KA ZAL KHUNTUNG PAN.
By Biak S Tawmbing.

(Hiai laigelh ka lungsim a hong om mahmah ziakin saulou chik tuni 19 february 2019 zinglam 12:33 am a ka hon gelh ahi)

Hiai Khawvel i ngaihtuah chiangin khawvel leng hou kasa mahmah mai hi. Mi pil semna nei, mi hausa i chih te, inn hoih pipi nekguk mi a sik sik ding nek saka, mi loan lak ding a sai man uh hia bang a, bulding hoih pipi lamte khawsakna khawvel, sepna hoih pipi nei ten leng gilvah na ding leh thak khiat ding buaipih a na sem leh sepna nei ki hi maimai.

I khotang hinkhua i et chiang in, a zawng a hau kal ki deidan na uang semsem bangta... A pil lah tam, a gen thei lah tam lamka khawmpi inn hoih deudeuh, lampi se dedeuh, a sung a teng Christian kichi eite kituak lou dedeuh. Innsung a kituahna khamuanna bitna omlou, khotang ah leng bitna ding omtuan lou lungkham huai mahmah hi.

Office kai dia kuan a hun a tung lou... A dak chetchet a lah tunglou, office tung chiang a lah singpi dawndawn mai. Mi a lungsim tak uh theilou pi a polam latdan a demdem mai ei Christiante. Kikhom in, kikhop tawp chianga tuni thugen a nuanlua chih lam sang a huai pa huai nu le chi a genna di zong teitei Christian gam hita, Gam it kichite lah mahni gilpi ding en zaw hi le uh kilawmta.

Itna kichi lah kiam hiaihiai, itna ziak a lungsim tawngkhawng lamet bei lah tam dedeuh. Khawvel I chih leng a noona ding khat le om nawnlou... Zi leh pasal kikhen lah pung hulhul a ki teng te le lah amau thuak kop ding haksatna lunggimna om veve.

Simlei hinkhua i ngaihtuah chiang in a houh in a hou maimah ka sa hi khat veivei.