SINGTANG MI KIGAWM KHAWMNA DIN( Zomi Christian Fellowship)

Biak S Tawmbing

Innlam Lamka a kha bangzah hiam ka om nungin September kha in innkuante omna lam Banglore ka tungsuk hi. Ka tungsuk sawt lou in ZCF Bangalore worship service ah ka va kikhawm kha uhi.

Kikhop tawp in biakinn kong a singpi dawn a ka pa ka nu leh mi tam lou tawh ding khawm a ka omlai un ka ngaihtuahna ah atung a thulu ka gelh hong lut hi.

Bang ziak a Zomi sung a om ei singtang mite kigawm khawm thei ngeilou i hi di ua aw, Christian Pathian hing bia ki hi ngal a nam tuamtuam om mah le hang i biak uh khat hi ngal. Ki gawm khawm thei mahmah lou. Ki nen niamna ki gen siatna ngen  himai. Ki tawsawn na kampau te zak ding om nawn lou himai hi.

Gen zek lai le, youtube channel khat a ka ngaihkhak na ah tulai a I gamsung a vai hawmtute hon gen khak na khat ah,  i gam vai hawm te tulai in mahni ang masial ngen hita... Gam it a vai hawm taktak om nawn lou in sum leh thuneihna kia deih hita.. I gam a ding a sem taktak om nawn lou bang ta, mimal kia vuk in i gam Zogam kichi tuh a lei pek a Pathian in hon piak sa ahi himah leh a taktak a gen in official a kigelhna lai le omlou a sung a teng te lah tuak a kituak lou zawmah.. Mimal innsung khotang ah ki gensiatna leh ki demna hi mai... Zomi chi a khekhat a din khawm taktak theih kal tuikang ngak a ngak mai louh ngal hih theih dang om lou.

Khawmpi ah ei Singtang mite omna teng ah Saptuam tuamtuam om mah leh ZCF om bangin
Innlam ah leng Saptuam tuamtuam om mah lehang Saptuam heutu lamten pan hon la uh hen la, Singtangmite i din khawm theihna ding un Sah khaw makai ten Khrist a unau Saptuam tengteng ki gawm a biakkhawm theihna ding ZCF innlam a leng om henla huai ah kha teng in khat vei beek tukhawm in hon siampa Pathian be khawm zel leng huai a pan Singtang mite kigawmna hong piang thei pan lou ding hiam?

© Biak S Tawmbing | 101120 5:48pm