INNSUNG PA
By Biak S Tawmbing
Hiai thugelh ding in chitna pilna siamna chinna ka nei kei himahleh ka lungsim a hong om mahmah ziak in ka hon gelh khia ahi zaw.
Innkuan kichi tuh a apan khetu Pathian ahi. Pa kia in innkuan a bawl theikei a, Pa, Nu, leh tate pangkhawm in innkuan hong om thei pan a, khotang leng innkuan sung apan hong kipan khia ahi.
Innkuan sung a Pa Khrist a kibulphulh lou a tam mahmah ta hi. Innsung a zi leh tate nei a sum leh pai la luttu na hih nak leh lungkim a zi leh tate tung a thunei tak a vaihawm tam mahmah hi.
Pa in a tate lawmta bang a kituah pih lou a tam mahmah hi. Tate leh zite kup theih louh i gamsung i Christian khawmpi Lamka zang a a tamta ngei.
Pa muh maimai a, Tate a dia kipahna hilou ka pa pot hongpai ding bang hon gen ta dia aw ka nu toh bang hong kichih ta mai zen di ua aw chi na tate uh a tam mahmah ta hi. Innsung Pa khenkhat lah tate leh zite lawm bang a bawl tate lawmte na san ngaih pih a, tate lunglutna bang hihiam chih theih pih te a ding in nuam mahmah hi.
Mi lak a om chiang nui seusau innsung a om chiang lah zi leh ta a ding tawldam na leh khamuanna hilou a puak gik guantu lel hikha Christian innkuan sung a Pa tampi tak om hi.
Zi te taksa utna hih piching na ding kia hileh kilawm, Pa khenkhat zi nei hi zenpi a zi ten bangmah kup theihlouh Pa a tamta ngei.
Ka lungsim ah hiai ka gelh kawmkawm in Khua khat ah ka om na uah tangval nou khat in hiai hon gen hi. Ka pa ka lei Pathian hi a maw ka nun a pasal dia a zot hi a, kei leh ka naute leh ka nu hon mawhsa a hon phunsan den mai.
Pate tuh i Lei Pathian ahi a, koilam en a koilam zuan a pai ding ka hi hiam? Ka nun hon thuhilh zel a himahleh ka nu thuakna gim thuakna ka muh chiang in na kasa a lawhding dan lah ka thei kei a hon chi hi. A dawn a haksa mahmah hi.
Innsung nuam tuh vangam naipen ahi. Pate adia lalna ahi. Nute a dia thupina. Tate a dia Paradise ahi. Huchi kawm pipi in Pa aw na lalna na thuneihna neikhial tamta. Pa pen ka hi ka innsung ka thu ahi, na chi a adik lua a dik petmah himahleh Jesu a kibulphulh na taktak nei Pa in a mihing pilna theihna hauna sum leh paite tawh vai hon hawm chiang in innkuan sung tangtawn dong in a dik ngeikei ding.
Zite a thupi ding bang tak ua thupi sak theilou.. Zite a dia kup pih theih lou Pa hi a Tate a ding a leng innsung Paradise hilou a gawtmun chiam lawk sak gige Pa Christian innkuan sung ah a tamta maw?Teklei a kibawl inn hoih pi sung a na zi leh tate tenpih mah lechin puakgik lianpi guantu a pang gige na hih ding kivel thak in aw...
Simtute ka gelh ut leh ka lungsim a om bang tak in gelh khe thei chet kei mah leng, Phattuamna hon tut ka lamen hi. Toupan hon vualzawl chiat hen.
Teklei a kibawl inn hoih pi sung a na zi leh tate tenpih mah lechin puakgik lianpi guantu a pang gige na hih ding kivel thak in aw...
Simtute ka gelh ut leh ka lungsim a om bang tak in gelh khe thei chet kei mah leng, Phattuamna hon tut ka lamen hi. Toupan hon vualzawl chiat hen.
Teklei a kibawl inn hoih pi sung a na zi leh tate tenpih mah lechin puakgik lianpi guantu a pang gige na hih ding kivel thak in aw...
Simtute ka gelh ut leh ka lungsim a om bang tak in gelh khe thei chet kei mah leng, Phattuamna hon tut ka lamen hi. Toupan hon vualzawl chiat hen.
©Biak S Tawmbing | 270420