WORLD NO TOBACCO DAY : 31 MAY 2013 ~By: Vanlallian Valte

Neuchik hihlai kipan laizial tep kana pan kha hi. Lawmte toh laizial sum zong in ka thapaii mun mahmah ua, geometry instrument box dim ka ngah ton uh tam hi. Khatvei u Khupnu kianga laizial hon tepkham dia ka nget leh “Naupangpang, zahpihhuai te, na nunu nawi va tep zaw in” hon chihsan hiven, gen di taksap huai sim akaa. Laizial hai deuh Vialzalian leh Tlangrem te khawng nitak kikhawmtawp ka guukzuih mun sim bok. Biakinn mai ah laizial pakkhu pah liahliah sek hive’un, zuizui in a inkong uh tun chiang a paih pan sek uhi. Laizial sum khedap in hon chilmaat bang chu uh chu, maizen thasuphuai mahmah! Leipi ah vaimim veng di peuh a kuan chiang’ nute’ zanah phamgu in Manipur Express in ka tuun sek hi. Hon theikhe khong ua, Burma a hong kipan…dum: sahdah bang sim “Apple” kichite hon leisak sek mai uhi.

Sikul sunkhawl chiangin inn khat ah kava tep gu sek a, khatvei Assistant Headmaster Sir Kaikhanmang in a office kipan hon hoih muh lua a naupang khat hong samsak hi. Sawtkhop hon thuhilh nung in, “Ba’ laizial tep?” “Ka tep a eita?” “Na inkuanpihte’n laizial tep di hon phal himhim uhiam?” “Phal e! Hon leisak sek uh eingal ve” “Na ngawl zou diam?” “Gentheih hi kei!” “Sikul kai sung in na tep nawn diam?” “Thei nailou maw…” chia ka dawn leh khapet a, khuttum zial zen a naak leh naak kisukha in hon ngiik khum ek hi. A chiltui bang hong kitheh sungsung. Puan-ak ngawng ah hon man a, hon pumsin noknok nalam ah angkilh thum lengmang hi. Huai nungsang sikulpu laizial hai deuh te lawmbawl in laizial leh nawtkuang ka kemsak sek hi. Daihmai a le!

Kumteng in May ni 31 World No Tobacco Day (WNTD) chiin khovel pumpi ah kizang hi. World Health Organisation (WHO) a pangkhawm gamte’n 1987 kuma ana phuankhiak uh ahi. Tobacco kihelna nektheih, muamtheih leh teptheihte pan a kihihsianthou dia hanthawnna ni in kizang hi. Damtheihna dia tobacco hoihlouhdan leh tulel dinmun a tobacco zatziaka natna hong piang te vei a sihloh kum khat sung in khovel pumpi ah milip 5.4 million (6.5 seken ah mihing 1 zel) bang pha zou memot tel hi. India ah niteng in tobacco telna cigarette, Bidis, Hukkah, Paan Masala, Gutka, Khaini, tuibuuk leh adg.dg. hihzongsang mihing 2,200 bang in sihpih hi. Fatal heart attack a si te lak ah alehli laizialtep zongsang hi uh. Cancer vei a si mi 3 lak ah 1 zel laizial tep ziak toh kisai hi.

Laizialtep a hoihlouh dan theilou om khang. Laizial khu ah chemical 4000 bang om a, a khente cancer piangsak thei te hiin misiamte’n gen uhi. Thuhoih omsun ahihleh: Laizial tep ziaka hihbuah a om i pumpi pen, ngolhni leh dakkal kipat in hahsiang in ompah sim chih ahi.

Ngolh nung:

1.       Minit 20                            : Lungphu ngeina pah

2.       Dakkal 12                         : Carbon monoxide level ngeina suk

3.       Kaal 2 – kaal 3                   : Sisan paidan hoihsak sem; tuap deihbang in nna sem

Thei

4.       Kaal 1 – kaal 9                   : Haih haksa leh khuhsuahna tawmta; tuap in nap leh

                                                   Khaksuah enkai zou a, natna khenkhat daal

5.       Kum 1                             : Laizial tep lai te toh tehkak in lungtang natna vei

                                                   theih na’ng dinmun a kimkhat in nei tawm zaw uh

6.       Kum 05                           : Lungphu hat – khophawklou a puksiat theihna kipan

                                                   nasatak in hon humbit

7.       Kum 10                            : Laizial tep lai te toh tehkak in tuap cancer natna vei      

                                                   theih na’ng dinmun a kimkhat in nei tawm zaw uh

8.       Kum 15                            : Lungtang natna vei theihna’ng ‘chance’ laizial tep ngei himhim lou te toh kibang ta.

 

Theihtuak: Nicotine drug zongsat baihlam tak ahia, heroin, cocaine leh brown sugar khawng toh ngolh a haksat dan kidang lawmlawm lou hi. Laizialtep tawpsan ding in tupguhna poimoh mahmah a, vuai tampi ngolh tum a panlak le ngai ana hi maimah. Nihvei-thumvei na lohsap leh lungke kei hial in. Laizial in sum heksak. Cigarette man tawm pawl Wills Flake nasan tawn khat in Rs 04 bang manzou mawk ta. Cigarette sum na paih pen Rs 2/1.50 man ahi chih thei in.

Laizialtep ka tawpsan tadih kei, hiai thugelh ka gelh lai in le thumvei ka tep khu luailuai man hi. Tu lawlaw a ngolh di nasan ka tum peih kei hin, a tumpeih na om ua leh tum dia kon deihsak ziak a hiai thu hon suah hilaizang veng aw. Hiai thugelh, sepnamun’ theihtuakkuang a kibelh laidal ka sim kipana hong piangkhia ahi. Ngolhtup nuam!

*********

Na simbeh peih leh:

1. 1.^ for Disease Control. 1990. MMWR Weekly (April 6, 1990). http://www.cdc.gov/Mmwr/preview/mmwrhtml/00001591.htm
2. 2.^ World Health Organization. 2010. Tobacco Free Initiative (TFI).sid=9f40a449-8b2a-441a-95a2n738915e20dcf@sessionmgr104&bdata=JnNpdGU9ZWhvc3QtbGl2ZSZzY29wZT1zaXRl#db=aph&;AN=33440955http://www.who.int/tobacco/about/en/index.html">http://web.ebscohost.com.libproxy.wustl.edu/ehost/detail?vid=1&hid=108&sid=9f40a449-8b2a-441a-95a2n738915e20dcf@sessionmgr104&bdata=JnNpdGU9ZWhvc3QtbGl2ZSZzY29wZT1zaXRl#db=aph&AN=33440955http://www.who.int/tobacco/about/en/index.html
3. 3.^ Chan, Margaret. 2008. WHO calls for banning all tobacco advertising, promotion. Nation’s Health. 38 (6):21.
4. 4.^ World Health Organization. 2010. World No Tobacco Day 2010. http://www.who.int/tobacco/wntd/2010/announcement/en/index.html
5. 5.^ World Health Organization. 2010. World No Tobacco Day, 31 May 2009: Campaign Materials. http://www.who.int/tobacco/wntd/2009/en/index.html
6. 6.^ World Health Organization. 2010. World No Tobacco Day 200. http://www.who.int/tobacco/communications/events/wntd/2000/en/index.html
7. 7.^ World Health Organization. 2010. World No Tobacco Day 2009 Awards – the winners. http://www.who.int/tobacco/wntd/2009/awards/en/index.html
8. 8.^ For examples, search “celebrations around the world” within each theme’s page of the World Health Organization’s website. Try World Health Organization. 2010. 31 May 2008, World No Tobacco Day activities. http://www.who.int/tobacco/wntd/2008/activities/en/index.html to get started.
9. 9.^ CBC News. 2008. Cigarette display ban begins in Quebec, Ontario. http://www.cbc.ca/canada/story/2008/05/31/cigarette-display.html

10.^ Pengelley, Jill and Ben Harvy. 2009. . Smoking to be Banned on Public Hospital Grounds. Adelaide Now... September 29http://www.adelaidenow.com.au/news/smoking-to-be-banned-on-public-hospital-grounds/story-e6freo8c-1225779306000?from=public_rss

11.^ Campaign for Tobacco-free kids. 2010. India: Overview. http://tobaccofreecenter.org/resources_country/india

12.^ Current Science. 2009. Contents: Vol. 96 No. 10, 25 May 2006. http://www.ias.ac.in/currsci/may252009/contents.htm

13.^ RiaNovosti. 2009. Opinion & Analysis: World No Tobacco Day, Futile Attempt to Curb Smoking. http://en.rian.ru/analysis/20090529/155119204.html

14.^ 2007. OC to host Great American Smoke-in. The Oregon Commentator. November 26. http://www.oregoncommentator.com/category/smoking-ban/page/2/

15.^ Zimmerman, Malia. 2007. Defiance—one puff at a time. Hawaii Reporter. July 6. http://www.hawaiireporter.com/story.aspx?f3bafc22-9167-4aaa-83d2-b5648c90a890

16.^ http://www.ncbi.nlm.nih.gov/pmc/articles/PMC2598516/

17.^ R.J. Reynolds Tobacco Company Online Litigation Document Archive. 1990. Infotab. WHO World No-Tobacco Day, 31 May 1990: Growing up without tobacco, The Industry Response. http://rjrtdocs.com./rjrtdocs/image_downloader.wmt?MODE=PDF&SEARCH=0&ROW=1&DOC_RANGE=511992389+-2390&CAMEFROM=1.

18.^ The Environmental Action Network. 2002. Tobacco Industry Tactics in Uganda. http://tean.globalink.org/tobaccotactics.html

19.^ UAS Interact. 2007. Today’s News Stories: World No Tobacco Day is “Critically Important” for the Middle East.http://www.uaeinteract.com/docs/World_No_Tobacco_Day_is_Critically_Important_for_the_Middle_East/25385.htm.

20.^ Yach, Derek and Douglas Bettcher. 2000. Globalisation of tobacco industry influence and new global response. Tobacco Control. 9:206-219. http://tobaccocontrol.bmj.com/content/9/2/206.full