Vokpi Mai a Suangmantam Paih Bangsak Kha Di Uam
Manipur Pollution Control te’n Lamka local news paper a public consultation dated 12/07/2012 a bawl uh toh kisai Petroluem Exploration in Churachandpur District proposal thu ah kei mimal inleng ngaihdan tam lou gen ka ut hi.
Huai tuh,hichibang leigou manpha natural resources product ei gamsunga piangthei ding dinmun a lamet khak a i omkhak chih kia lel leng ken chuh hamphat huai kana sa khin hi. Goumanpha na tutphah khum kha ihih maizen in tuh,Gam hampha,Nam vangpha, Pathian vualzawlna ahi sawnsawn ichilou theikei dinghi. Ahihang in Ei(agam mite) tha hatna leh siamna vuak a hiai leigou manpha igam a om na hia chih kia lel leng zawngsuah lou ding banah agah nek theih dia laisuah zou zoklou ding ihih na ah Pathian in a zongtu ding leng honsawl a dia aw chih bang ngaih sut huai kasa hial a a siamte theihna/pilna koppih ding dan gel thei leng hoih di’n ngaih tuah huai kasa hi. Om bang hi taleh ilaak suah louh a lah bangmah I phatuam pih na ding uh omlou ding ahih chiah zong suah a lakleng laksuah mah hoih lou di hia?
Ken gam tuam tuam kaphak khak na a kamuh dan in abik in India gam Gujarat ah crude oil alak khiakna munte uh mun neu chik chik inmun khat chia lel khong mai ahi a sikdai in a um ua a sung a water hand pump dan a bawl khat-le-nih hiam ah crude oil tuitawp in atop khIa ua akim akiang a a thaang ding leng muh a om kei hi.Huan hiai crude oil lak khiak na munte chemical plant khen khat dan ahih louh na ah amun leh kim akiang environment hi in khotang hita leh ahih siat ding a om lam ka mu kei hi.
Unau Burma te’n agam uah suang mantam tampi a om a chi ua,aki gen apat khang bang zah hiam apailiam tannin leng bang aphat tuam pih ta ua le? Midang,gamdang a zongsuah thei dingte sepding lah phallou, amau lah phatuam ding tan a zang thei tuanlou agam uh buai buai Democracy dekdek ta uh chih louh ngal gen in a om vak kei hi.
Hichi bang lou deuhin Middle East gamte pen khovel a apil pen te ahi zenzen kei ua ahih ziakin agam ua natural resources aphat tuam pih dan mi apil asiam(gamdang mi European te) zang thei ua pil huai kasa mahmah hi. Mi’n bel agam sung a gou manpha a om nak leh agam mite hituam selou,atheite tungtawn in zong khia,lakhia in agam in ham phatna ngah uhi.
Singapore bang enleng European te(apilzaw te) opkhum uk khum I china ua. European te’n alei peek la thei tuan kei ua akhangthak te uh ahong pil(caliber) tak un hon lakik non thei mai uhi, aham phat pih te tuh European sang mah inleng agam mite mah ahong himai uh hilou hiam?. Eurpean te ana om lou hizen le uh Singapore te tua din mun in a om diam, ahih kei leh akhang zo di uam chih ngaih tuah tham hi.Give and take leh No pain No gain zang siam mah mah kasa hi.
World history I et leh tulai a khovel a gam changkang khete atam zaw agam natural resources te apan ahi deuh uhi. Eg:-United Kingdom – Steel leh Coal, America –Oil leh Natural energy, Russia –Natural Gas and Middle east-Petroleum te ahi hi.
Hiabang dan deuh in enleng igamsung a Goumanpha om sunte lasuah in abik in lei nuai a omte atam thei lam benefit muh didan gel zawle. Min I huansung a tui kulh a tui hong toh ut ua leh tui fee lakthei ngal lou di! Idaih dedu leh bel Iham phat pih kha khol kei mai thei. Tua ahon takeup sawmte private company hilou in public sector india mipi te enterprise mah ahihna ziak in lauh thon huai kasa kei hi. Eilam apan in hiai issue take up thei ding in ei sik-le-tang apang thei d policy hoih tak tak bawl thei di mi ahong om kalam en hi.Huchi lou in leng civil society huailam mawng mawng a ding khat kipuah a policies tuam tuam zang a negotiation bawl hoih kasa hi eg:-Thautui gamsung buah sak thei dia sukthang/buak louh ding, Job a om dan dung zui a 40% agam mi alak ding uh, managerial level ah 20% ahih ding, Agam neitu Hausa ban ah Autonomous District Council in tax lak ahi ding, Environment puah na a …% alak ding uh chih te khong bawl khum a hoih zaw mai diam??
Hiai bang policy bawl hoihsa a bawl thei ding din mun a I om ua leh consult theih ding in Indegenous people front te leng kiman sa ahi gige.
Gam leh nam it a puah ut,
- C T Lian Guite
Social Worker. I Love Lamka Campaigner
@8974225922.