VANGSIATNA KICHI KEI A DI BIK AHI DIAK.
By Biak S Tawmbing
(Hiai laigelh a taktak a mi khat in tuah ahi, hiai apan sinlai bang om thei hiam chi kawm in ka tuailai pih ten sim ni)
Khovel a vang se himhim dia piang ka hi hiam ka chi mahmah hi. Vangsia leng ka kisa mahmah hi. Ka hinkhua ah khawvel a kipahna ding a om kei... A kum chet ka thei nawn kei.. Kum 2010 hi in ka thei hi. Ka lawmpa chim mahmah kei bangbang khat ahihman in Central Lamka a ka tenna in uah hong hoh zel hi. Mi le pollou ka hina ah kei om om a om a, om nial nial khat ka hihna ah Ka phone a hon etsak sek a, zan khat ka phone zang in ei singtang mi mah himahleh ei pau paite pau hilou khat tawh ana houlim ua, hon paisan hi.
A khonung in ka lawmpa pan call a hong pai a, den a na phone ka khoih a kana houlim pen in hon message hia chin a hon dong a, ken le hon mah ei chin in ka dawng hi. Huchi in amah(ka lawmpa) leng ana dawng zel ou hon chi ka gen poh dia ka chi leh na mi hoih a I hon deihsak a ahi hon chi hi. A chi mawk ei voi ken amah pau ka theih loupi ka chi in ka dong nawn hi. Ka lawmpan kei ka om hon muang in chih tawh koih a tuah hi.
Hun leh nite hongpai in kei lah amau pau siamlou ka hihman in huai hunlai( ka lawm nasem a kuan a nitak chiang a kou in a hong hoh zel ahih man in a dawng di dan bang hon hilh zel hi.
Ka pianna nulehpa leh sanggam te kiang ka gen a, hon lemsak pih louh ziak un amah kiang ah leng ka gen a, ki gamla lua i hihmanin banah ken leng nang omna ah hong hoh zou ngeilou ding ka hi chi in ka gen hi.
A kum a sim kihou lou a ka nung un, lawmte kiang ah hon kan ahi ding a, hon whatsApp in hon call zel a, himahleh ka dawng tam kei hi. A ziak tuh chik mah chiang a huai gam gam a va zin ngeilou ding banah nulehpa leh sanggam ten hon gen sa uh ahihna ah hon message sek mah leh tom chik chik in ka dawng hi. Ka dawnna tengteng leng ka nu leh pa ka en sak zel hi.
Ka Nu leh pan bawi, hiai zaw bangteng hon gen in hon chi sek mah leh hun sawt pek paisa apan i gen sa ahi, a lawh di dan omlou ahi hon chi uhi.
Ka pan ka kiang ah bawi na lawmhoih ding na muan ding Pathian kiang na gen ding aw... Ken lah ka hon kupna pen hi chin A maw hon chi zel hi. Ka bei dot luat chiang in Khawvel ah ka muan ding nang leng hon na ngetsak sam in aw ka chi zel hi.
Huchibang kawm kalah lawm hoihtak mai ka nei a, Pathian in ka thumna hon dawnna ahi chih ka lungtang ah ka koih lai in, ka muan pen leh ka haksatna tengteng tutna hon pua chia kipak taka hun zang a ka omlai in... Kei a din khimkhua hong zing bangta hi.
Vangtah kisa ing, khawvel zaw bang teng bang mah lou ahi.