima ah nitak in dawr kikhak baih mahmah ngut, a khak hun ngeina pel dakkal nih sung dai-dide a honna ngaakna ziak hithei – Naga, a meithal pawlte lak a khat hidi’a hon ngaihsun a… na thip hithei. A.k.l. computer a thu kisun zangzang pen Danial’ Pasian in hon lungdampih, dawr-ngakpa na thuzawh zong hithei. Atom in, TOUPA hoih hi.
Kohima a Pawlpi (EBCC) makai khat Pu Thangkholian tawh phone a kihou ciangin kingaih(nat)na lian tialtial a, Engineering Service Examination zawh ni, 22/6 Nipini nitak ‘amau quarter’ a TOUPA min a hun zatkhawm diing thu piang hi.
Engineering Service Examination, 2014 pia Kohima centre ah tamlou, NPSC Examination Hall a ta (kihenta) lel uh ahihmanin leh candidate te lam apan ciindan hoihlou ciin sawm muh di om vetlou ahihman in ki-awl mahmah hi. Lawmte’n Kohima a mun minthang deuh, vapha di’a hon deihsakte uh lak ah (i) Kohima khawlai a om War Memorial Cemetery (lutman/ etman omlou), (ii) Kohima apan kilometer 12 vel a gamla, Naga Heritage Village, Kisama (lutman/ etman omlou) leh (iii) Indira Gandhi National Stadium tel hi. A nanung pen kimawl omlouh hun ahih tawh vapha kei mai ing. A masa leh a zom vapha kha thei, Toupa hoih hi.
Kohima hanmual minthang War Memorial Cemetery a vakkual in, hansuang a kigelhte’n lung a khoih ua, thu vual khat/ vual nih khawng lel hinapi a gennopte gen kha leh tunkim law mahmah muhte’n hansuang phuttute’ khuak zat siamdan hon ngaihsun sak. Sian’ siam eite khuak in zong tua bang fel leh tomkim gelkhe thei, seemkhe thei lua hi’n maw. Toupa thupha!
Naga Heritage Village, Kisama le thupidan khat in thupi e. Hiai mun ah Naga nam sunga tribe goldeuh 16te’ pupa ngeina inn (traditional house) kibawl om tiltel a, thillui koihkhawmna (archive/ museum), mipi kikhop theih nang Convention Centre lian huntawk leh open space puahphat (mipi kikhop theihna) zong om hi. Gensau lai le’ng, Nagaland solkar in Vaphual Pawi (Hornbill Festival) kici 2000 kum in na pankhia ua, Naga tribes khat-le-khat kithuza leh pupa apan luahtouh tawndante kepbit diing, puahphat zelzel diing cih te tupna tawh a patkhiak uh ahi. State Tourism Department leh Art & Culture te saina in hiai Pawi, Naga Heritage, Kisama @Kisama Heritage Village ah kumteng December 1-7 sung suaktatak in zang zel uh. Nikum ahihleh ni thum behlap a om in December 10 in a khakna bawl pan uh. Pawi hongtu, India President, Pu Pranab Mukherji; a hon ni December 1, 2013.
22/6 nitaklamin taxi hekpa’n AG Colony a Pa Lian (Secretary, EBCC Kohima) te quarter ah hongkha hi. Pa Lian te nitak-an ne, 7pm lak in innsak-innkhangte hong pawtkhawm khiukheu uh, tuate lak ah hiai laigelhpa’n Manipur Express, Bungmual area a hawmlai [during late 80s] a Manipur Express daily assistant editor hihna len Pa Kaikhenmung Tombing & innkuan te bang tel uh. Banah, khangnou pastor kipiakna ciangtak nei Pastor Dalkhanlian, Palkhuang khua apan Kohima na zinlel, zong a ji tawh hongtel sawnsawn uhi. Tha ngah in omlua. Inntekpa’n honpan a, paikhawm u-le-naute lakah hiai laigelhpa tawh ana kitheih dan uh saulou gen, tua zawh in hun omlaite Pa Sum khut ah apkhia. Cibai bukna, Kohima vazin khakna dante zawh in, “Pentecost Day kha ahih tawh kiton in Kha Siangthou leh A nasep paidan cih lam saulou I kikum diing uh…” ci in huai lam thu genna nei in houlimna in zui hi [Pa Sum’ sharing tangpi GAMCHIAM monthly, nisim 25.05.2014, p. 4 ah tuang khinzou hi - http://ebccdelhi.org/resources/gamchiam.html?task=document.viewdoc&id=377].
Pastor Lian DKL in, houlimna pailel a lunglut a awlmawh leh lunglutna subject ahihdan gen kawm in, Grace Bible College Lamka a (December 2008) M.Div. a zawhkhiakna di’a a thesis topic ana teel ‘A DEFENCE OF CHRISTIAN BELIEF AGAINST THE TRADITIONAL CONCEPT OF KAU IN THE ZOMI SOCIETY’ ahihdan gen. Thumkhawmna banah, Kohima saptuam te adi’a thumna ‘pastoral prayer’ Pastor Lian in nei in lungtunhuaitak in kithuahkhawmna zawh ahi. TOUPA a omleh nuam. Pa Lian TKL te nupa in Circuit house tan a’ car un hongkha hanhan ua… [A ban om lai...]
