Ka lung-aleng a thu tam lou kon gelh nimnem sam di.

Hun te hong pai liam jel mah leh, July 14, 2008 ka lung sim in ka mangngilh theih ngei kei ding. Hiai ni in ka iit leh ka ngaih penpen ka nu Vialzaching Tonsing in hiai leitung nusia in honna paisan ta.

Kipah hun, lungkham hun, thawmhau hun in ka ngai law diak hi. Mobile phone a call theih himai leh ka chih vungvung hun a tam. Vangam ah iki mu nawn diam chi bel Pathian thu chauh hi lel a, leitung a ki mu nawn het lou ding ka chih chiang in thauk hak sa in lamdang ka sa hi.

Leitung hinkhua khiaklah huai mahleh Pathian in lem sak bangbang pom siam dia ki pe khia in, ka nu athum chiang in ataksa dam na sang in khalam damna (spiritual healing) ana tel zaw ta. Ka nu'n leitung a a-iit leh ngaih te toh vangam a ki muh louh ding ahi alauh pen.

A Bible chang deih ahihleh: 2 Korinth-te 12:9 "huan aman, ka kiang ah, Ka hehpihna nang din a hun hi, ka thilhihtheihna hat louhnaah a hi hihkima ka om, achi a. Huchiin, Kris thilhihtheihna ka tung a omtheihna dingin kipak takin ka hatlouhna te ka suang zo ta hi".

Info: Vialzaching Tonsing (Zingi)

w/o T. Thongkhanpao, Pearson mun