Tuun leh Zua ang sung ah simlei pallun cheen ding in kong piang a nu leh pa angsung ah nuamtak leh duat tak in kong khang khe tou hi.  Nuam satak leh noptak a insung nuam a hon khang khia ka hih man in nop leng kasa a kuamah leng ka eng tuan khol kei hi. Skul kaina lam a pawl giat (8) ka kai a hoih tak mai in ka zou khia hi, lailam ah leng ka hih thei thou mah mah hi. Pawl giat ka hon zoukhia a ka khua uah pawl giat tan chauh om a, maban sut zop ka ut hi huaiziak in ka pa in ka nau toh Lamka kho zaang a ka skul kai sun zom ding in a hon koih khe ta hi. Kanau bel pawl nga (5) sim lai himahleh kei chauh om ding hon phal louh ziak in kanau toh hon koih hi. Kei toh ka nau Lamka ka hon zinta ua admission khong inn luah ding khong ka hon zong uhi. Pathian piina toh ka lamzang mah mah ua admission ka muh ban uah ka inn luah ding uh hoih tak leng kamu uhi. Thil sai ding teng ka hon sai khit nung un skul lut ma chii in inn lam ka hon pai kik nawn leu leu uhi.

Huchiin skul lut di hon hut tak in Lamka lam ah kon paisuk nawn uhi. Inn chuh ka hon luah ngei ua, skul leng nuam tak in ka hon kai tou tou uhi. Kumkim khat bang hoih tak leh nuamsa tak in ka hon kai tou hi. Skul ah ka hoih hih mah mah thei zel hi, kanau in leng a skul kai na ah hoih hih thei mah mah zel hi. Hunte hon paitou zel in skul ka kuan chiang in lampi ah tangval mel hoih leh daung ching mah mah khat toh kaki tuak zel hi. Chikmah a theih ngeilouh leh muh ngeilouh hi na pi in hoih sak in kasa hi. Aman a mit a hon et dan inle hoih hon sak chi mah mah mai hi, bang hiam bek a hon muh didan in ka gingta hi. Mizum hat leh zah kai mah mah khat kahih ziak in ka kuun pah pah a, amah toh kaki pelh khit chiang in ka en kik veng veng zel a aman le a hon en kik zel hi. Huchi in ka kinuih san zel ua ka pai liam zel uhi. Zing leh nitak lamteng in kaikimu gige phial ua, kei bang in chuh ka muh louh ngei ngei leh class a leng ka nui zou kei top hi. Zing leh nitak a kimuh gige in hon kimai ngal sak tuan mah mah hi. Ka thu khong honna sui sui mah a hi ding a zingkal khat kamin in “Mawi kai nuam ou” hon chi mawk hi. Kei leng lamdang sa mah mah hi na pi in a guk in kakipak mah mah mai hi. Huai ni suun chuh ka lung a buai cher chur mai hi, hon hou pih na bang kaza thak thak zel a ka nui nui mai hi. Nawp kasa tuan mah mah mai hi.

Hun in hon pai liam zung zung in nite tom tuan bang in kathei hi a ziak bel amah toh kaki mai ngal zawk ziak un. Kei leng maingal leh hangsan zaw deuh in a hon hou pih nate khawng dawng in kai nuam ou khong leng ka chi zel hi. Ka fone no. khong hong la in kaki naih deuh deuh ta ua, amit et lawm tak mai in kei hon taisan in hon khem ngei kei leh kilawm a bnag hi. Zingkal skul kai kuan chiang in kimu leh nitak chiah kaki text zel ua, a tom a gen in ngai leng ka hon ki ngai ta uhi. Kei toh kanau chauh om kahih man un amah leng a hong hoh zel a, a hong hoh chiah nuam kana sa tuan mah mah mai a, a pai di bang khen chiah ka khou khou hi. Aman le lin pi pi in a hon paisan zel a khen chiah bang ann nesa in kapai sak zel hi. Huchi in hun te ka hon zang tou zel uhi. Kum tawp exam chuh ka hon zou ua, kei leh kanau kholam a pai di kahi chi in ka hilh a, aman leng a hon phal mah mah kei hi. Pai mah mah ken kei chauh in khristmas ka zang nuam kei a hon chi a himah leh ka pa in na hon pai di ahi a hon chi hi. Hichi in niteng phial in a hon khou ngut ngut zel a, kenle hilou ahi ka pa in na nau toh khristmas zang dia na hon pai di ahi hon chi ahi ka chi zel hi. Aman le hon ngailua kahi suan lam di na baw mai kei dia a hon chita hi. Keileng mimawl tak ka hih ziak in bang chi dan in suan lam ka bawl thei dia eita chi in ka dawng hi. Amanle hiai lam a kathil sai di om chi in suanlam/ paulam in na nei mai di a hon chi hi. Kenle kakan sau lai a bang hih din maw ka chih leh aman kum nawn pawl sawm di te skul a kipay baih di ban ah kristmas leh kumthak kikal a admission bawl ngai di ahi na chi di chi in a hon thu hilh hi. Kenleng a mah chih bang in ka nu leh pate kiang a ka gen a zuau gen kasuak suk mai hi. Huai ka chih phet in ka pa in kum thak na skul kipat ma in na hong pai tei tei di aw leh a hon chi a kenle huchiin kanau chauh ka pai sak ta mai hi.

Huchiin kei kia chauh inn ah ka om ta hi. Skul khawl lai ahih ziak in sun chiah hong pawt a, nitak lam inle ann ne in zan chiah le a pai ngei nawn takei hi. A inn bang bang in a bawl ta mai hi. Ken amah ka it leh ngai mah mah a a tawn tan pha hon tun kai pih ding in ka ging leh ka muang ngam a hon khem ding inle ka ging ngei kei hi. Ka lungsim a nuam mah mah mai hi. Aman le hon it leh ngai mah mah hi in kathei a a zi ding inle a hon deih a hon chi hi, kenle ka pasal ding a deih ka hih ziak in ka hon lum kawm ta mai uhi. A kam a pawt ten kei hon zoh luat ziak leh amah a ka ginna ten hon lung nuam sak mah mah hi. Ka lungtang ten teng toh amah ka it ka ngai a, ken amah lou kua mah dang a di hilou kahi ka chi hi a ziak chuh aman ka nungak sianthouna hon lak mangsak taak ziak in. Khristmas chuh ka hon zang khinta ua kum hon thak ta hi. Kei chuh kapa ka chiam sa mah bang in inn lam pai ding in kaki sa a inn lam ah kal khat di mawng mawng kava om hi. Huai hun te ah kaki hou ka thei kei ua kal khat ding bang chuh kaki hou kei uhi. Keile skul kai hut tak in kapai kik in Lamka a inn mun ka tung in ‘ka hon tuing ta ei’ chi in ka msg pah a, aki deliver ngei a himahleh hon reply kei a, huai nitak hong hoh le hong hoh kei hi. Huai zoh aman zingkal in hon phone a, a buai thu a hon hilh a, huchiin kei chuh ka lung a nuam nawn pah mai hi. Amah chuh ka kiang nuam salou a bang mai ta hi. A hong hoh chiang inle sawt a tu zou nawn kei a, ka buai ka hih di tam chi peuh in a ki lep khe gige hi. Suanlam di a bawl gige a kou chuh nuam satak inle kaki hou thei nawn takei uhi. Hon text le hon text ngei kei a ka text pat chiang inle hoih tak inle hon reply nawn ta kei hi

Huchi in kimu vaang hiai hiai leh kithu zaak tawm hiai hiai in ka hon om ta uhi. Khakhat chuh pai di a hi ta a,keile ka period hong tungta a hilele mens ka neita kei hi. Huchi inh kei leng ka lung a khamta mah mah a himah leh ka hih theih lah a om tuan kei hi. Kenle amah kiah ka gen a himahleh a hon ngaih sak ta mah mah kei hi. Akhen chiah dah in kakap zel a lah phatuam le a hi tuan kei hi, ka kap kap na bang in ka aw khong a heu gawp hi. Amah lah khat vei chaang khong in a hion hoh zel a kei lah amah ngai in ka si dek dek phial a, aman lah kei hon ngai nawn lou a bnag mai ta hi. Ka sungte kiah l;ah ka gen ngam kei a, ka tai na di lah om lou kuamah phawk phak louh in kana buai gu mah mah hi. Nidang a zi dia hon deih gige pa in nau suk kiat ding in hon sawl gige zomah lai hi. Kenlah ka sung a piang di ngoih ngoih that di ka chih chiang in ka sisan in hon zou kei hial hi huai ban ah ka phal mah mah kei lai hi. Sun ni tum tum in kei kia in inn ah ka om a skul leng ka kai hoih thei nawn ta kei hi. A suun a zaan in ka kap kap mai a lah a pha tuam kei hi. Kenleng ka u kiang ah kiteng ding in ka ngen zel a hilele aman ahih theih louh di dan leh kiten hut nailou ahih dan hon gen ban ah ka sung a nau pen le amah a ahih louh dan leh midang a ahi di chi in a hon muang moh zomah lai hi. Kei lah gin om tak a midang a hilou a hih dan ka chiang hun tawk hi. Amah a dia ka gin omna, ka thu chiam te ka pel louh na a thawn a hon suak sak zel a, ka mittui in hon tuum zel hi. Gen gen a lah kan na le a hi tuan kei hi. Huai nak sang in abortion bawl sak ding in a hon sawl nak zawmah hi. Abortion na bawl kei a leh kon kimu sak nawn lou ding ,hon ki theih mawh bawl ta ding chi khong in a hon vau nak zomah lai hi, keilah amah mulou in ka om zou nawn kei mai mah hi. A tawp tawp in ut lou sa sa in ka gil sung a kanau paai ka su keta mai hi choice dang le nei tuanlou ka hih man in. Nau om nawn louh toh kiton in amah leng ka kiang ah a om nawn ta kei hi.

KA TUAILAI PIHTE AW HIAI BANG TUAK DING IN KA HON PHAL KEI HI. HUAI ZOH NUNG BIAKINN AH LENG KAKI KHAWM UT NAWN TA KEI HI. KA HINKHUA AH KIPAHNA LE KA MU NAWN KEI A, THIL TENG AH KA PHUR NA TENG LENG A BEI VEK HI. HUAIZIAK IN NOU A KI BAWL THEI LAITE’N NA TUIAH DI KA HON PHAL KEI HI. HUAIZIAK IN HIAI ZUM PIPI IN KA TANGTHU KA HON GELH AHI. KEI A DING IN LEH KIK THEIH NAWN HI LEH KA CHI LO MAH MAH HI. LAMPI DIK TAWN DING IN KON DEIH SAK LUA HI KA NUMEI PIHTE AW. .  . . . . . .