I society hiam i khosung ahih kei le hi gam sung ka et chiang in kei miaml tak in awl mawh huai kasak tampi tak om hi. Tuni in huai te ki kum khawm zek le ka ut ahi. Amasapen in ah hiai ka hon thil gelh ziak a hon kap kha lua hiam ahih kei leh nou leh nou hon ki zephawk sak lua hiam a om khak leh nou kon gen na amah a ka hon gelh ahi chih ka hon hilh chiang nuam masa hi. Ken hi puak nat tampi kana nei a, midang a ding in bang mah hi khol kei le le kei hon na challenge lua tampi om hin ka thei hi. Huai te aban ban in en suk le i chi ahi.

1. ZU DAWN TE : I gam uh chi le a diak in Lamka ah zu dawn niteng a pung hi leh kilawm a bang hial hi. Nitak lam kho mui kuan chih tak chiang in i et veng veng leh zu dawn na buk te a lun thei mah mah mai hi. A uang zaw deuh in gen leng khuaibu i kap khak leh a a khuaite hon laang te mah a bang hial hi.  I et kik chiang in khen khat te bang i ging tak louh pipi, i na guk zahtak luat ahih keh saptuam khong ale mi kizang mah mah khong le muh in a om kha nak hi. Naupang chik chik khong school kai lai te bang leng hi nuam mah mah mai hi.  Zu dawn te hi en le hang a tam zaw tuailai te lak ahi chi le i khial kei hial ding. Hiai tuailaite’n bang ziak a zu dawn u hiam chih sui zui tham ching mah mah hi in ka thei hi. A neih val ziak uhiam ahih kei leh sum zatna di thei lou a va pawng dawn uh a diam? A neih val ziak a dawn om ding in ka ging ta kei hi, a ziak bel ka theih na chiang ah kiloh tawm ahih kei leh school naupang te khong hi nak hi. Naupang chik chik khong zu buk a lut ka muh chiang in ka lung hon khoih thei mah mah hi, a ziak bel “they are to be the pillars of the society”. Lungzi’n huai mah mah la i hih theih om lou. Veng tuam tuam ten ah pan la in a veng sung ua zu buk om te khak sak mah leh uh tam a khak zoh phot u leh tam a ki behlap deuh deuh mah a bang hi. A dawn di lah kitasam lou a zuak di le kitasam lou. Zu i kham nak leh lah buai na om hi tei tei mai, ka zu dawn kuan hon thei kei kha in teh chi hi leng ki lawm. I nam sim leh pau nuam pah, pau zat theih louh lah nei khol lou, ut ut dan a ham khia, i kiim i kiang a om te subuai sawm tei tei hi le hang a ki lawm hi. Lampi lai khawng a zukham a kipuk muh di lah kitasam lou, i gam din mun khong zaw nop na di him him le om lou hi in kathei ahi. A zu dawn te mawhsa pumlun i hi kei hial hi, a duh u leh dawn ta ve ei a dia a poina om lou, himah leh a val a hon dawn chiang ua thil a suk nawng kai te uh ahi a kizadah mah mah. Zu dawn khaam pawl om hi in kathei a himah leh i et veng veng leh a khaam te tata buaina bawl a pang hileh kilawm a bang hi. Lawm te khat in hon gen dik kasak mah mah khat tuh “Sun chiang in America a English zangthei a tam pen himah leh nitak dak 5 khong a hon ging chiang in India ah English zang thei a tam pen”. I gen nop pen tak a hih leh zu dawn chih khawng hi khaam but ahi kei ding chi hi thei hi huai ziak in i dawn leh leng a hun thei a mi tok buai hiam a hih kei leh mi subuai a pang louh tum le chih i deih hi. Huai ban ah ka puak nat mah mah khat tuh students te ahi. Students lak a zu dawn hi tam a tam ahi chi le i khial kei ding. Huai ziak in nu leh pa te pilvang mah mah a, i tate bang chi bang a kho hei u hiam, bang bang hih u hiam chih te khat vei bek khong en kaai thei le chih huai mah mah hi.

2. KHAMTHEIH HIH TE: I theih sa mah bang un kham theih hih kichi hi kithang mah mah mai hi. Kham theih tam pipi khong mat leh haal tum in ana om ngei ta hi. Hiai a ka lung hon khoih mah mah chuh kholai a naupang,tuailai te khawng thil hip tun tun te khong, ban ah pailah zen khawng a hoi doi doi zu dawn lah hilou bang mah gim lah nam lou a kham hi ngal te khong ka kho ngaih mah mah hi. A nu leh pa te bang mawh sak a huai sim hi. I tate en kol zoulou i hi hiam? En kol zoulou le i hi mai ta uhi. Nitak i pawt a lah a kham thei di hun khop ana om zel. Lamka kho zaang chuh siat pet mah a seta chi le i khial kei ding hi. Ka tuah khat hon gen zual leng nikhat nitak anne khin pawt chih leh ka pawt na lam ah naupang hon khat hon pai phei uh kei le kei chauh ka hih chiang a hon ngam thoh bawl uh hi mai thei, alak ua a kham mah mah khat in hon phu phei a ken leng bang mah chi lou in ka pai san leh lau thong khong hon chi uhi. Huaite lak a ka mi theih leh tanau sim sim  pi  nih leh thum khong tel uhi, amau chuh a kham a hih chiang ua hon thei lou uh. Kei le in kapai tak in amau te inn uah ka bang a a pate kiang a kava gen mawk hi, awl mawh lua ka hih chiang in. Chih leh a paten hi kei mawh honna sa mawk uhi. Ka tapa uh huci lou ahi na mukhial kha ahi ding a honna chih khum hi. Kei leng ka pai veng veng hi. Hiai a ka gen nop pen chuh en i tate i theih hoih ma in midang in a hoih na leh hoih louh na ana thei khin vek uhi. Huaiziak in mi’n i tate hiam hon gen theih leh chuh a hih na neng chik bek om ding ahi chih thei kawn in it ate et kai thak a poi mawh hi. A hoih louh na ua pan pih mai lou a thu hilh zaw le bang a chi dia? Ka theih tampi ten le damdoi a chih uh rose (rp) a chih uh complexion bawl hoih na ding in a ne uhi. Ken hi ka thu hilh zel a akhen in ka tawp thei nawn mah mah kei khong a hon chi zel uhi. Huai te bang ka heh pih tha bang a hon leh suah daih hi a ziak bel huai ten ne kang di uh ahih ziak in. Huai ziak in nu leh paten i tate sum i piak nate a pilvang mah mah ding in i kichial hi. I sum piak te uh bang chi bang in a zang nak ua chih leng sui zel leng a se lawm lawm ding in i ging ta kei hial hi.

Hiai a tung a topic nih a ka hon gelh te hi ka puak nat mah mah te lak a tel ahi a, ban a i gam leh nam a ding a le khan mawh bawk na ding in leng ka ging hi. Huai chiah zu dawn te hiam ahih kei leh kham theih hihte khong in a neih val ziak ua hih leh dawn ding in i um kei hial uhi. Students te bang a diak in i nu leh pate hon vaak sa a om i hih na uah i nute i pan pih theih na sun te a pan pih a, a mau nekang theih di te ah ki veng le hang i chi ahi.