Vualzawhna in honna ngak hi.
By Biak S Tawmbing.

David in Goliath bangchi thah ding chih buaipih masa loua, Zou ding chi in ginna tawh kuan hi.

Pathian ta, eite thil khatpeuh hih zoh theihna ding khuak hoihtak tawh Pathian in honna piansak te I hi uhi. Mihing adia gal lauhuai pen tuh I lungsim uh ahi.

Na mai a Goliath kikou pen ka zou dia aw, zou kei dia aw chilou in ka zou ding chih lungsim a ginna nei kawm in paini. Na lungtang a gintakna tawh na kipat masak kei leh vualzou ngeilou ding na hi.

Gari kham I om ngei ding ahi. Kham mah lou ding maw! Ei I tuanma khamsawm I hih chia, a khamsawm lou ten leng kham ahih uh leh, kham ding ka hi chia ngaihtuah na neisa a tuangten kham pah uhi.

Ka tuailaipihte I lungsim I lungtang zou dingsa in kikoih ni. Na melsiat khawng buaipih pen in nei kei in, Melhoih a hoih, tha hat ahat himahleh thil banghiam hongtun chianga lungtang bah leh ngui a ompah,thazawi suk pah chihte thupi lou hi. I lungtang khamuan ni. David tuh neu mahmah mahleh a lungtang ah lungkiatna lungsim pulou hi.

Na khut, na khe, na mit te a takin hon kihensak in hon kituamsak theia, himahleh na lungsim tawng a Toupa na gintakna kuaman hon khaktan zoulou ding hi.

Leitung a mipil leh misiam, mi minthang Toupa dopsang ichihte apil asiam ahau teng ahi keia, Ginna toh kuhkalna toh kalsuan te hi zaw hi.

Sum tampi neia, Tanu/tapate school Kai ding sawlsawl ngai.Himahleh, sawl zohlouh a tamtak a omlai un, sum neilou pipi aleng pil ding,siam ding chih lungtang pu a, kuhkaltaka panga, ginna leh lungtangpha neite vualzou hi thei hi.

Zomite I lungtang leh lungsim David bang in ginna nei kawm in khauhsak ni. Zou ding ka hi chih ginna kiptak tawh kalsuan zel ni.

Na Mai a vualzawhna dingin mi lungtang/lungsim poimawh masa lou hi. Na vualzawhna ding mi style lak ngailou ahi. Nang style mah poimawh hi. Na vualzawhna ding in mi idea lak luat poimawh masa lou ahi. Nang mah apan a suak pen Toupan deih ahi.

Goliath that dinga, David apai lai in, Goliath in Ui honsa maw? Kei that ding a chiang tawh nong kuan ana chi hi. Na let mahmah, na melhoih mahmah na pen thupi lou ahi. Ui khawng toh na kiteh tehna, kei zaw na ki chih sek na pen vuallelhna lianpi ahi.

Zomite tuh khangtou theilou ding kidem tuahtuah ding ei le ei kisawi sasa mawk, huchi bang om hun chiangin leng ginna kiptak nei kalsuan ni. Mi sangpi a tun theih uh leh ei leng tung thei I hi.

David in suan leh muan ding van zat hoih tak a nei kei. Himahleh Goliath that dingin Toupa tawh a kuan hi. David Pathian tawh ton khawm chihna ahi. Na Maia lungkhamna mangbatna te tengteng nang hihtheihna suang kenla, na tonpih Jesu thupina toh teh suk lechin na vualzou ding hi. Kei zaw na ki chih chihna om nawnlou ding. Jesu toh na ki zop taktak leh huai te tengteng tung a vualzawhna honpe ding hi.