KIPAHNA TUNTU
Gelh ni: 17-12-2018
Biak S Tawmbing

Khawvel I khangtou deuhdeuh a, I changkang deuhdeuh a, himahleh sih ut na I tuailai pihte melhoih pipite, leh kha siam pipi te lak ah pung hulhul mawk hi.

Dakkal tamlou paita in ka phone a message khat a hong luta, ka khawvel hinkhua ka ning, sih ka ut hin man om kei chih hong ki gelh in, mak ka sa lamdang kasa hi.

Ka kihou tou ua message a gen a chiang zou chetlou ahih manin ka phone a, a haksatna te a hon gen a, khawvel ah huchi bang bang mi tam e maw lawmlawm chih ka ngaihtuah ah hong lut hi.

Ka tuailai pih lawm leh vualte I nu leh pate kiangah I gen ngamlouh thil tampi om mahmah ahi. Pathian kiangah gen na d I nei a, a hamphat huai mahmah hi. Pathian kiang ah I gen dinga, himahleh Pathian in le I gente hon dawng pahpah khollou ahi.

Christian I hi a, lametna toh hing dinga kisa a, amah nungzui I hih man un, Lametna toh anuam a haksa a leng kuhkal leh lung kelou in I pai zel ni.

Khat veivei hinkhua amanphat bang a hi dia aw I chih hun a om tham ding...manphatna neilou a khovel a omlou na hi. Thil neuchik chik I hih theih te leng I manphatna etsakna hi ahi.

Khat leh khat kipahtawi tuah chih te uang bawl thei le I chih mahmah hi. Kidem dem leh ki gen siat tuah vengvung na in
Kuamah a domsang kei a, huai naksang in niamkiatna tun zaw hi.

Kipahna honpe tu Pathian ahih mahmah a, himahleh Pathian leitung a taksa a om Lou ahihmanin kipahna tuntu, lungsim damna tuntu hih sawm in. Nang leng na kipak ding a, huchiin mite a dia vualzawlna tuntu na hi ding.