Pianthakna kichi ahih leh khentanna tawh kibang hi. Khentanna bang hihiam i chih leh a hou pen a gen in numei te pasal neih tawh kibang hi. Nungak in a tangval a ngai mahmah a, himahleh numei in a sungte a nutsiat ngam kei leh kiteenna om theilou hi.

 

Kingaih mahmah khit chiang in bang chi bang a pasal ki nei thei ding hiam i chih leh, nungak khat in pasal a neih nop leh khentanna tampi a bawl ngai ahi. Ka ngaihzawngpa ngai mahmah inga, tun kiteng ding ka hih chiangun kou inn a zing thou hak himah leng ka pasal d te innsung a thohbaih ngaita ding. Hiai ka pianna nu leh pa leh sanggam ten hon it mahmah ding ua, ka va lutna di innsung a, ka theih ngeilouh te nu, pa chi in damsung in ka sam zou taktak diam chih bang numei in ngaihtuah ngai masa hi. 

 

Kou inn a inntek tak a om thei, khosa a om lai a, hiai te tengteng kei mah innsung apan ka nawsia zou diam?chih khawng a ngaihtuah masak ngai ahi. Hiai te nawsia in ka pasal te innsung ah haksatna lungkhamna leh mangbatna tengteng thuak ding in ka kiman hiam chia a lungsim a khentanna a bawl masak ngai ahi. Hiai te tengteng khentanna a hon  bawl a apasal te innsung a a valut chiang in pasal nei kichi pan ahi.

 

Piangthak i chih chiang in Jesu tawh kiteng ding ka hih chiang in leitung nop sak na zu leh khamtheih leh numei pasal kal thangtatna te, ka mouthak hun chiang in hiaite tengteng tawpsan ding ka hi chia khentanna diktak om chiang in Jesu Khrist ang hon zuan thei pan a huai pen pianthak na kichi hi.

 

Tua khentanna na koimun, bang hun leh bang ni chih na theih kei leh piangthak lou hikha ding na hi.( Testimony)

 

Pasal nei nawkik haksatna lungkhamna mangbatna gentheih na a nuam a haksa damsung diah ding kichiamna nei a thuak peih loute piangthakloute omdan toh kikhai lou ahi. ( nungtolh)

 

Pathian a pianthakna taktak nei a Christian hinkhua zang ding i hih taktak leh a nuam a haksa mangbat lungkhamna te i tuah ding ahi. Christian hinkhua ah a nuam himhim a om kei.

 

 Haksa mangbatna lungkhamna lungzinna hong tun hun a Jesu nungzui muan huai hithei ding in Toupan hon vualzawl hen...