INNSUNG NUAM: LEI AH VANGAM

Biak S Tawmbing.

[Sam:133:1]Ngai in, unaute kituak diamdiam a om khawm a nak hoih in, a nuam mahmah hi!

[Ephesate:5:21]Khrist laudan siam in kiniamkhiak chiat un.

Pathian tuh mihing siam kia hilou in, kiteenna leh innkuan bawltu ahi. Christian innkuan hoih omlouhna ah, saptuam hat/hoih a om theilou. Saptuam hoih bawlna ding kia hilou in, Gam leh nam bawl hoihna dingin Christian innkuan hoih a poimawh ahi. Christian innkuan hoih dinkhiak ahih theihna ding in koppih apan pilvan a ngai mahmah hi.

Christian innkuan tuh Pathian itna in a kankhawmna mun tu leh tate Pathian deihna bang a ittak a kepna mun ahi hi.

Innsung a papen Jesu khrist lungtang a hong ki bulphuh chiang in a nuam mahmah hi. Nute hong kipah chiangin innsung a nuam in a tawldam huai mahmah hi. A tate uh piching in nungak tangval in zi nei pasal nei in om mah le hang nulehpa mai a naupang bang in om thei uhi.. Huai tuh Pa pen lungtang ah Pathian a om ziak ahi mai ahi.

Taksa utna( Sex) ziaka nupa kal kituak a nuam ding hi pah hetlou hi. Sa ut kia ngaina huai a po pen leh a masa pen a koih mihing innsung tuh a innsung uh a mah ziak in nuamlou a suah gige ding... Salam thilten sawt a daih louh ziak in..

Innkuan sung ah a Lal pen Jesu khrist a lal pen ah hong pan chiang in, haksatna lungkhamna mun ah leng ki thuap dan hong dik a, haksa mah leh innkuan a pankhawm in kal kisuan thei hi. Innkuan ah tengkhawm leng ngaihdan tuam chiat kinei hi. Huai ngaihdan te leng Nang a neu in a hou lua kichih sak mai lou a, ki ngaih poomawh sak tuah a I om chiang in innkuan nuam hong piang thei hi. Innsung nuam tuh vangam naipen ahi ngal a.