Sikkim a ka Hostel uh a tungnungpen 9th floor a ka omlai uh ahi. Hiai ni in ka lawmnu toh meh di khawng lei di chi’n Gangtok ah ka va Bazar kai ua, inn ka tunkik un 7:00pm ana ging manta hi.

Gim petmah ka hi ding ua, inn ka tun phet un puan-ak hin khedap hitaleh bangmah le suah peihlou in lupna tung ka kidenna ngal mai hi. Ka lawmnu ahihleh meh kang dia kisa sathau suang vitvit. Huchih laitak in thakhat thu in ziin (earthquake) nakpi tak in hong liing a, light le hong mit ngal, mial petmah in ahong mial hi. Ka lupna uh bangcuh kisawi zoihzoih mai, lupna tungah ka kikawi ua, ka omna chiat uah thumna khawng ka nei vengvung uhi. Sawt a ling mahmah a, aging bangchu nasa himai...!! Thupi petmah, ka building uh kichim di ka sa man hial hi. Bngtan hiam nung in hong dai a, kenle kintak a taipawt di chi'n ka lawmte kiah ka gen a... huai ni chiah chuh step kumsuk kankana kitungsuk hak ka thei kei. I lauhluat ziak adiam ah kitung ngeilou mah bang ka sa hial hi.

Ka hostel building nuai uh ka tun un a daan omdeuh ta, miteng lah kap chelchul mai... khedap bun manlou chu tam eii.. Ka chi aling nasa sim ....huihaaa.... Anuai a ka omlai un ka lawmnu’ sathau suang kha ka lungsim ah hong omta, phone lah painawnta mawnglou ahihchia nak buaihuai lua. Kou tegel bang lah kisumang zomah ka hih chiang ua, keilah ka lungsim nuamtheita mawngmawng lou. Ka sathau suang ziak un denchiah ka building uh hong kaang leh lauh huai semsem di, ka damloute uh le tampi asunga a taipawt zoulou om uh hia chihkhawng. Huchia kingaihtuah kawmkawm a ka omtak in, thakhat in ka va kal tou nawn a, inn tungnung pen tuntouh di chuh lit huai petmah himai! Dai sipsip mai, ka inn baang uh lah chimkhe loiloi dimah banga crack vek, ka room sung uh ka lut chuh ka sathau suan uh ana khu vutvut mai. Ka mehte uh kileh but vek, ka van tengteng uh leilak a thaang petmah. Ka plate te uh lahchu a kek toh thaizak mah bang. Ka sathau suang uh neucik hileh kuang di hita, kintak in a plug ka lakhia a, ka van poimoh neucik toh inn nuailam ka kumsuk dekchet  aleh ziin hong ling nawn, akinthei pen a kum di chi’n ka tai nasa petmh hi. Anuai ka tungsuk in chuh ka gim petmah a, naksam dek phial hilehle ka lungsim chuh anuamta mahmah mai hi. Huai ni vot avot hiamahleh kho-ul bang tampi kai zou ahi.

Huai ni apat kal 2 ka room uah giak ngamlou in ka om ua, hong liing thak di ahi peuh achi jel uhi. Hichibang ziinling thupi ka tuah patna ahi a, lau law petmah ka himai!! Hiai in hn ngaihtuah sak chuh:
1. Khovel tawp dekciang in bangchituk in athupi dia?
2. Khovel ah zaw bangmh kisaktheihpih di a omlouh dan, zankhat thu a le beithei mai..
3. I hinna ei a ahihlouh dan
4. Pathian omtak2 mah ahi, i mangbat huna huhpahpah pa nai gige ahi... chihte khawng leh adang tampi ka ngaihtuah lemlom hi..

Hiai ka experience thupi pen ahi lai d tunitan in hicibng haksatna leh lauhhuaina mun ah Pathian in ka hinna hon hawisak ziak in Amin ka phat ahi. I hatlai teng Toupa ading mah a sep ding leh zat ding, siangthoutak a chih le kon gen behlap lailai hi...

[Hiai teng kon gelh mai d asau gawp, honna simsakte tengteng tungah kipak...Be a blessing for others always..]

**Hiai zinling ah mihing 50 lam in ahinna uh ana taan ua, tenna inn leh govt office tuamtaum kigawm in Gangtok ah hiai ziinling in a nuaisiat lakh 1 phazou chi uhi…