Utmah Sih Dei…Bangpen tak la..?
(SSPPNet ah July 14, 2012 nia ‘Ngaihdan’ chi a kisuahsa pen modify bawlzek a hong kisuah thak ahi.)

Be pragmatic!
‘Except the Lord build the house, they labour in vain that build it:
except the Lord keep the city, the watchman waketh but in vain’.
Psalm 127:1

Major subject sang additional subject I poimoh ngaihzawk chianga zaw, a diklou lam hi nuam mahmah ahi. Abul pandik sim in kilangzel mahlehang, additional subjectte ziakin kitotah kha zel hihang. I major paper uh bang pentak hi hiam chih kitellou I diam? I chihsim chiang alah, kilaan theidi ngenta hizel hihang. Ahihkeh, I goal set uh sanglua in, target fulfill theih dia gingta sim lah doubt nei sim in, additional paperte pi bawl zokhanak!

Nampi bawl ding a kisa ihi ua, huai ding in part i play khachiat hi. Role or part i play zah kibangkim khollou ding hi. Atam thoh pawl ki om dinga, tawm thoh pawl zong ki om tham ding hi. Tha-le-zung senga pang ki om dinga, neih-le-lam sum-le-pai senga pang pawl zong ki om ding hi. Laigelh a pang zong ki om dinga, lungsim ngaihtuah na senga pang pawl zong ki om ding hi. Milton John in a sonnet On His Blindness ah ‘they also serve who only stands and wait’, a chih dan bang in, om maimai part la le ki om ding hi.

Maloubang tampi vei ina panta ua, tuaziakin, maban I pai na ding uah, hunluite apan zillai lak ding tam mahmahta ding hi. Nidanga ina lunggulh tuntunte uh, i present situation, ground realities leh tunung hun ding etin tampi nutsiat ding om thamta ding hi. A taksuah theingeilou ding lametna leh hon petu dite adia le consider/piaktheih hetlouhdi lunggulh tuntun I neihte uh I koihkhiat uh zong kisamta ding hi.

‘Tulai Dinmun’ APa Muan (Vungzamuan Valte) in July 11, 2012 nia agelh [SSPPNet] toh ki zawitawn sim in ka ngaihdan kon sungbotei hi.

1. Idelh phalai diam? Apa Muan in ‘Khovel in hon paikhengsan man’a sapkiktheih vual leng ahinawn sam kei achi hi. ‘Historical blunders/mistakes’ I chi hia or ‘missed opportunities’ I chi zawdiam ah, khutzung kaihtheih dikhop I nei uhi. Hun in honna mualliam santa mahleh, I lunggulhna uh beitheilou in unification policy (India Zogam leh Burma Zogam gawmkik ding) a nei in pan ina lala sam uhi. Tunsung khatpan piang ihih uh mangngilhlou hial in, gawmkik simthu I lunggulh na un kitanauna liansaksem a, tua I lunggulh uh eimah pan suak ahihziak in kuamah in hon sukbeisak theih ahi kei hi. Eite lungsim pan inle pawng bei gintak huailou hi. Hi bang lunggulh thei a iom un bang taklang hiam I chi leh: khovel mun tuamtuama nam tampi om zelzulte lak ah ei Zosuante le khat I hi uh, chih gen hi. I lunggulh na un pichin lam nawt semsem hen chi kawm in, hiai anuai ate kon gelh tei hi.

Hun in hon pailiamsanta a, opportunities i neihte uh lah ina chantamta ua, international boundary khoihkha unification policy (Zogam bawl ding) I ngaihsut vengveng le, ‘utopian idea’ ahi kei maw, ka chi hi. Ahitheilou ding lunggulh ahihnaziak hia ka theihte:-

i) Kum sawmnga bang political movement sualta Nagate en zual le: international boundary genlouh, India sunga demand aneih uh ‘integration of all Naga inhabited areas’ piak in a om na diuam maw? chihtheih dia om hilai u ei! International boundary khoihkha unification chuuu, gamla mahmah lai ding hi. Eite a…. gentamlouh in, nawizu gimnamlai ding hi.

ii) A rengreng thu in, India panpihna a Zogam muhtheih ding hilehle, Burma in khah ut teuhlou ding hi. 1940s huna kiktheinawn bang hile tuh, India in hon panpih ut mahmah ding hi. Tua hun laikhawng in heutu masate’n ana hihfuh hileu tuh, himai ding hi a (chilelah, tua hun laikhawnga collective consciousness I chi hia, nation feeling i chi zodiam, eite lak ah gen phakdi hinailou, tuanaksanga, eite feelings/I melma utuh, Zosuante lakate ngen ana hinalai…ka dei aw!!!!).
Tu huna tuh, India in hon panpih lamet huailou, utle utlou ding hi. Aziak ahihleh, China in Burma ana control/influence zou lomahmah in chin, India in Chinese influence counter ut lawsam ta. Tuaziakin, India in Burma heel bawlbawlta hi. A kitanauna uh hong hoihtou semsem lai ding hi.
Huaiziak in, ngaih aw, tuibang kigawmkik nawn ni ei, chi’n pan lala leng zong, hun mualliamsa leh opportunities I na miss uh ‘sapkiktheih vual’ ahi nawnta rengreng keia, lunggulhna toh machiang I suantouh ding uh hitalel ding hi. I historical mistakes or ‘missed opportunities’ khangthakte a ding in tangthu hong hitoulel dinga, mipil, misiam leh laigelhmite a ding in zong resource hoihtak hong hilel ding hi.

iii) SOO agreement.

2. International boundary khoihkha political integration pen atangtung theilou ding ahihleh, unification/integration policy tawpsan ding maw? Tawpsan tuanlou hial ding. Tawpsan lou ding I hihleh, option dang bang I neilai ua? Intergration I chih political sese hilou, emotional leh cultural integration le hithei hi. Mihing i tuam dungzui in, I ngaihdan uh zong kibang kimvek theilou hi. ‘I lungsim I gamgi hi’ chih ahihman in, I lungsimte uh liansak in, kou, nou, amaute, chih omsak kei le/tawmsak le, emotional integration himailou maw? India a om in, Burma a omta leng zong: Zosuante I hi chih ah I chiang ua, a kikhen theilou culture leh tawndan a guizop ihi uh chih ah leng I chiang ua, beh-le-phung hiin pau-le-ham ah le khat I hi uh chih zong I chiang ua, a tangtung theilou ding political integration lunggulh chiat I hi chih le I phawk tek uhi. Huchia I hihna leh I lungput uh akibat leh emotional integration ah lohchingsa hilou I hihiam? Tua ahih manin, hiaite kembittou toule, ei a hampha nam ki himai ding hi.

3. Atunga igen I lunggulh uh hitheilou ahihleh, India sung beek a tengte a ding in political integration alamet huai diam? Huai tuh, Mizoram leh Manipur Zosuante gam khat a gawm ding. Hiai pen a hithei ding lunggulh na ahi a, India constitution inle accommodate thei hi (India constitution in accommodate theihlouh di lamet na/demand nei/bawl kha ihihleh, alohsam sa ihi hi). Mi tamtak lunglut nale ahi hi. Ahihziakin, taw a khupawt zen in tai in pang fenfan leng zong, muh baihlam tuanlouhial ding hi. Ka gen taaksa bang in, opportunities ina miss ta uhi. A himhim in panla bang hitaleng, bang a chi dia? Tam genlou in, a nuai a point ensuk zual ni ei:-

i) Simple taka gen in, Mizoram leh Manipur in ‘yes’ achih theih tuaktuak di nak uleh, muh pah hi ziang ding hi. Himahleh a haksa mahmah ding tuh, ‘yes’ a chihtheih tuaktuak ding uh ahi.

ii) Nagate demand hichituk a zadah uh ahihleh, eite adia lamethuai hetlou khat suak eive, chi nuam sim kahi ve!!!

iii) Hiai pen India constitution in accommodate thei himahleh, central government in Mizoram leh Manipur Zosuante khat a omkhawm lunggulh uh ei…chiin thutanna lathei pah mailou hi. Hiai toh kisai Mizoram/Manipur Innpi ah genkhawm/debate masak hong hi ding a (Mizoram nak utlua phe tettet zozen ding in koih in, nui hieuhiau kawma honna welcome utsa ding in koih le), hiai state nihte apan central government in green signal amuh zenzen leh, India phualpi hong kipan theipan ding hi. Mizoram/Manipur government bypass a central government in eite (a lianzo in Manipur singtangmite) lunggulhna hon suk tangtunsak ding federal political setup ah hithei ngeingeilou ding hi.

Hiai le haksa thouthou ding ahihleh, political integration I lunggulh rualrual un, I gentaksa bang in emotional/cultural integration lam pibawl zawle, ahoih mai kei di maw? (Miracle hong oma mu I hihleh, nuam ven aw!!!).

4. Ka hon gelh suksuk leh ahong neu suk deuhdeuh a, ka ngaihtuah na ah, eite destiny, international leh state boundary khoihkhalou tua I tenna uh Manipur sung mah ah om hikha ding hi, ka chi hi. A taksuahtheilou ding tuibang gawmkik lamet na Utmah Sih Dei…chi kawm in Tung Sianmang huai na’n I heina peuh uah zo-tangbang dam tekni, simlei tuibang I kigawmlou zong un, Thangvan ah dawnbang kituak nawn ding hihang, chi’n Manipur sung a eite opportunity ompen a hoihtheipen a bawlphat or puahphat ding eite tungah kinga hilou ding hiam? Huai ding mah a pan I lak ua, kal I suan mai uh, eite adia ahoih pen leh a baihdi pen hita mailou hiam?

I pawlpi or nam heutute’n le lunggulh tuntun lah, a mengmuh (vision) na uah eite destiny tua I tenna sung uah (Manipur sung) om hia mu hisam dingin ka ngaihsun a, tuaziakmah in SOO agreement kai or ATS policy pankhia hi ding un ka koih hi. Huaiziakin, ka thugelh hong neu suksuk pen ahi ding mah in kakoih hi.

5. ‘Z’ ah: Political movement hitaleh nomenclature tungtang ah ina vangtahkha mahmah uhi. Heutu masate vision neihlouh ziak chilelah, amau hunlaia adia hihfuh mahmah hisam ding uh hi ua maw? chih sim a omzel. Tuhun, ei khangthakte adia I hun hoih neih uh ahi. Transition period a ding lel I hi ua, pang trangtrang chu I hi peuhmah uhi. English alphabet K, C, M chihte deihlou in, tolhnawnlou ding chi ihingei dinga atawpna pen Z la in Zomi khazak nuai ah panmun i khoh ta uhi. Nomenclature thu ah APa Muan quote zualle ‘nungkik vuallou in maban I sawn uhi, a lampi zaw a haksa ngial ve’. Ei utziak hilou in, situation in hon compel ziakin Z i phutkhia ua, Zomi nam sepaih muanhuai thei mahmah i neita hi.

ZC om i deih ua, heutute panlakna ziakin ahong om a, tun khutzung kaihtheih di khop akhazak nuai ah omta hi. Hong phungching semsem ding in lamethuai a (sudden taka kikhekna dang hong om thak nawn mawk ahihkeileh…), belhtak taktak hiding in leh mite etlah tham I hih theih na ding un, vision neitak a i kalsuan uh kisam ding hi. Nampi bawl process pailellel ahihna ah, tu-le-tua issues/problems (internal and external) I tuahte I handle/tackle dan ua panin I tunung paizia ding uh hon musak ding ahihziakin, panlakkhawm chiat poimoh ding hi. Tua ahihman in Bang ahia i priority uh? Major subject maw, ahihkeileh additional subjectte?

Sausimtak kon gelha, kuate hiam kalhzawnga gelh ahikeia, kawktuam neia gelhle ahisam kei hi. Ka ngaihdan ahi a, apomsiamlou I omkhak zenzen leh ana khawllai in, kikum touzel ding hihang chi’n laklohtak in kon khin ding.

Thianlalmuan Ngaihte Ph.D
email: This email address is being protected from spambots. You need JavaScript enabled to view it.