"Pillua" akisa kha ei Zomite, MinlehPuam, "ZolehChin" tawh buaibuai nawn kei ni! Ei Zomite Sengampanpiang cih ih umtakpi hiam? Kachin minam leh Chin (Zomi) unau laizom cih ih sangthei hiam? Topa Zeisu sisanin Benladin akipan minam khempeuh hong huam hi ciin ih up takpi ahi hiam? Minamin Kampau tuamtuam hong neisak hilo zaw a, Kampau tuamtuam in Minam hong neisak hizaw hi cihthu Piancil 11:9 tungtawnin ih sangthei hiam? (Babel tausang natna).
Ih pianna "Nu" tung pan ih theih ngiat ih kampau pen nitawp khaak ni cianga Honpa Tuuno ih phat ziahziah nading "Penticost damna zatui" ahihlam,ih phawk kha hiam? "Kilemna in Topa Zeisu hong itna Sisan Manpha in hong sawpna hi a, kilangdona in akhelpil mahmah Lucifer (Satan) galhiam ahihlam ih phawk thei kha hiam? Kei pen 'ခရစ္ယာန္' ka hiam? ahi kei leh 'ခရစ္ဟန္' ka hiam ciin phawk huai mahmah ta hi lo hiam? Ih sanggam Kachin (ကခ်င္) pen (ကခ်င္း) aw, cileng azaknop hiam? Ei Zomite pen (ခ်င္း) hikei uh teh (ခ်င္) hi hong cileh zaknop ihsa hiam? Awsuak akibatloh hangin unau laizom hikei ihci daim?
"Sengam pan piang minamte hing" ih cihleh Sen Kumpite, taangthu, kumpite maanhun (နန္းတက္) hunte en leeng, ei minam min,anuaia bangin muthei ding hihang. T aangthu kan ni "Naupang bangin min le puan tawh kibuaibuai nawn kei ni" Tu naai a thupiangte en leeng dahhuai mahmah ta hilo hiam
(1) Shang Dynastry (BC 1523 pan BC.1027) (2)zhou/zo Dynasty (BC 1027 pan BC 770)
(3) zhou Dynasty (Eastern) (BC 770 pan BC 221) (4)Quin/Chin Dynasty (BC 221 pan 206)
(5) Han Dynasty (BC 202 pan AD 207) (6) Song Dynasty (AD 960 pan AD 1297)
(Kumpi sem ngei Zo/Chin minamte ihizen ve leh)
Kawl kumpi hun (BC 550) a kipan Gautama Myatsua Phaya cih bangin, tepte na mungei ing. AKTA MANG KUAN KI TU TU, MIN LEH PUAM TAWH AKI BUAIBUAI SATAN LUCIFER ALUNGDAM SAK CIIMNUAI MITE, asawt naailo a ih phuutkhaak guallelna tung pan, PILVAANGNA LUNGSIM lakik ni. Innkuan kisialeng mite lungdam a, Innkuan sung khitui luanna kibehlap hi.
Laiat:
Suan Tak Von Sing Cin Thang
Ciim Nuai khua
Source: Zomi Times
Admin note: (နန္းတက္)-illegible text
.