Gialtui Bang Dai Lou Aw
- Valte Ginkhenpau
Muhkikna ding om ngel khollou a, mahni sum kisen a poimoh hun a seng zen a panlak kichi thil khatpeuh ah thunamai ahi kei. I chipih leh nampihte a ding a sem kisaklai a, mohsakna nasatak khukha leh simmohtak a enghouna tuah chihte bang a puak a baihlam kei hial. Hon kipahpih siausiau ding ua lametna liantak toh omlai a kuamah in hon thulakpih lou chihdan pian a omkhak thil nuamchiam ahi kei. Hih hoihna tamtak omte kitheihmohbawl a banghiam a sawikha zek omte uangtak a genna khovel a khosate a ding in, kuhkaltak leh ginomtak a pan kenkan tuh thil baihlam ahi kei himhim.
Kum 20 mel mu kichi piching hita chihna ahi. Kum 20 tuh khang khat genna leng ahi. 20 in a etsak tuh mite toh ginomtak leh lohchingtak a nna semkhawm thei leh nna sepkhawm siam chih ahi. Kumpi Solomon’ inn leh Pathian’ Temple tuh kum 20 sung in zohsiang ahi. 20 tuh thiltupte mualsuahna etsakna leng ahi.
Mipilpen Kumpi Solomon in a inn leh Temple a zohsiang toh kiton in Tyre kumpi Hiram kiang ah Galilee gam a khopi 20-te pekhia hi. Zogam.com in kum 20 mel a muh toh kiton in Tang Au Award 2023 mi tamtakte kiang ah a pekhia.
Hats off to Pu Ginza Vualzong and team!
Kipahhuai lua ei!
I vangkhua ah loumei bek kai ding hiam chi’ng e.
Loumei bek kai lou e, Zogam huihkhi siang;
ZatamteTang-Au huihkhi hong laang e.
Zogam dot com gialtui bang dai lou aw!
- Valte Ginkhenpau, Columnist, Zogam.com