Khanmohbawk Suak Thei Paukam Khenkhat
By Vanlallian Valte, Columnist Zogam.com
 
“Progress” kichi, Latin pau progressus (an advance) kipan a hongpiang thumal ahi. Science, technology, modernization, liberty, democracy, quality of life, leh lamtuamtuam a khovel khantouhna toh kisai genna a kizang ahi.
 
Phawk in hiam, phawklouh in hitaleh, kuahiamkhat in ngaihdan thak hon puakdok hun chiang’ gelchian detdet loupia nolhna paulam kilawm huntawk zangsuk puatpuat pah te ihi gouh uhi.  Huaibang paukamte’n khantouna lampi khawktak a khakbing thei a hi chih ngilh kei ni.
 
“Na ngaihdan pallua ahi.  Deihthusaam a thapaih tawpsan ni.  Hun nei kei hang.  Tu-tawt-tawt in zaw hidah hen. Sub-committee kiphuan phot hoih in teh. Uisasiam kumlui thil thak mop baihlam kenchia.  I hih ngei nai kei himhim uh/ hunpaisa ah le sepkhiak tum ngei mah le, bangtan i tung ua le? Midang in a hih ngei himhim uhia?
 
Gensiatna leh zedotna kampaute pen, thuchian theih nopman; hoih deih ziak a siatkhiak hileh manpha ding hiven. Ngaihdan tang leh kizen betdaih tupna hi hamtang ahihmanin thil mulkimhuai mahmah hi zaw daih eingal. Thusun khat hong kiluikhiak chiang in luikhepa ngaihdan ahoih hiam, hoihkei hiam, lungsim kihong tak toh vaidawn phot peuhmah niin, “Huchi kha’n te – khachi kha’n te!” chiin um-uih tupna kampau suah pong kei ni. Midangte ngaihdan gawlmek diin manlang kei le chihchih in a om.
 
Ahun leh amun toh kituak a ki-beltahei poimoh sek mahle, khovel in kikhekna pakta lawtel lou mawk hi.  Kipumkhek di chihtel! Kikhekna bang dia deih sese, hichiin le a hoih voi. I hihi thei tawk ve uai! Thil thak pat in paidan ngeina, lungput, pomdan thak hon tun dia; thupukna thak lak poimoh ding; endih, tua thupukna thak hong muih mawk leh bang suak di?  Tulel dinmun a haksatna i tuah zel te theichian hang a, ngeinaseh ihi. Kikhekna hong  om takngial mahleh, haksatna theihngeih hilou maituah ngai di ahi. Eilak ah zaw hithei taktak lou di eive. A thudan in hoih mahleh a taksuah di van a gah ahi.  Huai hial diin zaw neu lai lua i hi.  Namdangte’ Tomba zah zong phazou tellou hang a maw… Karisu kanna roi.  Upaai chhaina!
 
Policy/paidan, tup-le-ngim toh kikelki hiveh aw. Policy ichih nasepna a hon lamkaihtu poimoh ahi.  Huaiziaktak in ahi, apoimoh bangzela khen, behlap leh puahphat poimoh ahihna.  Policy in masawnna di a dal chiangin a bawldik thei thuneite kianga phoulat pah tuak hi.
 
Budget a omlou: Budget ichih gellawkna lel hilim veh. Apoimoh bangzela khentheih/khen ngeingei tuak ahi.  Pawlpi’ programe a thawllou di:  Gellawkna leh programme-te pen masawnna/lamzanna dia phuan ahi.  Ngaihdan thakte programme a thawllou/kikum theilou hial dia programe nei ihih ua leh bel huai programme pen phiat kichian tuak hizaw lou di hiam?
 
Munpilamte/heutute’n lem hon sakpih deksuai lou di uh ahi:  Heutute lemsakpih-lemsakpihlouh in ngaihdan thak tuttouh a poimohna kiamsaklou hi.  Business, industry leh pawlpi khatpeuh a, hun; khuak, siamna leh; tha-le-zung senthawnna pen heutute lemsakpihlouh di mavenna ahi naaknaak ngal a.
 
Mawl huai deuh hilou hia?  Mite’ nuihzabuuk lel suak ni:  Thusun ngaihtuahkhawm ahihma nasan a betdaih tupna kampau ahi.  Khawvel a mi lohching, pawlpi lohching ichihte tamveipi mite nuihsan leh enghouna tuakkhinte ahi uh.  Mite’ nuihsan leh mukpiikna na tuah tam zoh peuh leh na lohchinna di sangkil ah ding hi khamoh ken chin – Thupukna la diin thupuk in.  Tunia na thupukna zingchianga hong taksuak di ahihbang!
 
“Treat ideas like newborn babies:
Treat them tenderly…
The can get killed pretty quickly.
Treat them gently…
They can be bruised in infancy.
Treat them respectfully
They could be most valuable things,
that ever came into your life.
Treat them protectively…
Don’t let them get away.
Treat them nutritionally …
Feed them, and feed them well.
Treat them antiseptically…
Don’t let them get infected with the germs
of negative thoughts.
Treat them responsibly!
Respond! Act! Do something with them!”
                                       (Dr Robert H Schuller)