Nupa te mohpuakna

By Muanching Emcies

Numei leh pasal ihong kiteng chiang in mohpuakna inei tuak a,imoh puakna tuak itheih siamlouh hiam! Izat siamlouh chi zaw di idiam, buaina nasa tak hon tun in ki khenna tanpha hon tun ana hi zaw ahi.

Pathian a ki bulphuhte a din zaw zilngai vak om hi'n ka theikhawl kei, adiak a pathian a ki bulphuh zoulou deuhte a din zildi leh thuakzohna ana poimoh lua ahi ichi ahi.

Pasal in azi zi' a neipet mah chih om ahi, insung a mohpuakna tengteng ama siamlouh hisak vek aman sum asuktuah nak leh hunsa chih le tampi om.

Zi in le apasal mohpuakna zoulou sa lua ama sepdi leh tanvou tengle pasal a di sa vek chih om zel. Bangteng hi leh pasal in numei theihsiamna toh apawm gige ki phamoh diak hi'n ka thei bangkim ah.

Numei in le pasal kia pibawl lou a ahithei tan a anu apa asanggam tan acare poimoh petmah. Pasal numei dang ngai ichihte hukziak a hong kipan hivek lou ahi chih theih poimoh.

Insung a ki thunei sak lua leh ta leh nau ka neita chia lungmuan bawl in, ut dandan a om pasal te sungkuante bang huatbawl mawk.

Na pasal in huchih ken ka pianna nu leh pa ahi hon chihtan in le gen tampi nei ahi chihtheih poimoh. Huchi ki power tawisak a nong omchia na pasal in na kiang a om nuamsa lou leh khektheih guih hi lechin hon khek utlua ahihmel kuan athei a!

Pasal le nektak sutuah zou hamham toh khamdi duh tampi ki omlai huaiban ah, lupna tung a zi te ngap leh ngaplouh hisap phalou in maisuk pah gemgam chihkhong na zi'n hon khekthei guih hi leh achihdi dan lamdang.

©Muanching | 24th April 20.