Union Public Service Commission in open competitive examination kum tengin 14 vel sai zelzel hi. Delhi pua (non-Delhi) Centre khat nuai a sub-centre 20 hiam, 20 sanga tawm zaw omnate ah UPSC palai Inspecting Officer (I.O.) khat huntawk, sub-centre 20-40 kikal omna munte ah I.O. mi nih, 40+ ahihleh I.O. thum, tua ci bang zel in zuihneel dan na om hi. National Defence Academy & Naval Academy (I) Exam, 2013 April 14 leh Engineering Services Exam, 2013/ Combined Medical Services Exam, 2013 June 28-30 sung tukha. Imphal Centre (NDA & NA, 2013) leh Kolkata Centre (ESE, 2013 & CMS Exam, 2013) piaka om; tua hun a TOUPA honpi dan, Amah min thupina di’n gelhkhe samsam ni. Simtute, TOUPA thupha!
IMPHAL DIARY:-
12.04.2013: AI-889 vanleng a tuang, Imphal vanlengphual bawh zawh in driver-pa tawh MPSC office (near AOC point) zuansuak ngal ung. Secretary MPSC (+ Centre Coordinator) ‘mithak’ ana hi a (Shri Arun Kumar Sinha, IAS), Imphal Centre nuai a sub-centre 7 om hive’n, tuate adiing van poimawh tuamtuam ngahkimna uh ahi cih theihcet nung in a zing Kiginni a arrangement inspection bawl diing dan kihou zou in kikhen ung. Lamphel a kikha sak. Tua ni, Imphal kei tun madeuh a vanleng dang a na tung Mrs & Mr. Vungzagin Valte, Parliamentary Secretary, GOM vanlengphual a na dawn (Lamka lama ngainatute tel in), Lamphel a kinawn phei-a ‘kelsa’ nekhawm zou mi pawlkhat Minister quarter ah na omlai uhi. Hiai ni a heutupa Ginpu te nupa vaidawn ahihna ziak hiai link ah sim theih di’n om: First year of rebuilding Thanlon, and beyond!
Minister quarter ah nitak-an nek kuan in lawmpa Mawi (K Mawi) in hunkepna honla in vualzawlna leh pahtawina I tante TOUPA akipan ahihdan tomkim takin gen. Tukhawmte’n innteknu (Numawi) lateel ‘Vualzawlna ka tan vang in’ sakkhawm uthuai sa. A lagelh omlou, a vek/ gen suak thei di om bok lou! Kongtual a om gari-tape a la khumsa, laphuaktu heutupa T. Pumkhothang mahmah in a sak, play mai a innsung a omte’n na zuih (sakpih) diing cih arrangement bawl zawh ciah in Unp Pumkhothang leh innkuante hong suakgeih uhi! Lawmpa PKT key laak, (la)pat leh veek ‘Vualzawlna ka tan vang in’ la k’on sa khawm ngeungeu uh tuh, anuam ei…! Htp Ginpu in thutom genna nei a, sanggampa Biabiak (PRO to Hon’ble MLA, Pu Ginsuanhau) in vualzawlna ankuang lui a om, nek di’a mansate ziaka kipahthu genna ‘thumna’ hon neih zawh in a om tengin an nekhawm ung. PTL!
Nitakin vengsunga heutu zuanzaang khenkhat, viz. Mrs & Mr JC Mangte, Mrs & Mr N Khamsuanthang etc hong pawtkhawm ua, suakta tak a hun zatkhawm ahih banah, a ciah madeuh un TOUPA ma-a lungsim sunbuakna, Amah khut a kikepsakna (thumkhawmna) hunkhat zangkhawm thei ung. TOUPA hoih hi.
13.04.2013: Nitaklam dak 1.30 a seating arrangements inspection pan, akizou hak kei hi. Kihouna omsa bang in driver in vanlengphual zotna lampi a om, Htp Sanga (Dr R Sanga) sauliim ah hongkha. Aamtak leh cimlou tak a hun zangkhawm. Nitak-an nek khit kizuidok, heutupa Dr Thathang Vaiphei of Lamphel, a quarter a vapawl. Hiai nitak mi 10 vel informal meeting a paikhawm di’a kinep sim ahihlai in, mi 3 pha! Aziak - (i) EBCC Lamphel in Naupang Camp asai, zawhna/ khakna program aneih nitak na hi, (ii) Zillai, Imphal block in Annual Sports a neih ni (sun a Zillai U-liante tamzaw natel), gimsim ciat uh banah (iii) Seppatni 15.03.2013 a India President in Manipur aphak sin ziaka buai/ manlah pawl ki-om. Mi thumte’n kithuahna hun (fellowship) manphatak zangkhawm veve, TOUPA hoih hi. Tua nitak, U Sanga te inn a giak pehpah.
14.04.2013 Zingkal: U Man (Mrs Dr R Sanga) bawlsa ‘breakfast’ tunga lungdamthu kouhna nei, nekhawm-dawnkhawm zou; cih hun zinglam dak 8 a MPSC ofis tungphei. Strong room, chabi kalhkhum (sealed lock) sunga kikoih NDA & NA exam material-te a laakkhiak lai uh mit mahmah a en, theihpihtu a pang.
Sun: Centre Coordinator tawh gari tuam tuak zanga inspection pai di’a kingaihsut lai in Pu A.K.Sinha in, “Kei gari ah tuangkhawm le eive le” hongci a, ke’n zong ‘niallou’ in ka hong kizuita uhi. Sinha sap bel taksa lianlou, sa kiphut litlet leh mi pautawm ahi. I houpihna teng khawng hondawng lel! A naupan mel tawh IAS foundational course zouthak service join panpan hidi’a upna nei, dotna bawl guap leh IAS (MT-1999) na hi, “…Lamka DC a le hongtu ngeita keive…” cita. Eheu! Car sung houlimna apan theih beh thu khenkhat –
- Upa T Thangthuam, IPS kaplup ahih sawng lai a DC/ CCpur len, ‘amah’
- Ukhrul leh Chandel district te a SDO leh DC dinmun a-na leenkha tuakta
- Secretary MPSC di’a order pawt tana Spl. Secy (Home & Social Welfare)
- MPSC Secretary tutphah, nisim 08.04.2013 apan luah chauh na hi ei, guai.
Arrangement inspection pai ni a lei, laibu ‘PARENTS & YOUTH’ tawi kawma sub-centre tuamtuam pha. Imphal khawpi ‘lianlou’, traffic jam zong huci-pilou cih mahtak sunma leh sunnung in sub-centre 7-te viz. MPSC Exam Hall, DM College of Arts, DM College of Science, TG Higher Secondary School, CC Hr Sec. School, Anand Singh Hr. Sec Academy leh Johnstone Hr Sec School te khatvei tuak pha suak man. Sunma, Secretary-pa tawh kizui; sunnung kei kia. Second round paina ah heutupa Lallianmang Khaute, IPS [hunkhat lai a SP/ Ccpur pua, tua ADG of Police (Law & Order) Manipur paw-lel] inn vasiik man, Pu Mang tawh thuvantang houlimna leh singpi dawnkhawmna hunpha mu. Nuam.
Imphal suahlam a om Ananda Singh Hr. Sec Academy phak hun a Principal, Pi K Sumati Devi in ka laibu tawi mukha sese, deihhuaisa! Hon ngetna banga leina zah mah a lei sawnsak, kipak e. Madam K.S. Devi ahihleh National Teachers’ Award (2010) sang, Imphal pai nanung lai a award saanga Delhi hongzin sawm ahihdan hon na kum thei khat ahi. A award sa’n in bangteng tunkhawm hiam cih akidot leh, Certificate+ Momento+ One silver Medal+ Rs. 20, 000.00. Banah, state level Teachers Award leh National level Teachers Award a saan tuak ziaka pay increment Rs. 1000 & Rs. 2000 (T.T. Rs 3000 PM) mu ahih thu leh solkar in service a pension hun diing kum 2(nih) ngut behlap sak ahihdante hon gen lai in Pi Devi mel ah kipahna riau ka mu. Lungdam. Christian author, teacher & well-known preacher Pi Imtijungla Longchar’ gelh laibu “PARENTS & YOUTH” a tawilel pansan in vanglian TOUPA’N Pi K. Sumati Devi tangtawn gam ngaihna/ lunggulhna guan heh aw! Toupa hoih hi.
NDA & NA Examination (I), 2013 Imphal Centre nuai a registered candidate gawmkhawm 2014. Exam pezah (i) Sunma, MATHS: 1432, (ii) Sunnung, GAT: 1406.
Nitak: Driver-pa Lamphelpat a kikhasak. U Kaphnun @Hnuna (Reporter, Manipur Express) tawh Lamphel EBCC nitak biakna kikhop ah. Tua nitak Upa T Siamjik sermon, tuipaai simtak ngaihkhiak anuam. Hampha kisa ing. “TOUPA ka kipak.”
15.04.2013 Zingkal: India president Pu Pranab Mukherjee TUNI, Imphal honghawh di ‘kipahpihlouh’ ziaka bandh puang pawl om hive’n, khawpi sunga pisa & sumbuuk te kikhaak in kikawmtuahna lampite awngthawl lehlam hi. An nekma U Hnuna tawh kizui, heutu masate laka khat (banking sector a lut) Upa Valte Doutluang, a Lamphel quarter a vapawl. Salam-khalam a vei, kipahpih leh awlmawh thute kikupna hun thawveng mu, kikhen kuanin thumkhawmna/ mahni kilatkhiakna hun Upa Doutluang & innkuan tawh zangkhawm ung. Hallelujah!
Heutupa, U Ginpu quarter a zing-an nezou sanggampa Suanthang (N Khamsuanthang – MOBICARE) tawh a’ gari a kitonkhia, security related problem omleh phone theih diing a kihouna omsa (Pu L.M. Khaute, IPS) houpih kuullou in Paite Veng tung phei ung. Lawmpa Rev Ginmalsawm (DS, EBC Imphal) quarter a khawl, hun saulou + TOUPA kianga kipahthu genna zang. Tua zawh htp R Sanga inn a khawlsuk zek. U Sanga in thumna tawh hon kha khia. Vanleng AI-890 nitaklam 3.35 a leengkhe pen ah… I kimuh I kituahkhawm nawn ma’n… Ebenezer.
============================
