Nu, Koilam zuan ding ka hia?

Biak S Tawmbing.

Laigelhtu apan: Hinkhua a hichibang ana tuak kha mi tampi tak om ahi chih theikawm in I sim ding a, bang ngaihtuahna nang leh ken i nei a...

Apa'n tuahsiatna( accident) a tuah ziak a ana sihsan tak Kimboi leh anau lianpu tuh anu leh api te apu tawh hong khosa uhi. Anu'n( Kimboi nu) in sepna tulai mite'n i ngaihsang leh i tung et te uh, government a sepna nei hiam ahih kei leh private a sem a lawh tampi neite ahi deuh a, himah anu tuh huchibang a laisiam leh pil a hikei, himahleh ahih theihsun dawr hon hong a huchin khosakna hon pan uhi.

I gamsung ah a bikin lamka zang a tuh sumbuk bawl ten a thuaklah mahmah khat uh tuh bat a thil khot ahi. Bat a apiak louh
chiang un lah thil a khawng meng meng kei uhi. Huchi mahbang in Kimbawi nu sum mu zel sam mah leh a tamzaw bat ahi gige phial hi. Sumpi tamlou chik a hong kipan kimbawi nu tuh a sum dawnna hong se hiai a, apasal nu leh pa hileh amah nulehpa te sawk theih di om tuan sam lou ahih manin aman leng mi kiang a sum interest a la in hon sun zom tou hamham hi.

Tulai saptuam a heutu leh upa leh politician a tam zaw ten dai kilkal a haksa leh mangbang taka om te veh leh phawk pha tom mah mah ta hi. Huchin kimbawi nu leng a pasal in a sihsan na nungah ahaksatna te Pathian kiang tun zel in hong pang tou zel hi. Lungsim a haksatna liantak leh lunggim na nei in PATHIAN kiang ah thum zel mah leh dawng in a om ngeikei chi in lung ke tak in om a, huchi kawmkawm in lungsim nopna ding in zuleh sa khamtheih te a hong kibual hi.

Kimbawi nu huchi bang a hong om chiang in kimbawi te unau kum 18 leng pha nailou tuh inn sung a kipahna mulou in kholak a vak in nu don louh in hong om tou uhi.

Hunte hongpai zel in, kimbawi nu lungkham kisa lua, a bat uh lah ditlouh a om chih a ngaihtuah chiang in a ta kimboi tuh a nun ( lamka polam ah) vaigam ah mi inn a om a huai a sumte ua abat te uh din ding chi in hon sawl khia hi.

Vaigam I chih inn sung a ki khum bekbuk ahihmanin Naupang chik hizawmah banah nulehpa thuhilh louh Don louh, himahleh nu te tuh a thu uhi Ki mang hiven mi thunuai a om ding in Hong kuan hi. Mi inn a naupang chik a om tuh haksa a sa thei mahmah a... Naupang chik himahleh lungsim pil mahmah ahih man in hichin chi sek hi. NU INN LAM A HONG PAI LENG LE, KHAMUANNA INN SUNG A OM LOU, KA LEI PATHIAN NU AW JESU KHRIST MEL TANG LOU.... NU KOILAM ZUAN DING KA HIA?? 😭😭