Setan deih zaw a si theilou i kha ahi.
By Biak S. Tawmbing

Mi tamtak te’n i sih hun chiangin bangkim zouta/tawpta banga ngaihna i nei uhi. Ka hinkhua a beidong dam ka ut nawn kei, sih meng ka ut chih te i chisek uhi. Ahihleh si lechin bang chiin na om dia? Na ngaihtuah ngei hia? i sih chiangin bangmah i thei nawn kei ding a, Khawvel haksatna leng i thei nawn kei dinga, lungngaihna mangbatna leng i thei nawn kei dinga, kipah louhna puakgik bangkim a bei vek ding chih ngaihdan i nei uhi.

Tulai a hinkhua beidong i chih mai (depression) ka hinkhua a beidong a dam utna leng ka nei nawn kei, dam ka khelah kei ichi sek ua, a deuh kholin buai leh haksatna tuak tuailaite laka hichi bang hinkhua beidong kisa a tam deuhdeuh a, huai ziak ahi i gam lamka leh a sehvel ah awklum hong om zel.

Pathian in atunga mihing a bawlin, lei a hon bawl ahi a, huchiin i kam ah hinna i neih theihna huih honpia, huchiin mihing lei a bawl himah lehang a hing hinna nei i hong hita a, huai Pathian in huih honpiak pen mihingte hinna pen ahong hi. Huchiin mihing in muhtheih leh muhtheih taksa a i nei chi leng a chiang pen dingin a gintak huai. Pathian in Adam/mihing a siam in lei a kipan a siam i chihsa ahi. Tua i muh theih aposa lam a taksa i neih, a melhoih ngei, a melse ngei chia i chih pen uh polam muhtheih taksa ahi. Himahleh leng muhtheihlouh sunglam a gitlouhna, a gitlouhna uh leng muh a haka huai kia leng hilou in, mi chih gagaih mi chi fekfek siamtak maite, khel himhim a kiangua i om chiang a leng haksa mahmah himahleh a mel ua pan ki mu theilou chih leng om hi. Huai lampang i gen tuptak ahi kei.

Muhtheihlouh lampang ah i hinna ahong hita ahi. Mi ahong si a, khawvel a potsanta tangtawn gam a zuanta i hon chi a, i kha si theilou tangtawn tangtawn a Pathian vaihawmna nuai a tangtawn tangtawn a om ding pen huai pen gen zual leng i chi hi.

[Luka:16:19]Huan, mi sumhau kua hiam a om a, puan sandup leh puan malngat a silh a, niteng in nuamsa tak in a om a.

[Luka:16:20]Huan, a min Lazar, khutdoh khat meima a pumdim, a kongkhak bul ah a lum a,

[Luka:16:21]mi sumhau dohkan a khatehnen kia khawng nek a lunggulh a; ui khawngte’n lah a meima a liah saksak uh.

[Luka:16:22]Huan, hichi ahi a, khutdoh tuh a si a, angelte’n a paipih ua, Abraham angsung ah a koih ua. Mi sumhau leng a si a, vui in a omta a.

[Luka:16:23]Huan, misi khua ah gimthuak in a om a, a daktou a, gamlapi a Abraham leh a angsung a Lazar om toh, a muta a.

[Luka:16:24]Huan, a kikou a, Pa Abraham, ka tung ah zahngai inla, Lazar hon sawl in, a khut zungmuk tui ah diah hen la, ka lei hihvotna di’n; hiai meikuang ah ka gim mahmah ahi, a chi a.

[Luka:16:25]Himahleh, Abraham in, Ka tapa, nang na damlai in, na thil hoih na mu a, huchimah bang in Lazar in thil hoihlou a muh thei tan la; himahlah tu’n ah amah zaw hiai ah khamuang tak in a om a, nang zaw gim nei ve.

[Luka:16:26]Tualou leng, hiai a kipan a nou kiang a pai tumte tuh a pai theihlouhna ding un leh, kuamah huai a kipan a kou kianga a hongkai theihlouhna ding un, kou leh nou kikal ah guam thupi tak koihden in a om hi, a chi a.

[Luka:16:27]Huan, ama’n, A hihleh, pa, amah ka pa inn ah paisak ding bek in, k’on ngen ahi;

[Luka:16:28]sanggam pasal nga ka nei ngal a; hiai gimn a mun ah a hong pai kha ding uh, phatuamngaitak in va hilh leh, a chi a.

[Luka:16:29]Abraham in bel, Mosi leh zawlneite a nei ve ua oi; huai mite thu ngai le uh a ke, a chi a

[Luka:16:30]Huan, ama’n, Pa Abraham, hilou e; misi lak a mi hilhial a kiang uah hoh zaw leh a kisik ding uh, a chi a.

[Luka:16:31]Huan, ama’n, a kiang ah, Mosi leh zawlneite thu a ngaih kei un zaw, misi lak a mi thou nawn mahleh leng a taksang tuan kei ding uh, a chi a, a chi a.

Hiai atunga bibe chang i sim leh Jesu’n lazar a kaih thawh pen hilou lazar dang khatpen i muh thei ahi. Jesu’n lazar tungtang chiangtak a hon hilh theih pen Lazar khutdoh genthei takmai kha misi khua ah Abraham angsung a om in a mu a, huchilai in mihausa tuh haksa tuak in a om chih hih hon hilh dan ahi a, eite si ta lehang misi khua ah i pai mai ding i hi kei maw. Na ngaihtuah ngei hia?

Misi khua leng nih a om hi in alang, khat ah abraham te a om ua na leh haksa a thuak kei ua misi khua khatpen ah ahih leh mihausapa hih na leh haksa tengteng thuak in a om a Lazar hon sawl in, a khut zungmuk tui ah diah hen la, ka lei hihvotna di’n; hiai meikuang ah ka gim mahmah ahi, a chi vungvung ahi.

Ahih leh misi khua a om taktak hiai thute i ngaihtuah ngei hia, misi khua hih om taktak ahi chih i theih a gingtak taktak leng ka deih mahmah ahi.

[1 Peter:3:18]Pathian kiang a hon pi theihna ding in Khrist in khehnate ziak in khatvei a thuakta ngal a, midiktat in mi diktatloute sik in a thuak a; sa ah hihsih in a om a, kha ah tuh hih hin in a omta hi;

[1 Peter:3:19]hua in suangkulh a kha omte kiang a thu a va tangkoupih a,

Pa Pathian Bangkim hihthei,
Lei leh Van siam ka ging;
Huan, A Tapa tang neihsun Jesu Khrist,
I Toupa leng ka ging.

Amah Khasiangthou paisakin,
Mari sung hong suak hi;
Pontia Pilat nuai ah thuaka,
Krosa kilhden a om.

A sih zoh chianga,
Hankhuka vuia om;
Nuailam misi khuaa vahoh a,
Ni thum ni a thounawn.

Vana kahtou nawnta,
Pathian taklama tu;
Mihing leh misi vaihawm dingin,
Van pan hong pai nawn ding.

Khasiangthou ka ginga,
Saptuam siangthou khat;
Misiang kigawmna zong,
Khelhnate ngaihdamna, pumpi thohnawnna,
Tangtawn hinna ka ging. Amen.

Pathian deih zawng hih a, Pathian neitute kha tuh tawldamna mun ahi ding a, a zahtak huai dinga, Pathian deihlou lam hih te tuh gawtmun meldil a khiat ding in, Misi khua ah gawt na ngak in a om uh ahi chih a thak a i theih ka deih mahmah ahi.Khelhna mun tuh setan ahi a. Evi leh adam te nuam sa tak omlai un, akhem a a lungsim put uh a khek lamdang veka. Pathian deihlouh lam ahih sak ahi.

Setan in i taksa bangmah ding in achi kei ahi. Setan deih pen ahihleh sithei ngeilou i kha ahi a, taksa sung a i kha om Pathian in atunga Adam a bawl zawh nunga, hinna hu hon piak tangtawn a si theilou ding i kha pen setan in lak a ut gige ahi. Taksa in i kha a tuam a, Pathian in hon siam bangbang a i taksa kim taka a om sungteng a sung i kha pen lak mai theih ahi kei.

Mangbatna haksatna na tuah hunin hin chimtak a na om hun in leng nang leh nang hinna na kilak ding ahi kei, Setan khemna a puk mailou ding in i ki chial thak thak ahi.

Hinna neitu Pathian ahi a, amah belin amah kiangah hatkei mahle hang om lungkham mangbang takin leng i om ding a poikei. Amah lampi thutak leh hinna ahi. Hiai khawvel ah gen thei tuak in om mahlehang i tunna ding zaw ngaklah huai ahi.