Tutung JNU buaina toh kisai mipi kiang ah hilhchetna leh ngetna
Amasapen in ka mi-leh-sa, ka U-leh-Nau tezahna JNU eimi student omteng in zahna chibai ka hon buuk uhi.
Thumapi sau gen suk duan-duanlou in HILHCHETNA ka hon bawlpah ding uh.
Sim leh theihsiam theih pah ding lam-et na in thukidawng (Q&A) dan in ka hon hilhchian ding uhi.
Q. Bang ziak a JNU siamsin te Protest (Kiphin)?
Tutung JNU protest na ziak tom chik a gen di hileng ‘FEE HIKE’ ziak a ahi chih in khit mai theih hi. Ahihleh, bang ziak a fee hike hi chi lawm lawm a JNU student ten pom thei lou? A ngei na bang in JNU student te Rs. 2000/3000 in kha khat ki namtak thei uh hi. Fee Hike ziak in a nuai a bang in namen lou sum sen nang om hi.
Room Rent: Rs. 300
Service charges (mess, sanitation and maintenance worker etc) : as per actual
Mess Bill: 2000-3000 (average)
Utility Charges: 1700
Total: estimated 5100 – 6300 /month (Hostel dung zui in tam leh tawm thei)
Room rent Rs.10/- apat Rs.300/- lel a khang hithahah lou ahi. Media control/influence tu om ahi chih leng I haih louh uh deih huai mahmah hi.
Q. Ahihleh hiai fee hike in mi bangzah hetkha a, bang chituka poi khoihkha baan hiam?
Fee hike in JNU student 100 lak ah 40 te sungkuan nektak zonna haksa mah-mah apat kipan te hetkha di. Huaite lak ah na mi na sa te bangzah hiam leeng omkha tham hi.
Hiai fee hike bangchituk a poitham hiam chihpen a sip-sip a hilhchian ding chileng sau lo mahmah ding ahihman in poi tham lo mah-mah hi chihteng in genkim pen hi.
Q. JNU student te’n scholarship hoih pipi saang uh hilou hiam?
Scholarship bang zah hiam hoih pipi om mah ahi. Tua te ahih leh:
- MCM ichih BA/MA student te’n amuh uh 2000 per month ahi.
- Non-Net ahih leh Mphil/Phd ten amuh uh 5000-8000 ahi
- NET JRF/SRF ahih leh 31,000 - 35,000 for Mphil/PhD
- RGNF 25,000 - 28,000 for Mphil/PhD
- MANF 30,000 - 35,000 for Mphil/PhD
JNU a MCM toh Non-Net pen ahih leh JNU in piak jel uh ahi (a hun bang jel a muh hilou, kial lap tak tak lou ahi). JRF/SRF pen ahih leh NET Exam a clear a top 1 percent te chouh in mu. RGNF (SC/ST) ahih leh state wise quota om a research quality screening tungtawna mi teel ahi hi. MANF le RGNF toh kibang, religious minority te a di hi deuh. PhD zou dek ta a RGNF toh MANF list a min le om kha ngeilou mi tam mah-mah om ahi. Atung a kigen point no.3 apat anuailam teng in khateng in hostel luahman a scho ua pat Rs.7500/- chiat HRAa pekhia uhi. Bureaucratic hurdles tam pet mah a, huai lou in scho amuh chiang unle kha 6 khong ana pel man sek hi. Huchi kom kal ah; student te’n a mess bill uh a khol sa uh toh senna dang dang a neih te uh, mi dang a ana bat lak man zel uh hi. JNU student community te ki thei siam in panpih theih na dan dan in kana ki pan pih tuah zel uhi. Kha 6 bang scholarship a ngak uh a lom in amuh chiang un bat dit kik na in bei zel mai hi. Hichibang haksatna tuam tuam te phu kom a lehkha sim kahi uh chih ka hon tang lang uh ahi zo hi.
Q. Hun ki kheng zel dungzui in JNU le a ki kheng ngai sam lou di hia?
Hi tham mah e, ahi a. India gam ah a nei zou leh zou lou ki dei dan na bei nak sang in tampi mah mah a om lai hi. Gam changkang te bang in loan leh a dang dang lak in sikul kai theih thou voi I ci mai thei.
JNU kum 1969 a ‘Parliament act’ nuai pansan a pat khiat ahi. A tup golpi pen tuh, gamsung a siamsin ut naupang te; A zawng, a hau, a vom, a ngou, a changkang, a tuantual chih te khen tuam om lou a kai theih nang ua bawl ahi. A tup dang khat tuh, Numei leh namtuan tual te a ding a siamisnna hong bawlsak ahi. Huchi kom kal ah, hiai a siamsin a om thei di te Solkar chomna liau liau a kai thei ding a tel khiat ahi uh hi.
Hilhchetna tamlou hiaiteng hiphot henla, aban ah ka mi kasa te uh kiangah ka hon ngetnop uh tamlou ka hon gelh lai ding uhi.
NGETNA:
A sakmin ngaih pupa satsa I gamlei Zogam dawn Lamka vangkhua leh eimi te tenna gam tuam-tuam apat kipan a JNU a laisim thei chiang bangzah hiam ki omta hi. Kipahhuai lua ahih kawm-kawm in, dah huai mahmah khat ahih leh, hichibang higher education pursue thei a ki vawktou gaigai zou hamham tamhetlou eimi te’n pahtakna aki dong sang in pahtaak huai lolou hileh kilawm thu leh laa ki dong sek hi.
Phungching zoulou deuh pilna siamna toh eimite kipunkhawmna social networking group khenkhat comment te ina simkha chiat ding un agintak huai hi. Huchibang a comment bawlte phungching zoulou deuh ahih man in ana bildoh lou leh ngaihsak lou ding in iki ngen hi. Huai ban ah, ana gingta lou ding in leeng iki ngen hi. Thuchian hoihtaka hilhchetna pethei ding na mi leh sa na pianpih pau toh na houlim pih theih ding tamlua ahihman in, amau first hand experience neite mah kiangah thudik, thutak leh thutang toh kisai chiklaipeuh in houlimpih theih gige ding in om uhi.
Education (Siamsinna) ichih I fundamental right ahi. Commodities hilou!
Kakipak uh e!
JNU Siamsin te apat.
