LAWHCHINNA

By Biak S Tawmbing

Lawhchinna dingin ei kia a lampi a i paihun leng a kul ahi. Lampi haksa pai teitei ngai leng ahi thei. Lungtang khauh mahmah leng angai ahi. Mi tengteng a ding ahi vek hi. Belam bang mi zui honhon gige te’n amau leh amau a ki theichian ngeikei ding uh. Amau lampi paina hoihtak a en a midang te chih chih zui lou mi in amau a hihtheina om pen a mukhe ding uh.

Mi buaipih loua, amau kia hinkhua kulkal taka haksa tuak alang lang a peng khelou a, lampi a apai na uh, a zui pen uh kichian taka zui mi. Lawhchinna kipat a ding in kua mah phawk i ngaikei, ginom leh chitak a na sep na bawl na pen khat vei tei hong kilang khe mai ding hi.

Hon panpih a hon support ding neite a chau uh ka chihna ahi kei. Nang kia a na pai gige ding ahi  thatak lak na dia chi leng ka hi tuan kei, himahleh mahni kia a haksatna tawh a na kibei den te ading ahi zaw.

Kuaman hon gingta nawnkei a, kua man leng hon panpih ut nawnkei a, kuaman leng hon muang ngam nawn kei a, huchi dinmun ading khate a dingin mi na va buaipih angaikei a, min hon gingtakna beita mahleh nang na om ahi. Nang leh nang ki gingta in, kukal tak haksa chiteng phu tou ding in kiman in, nang leh nang na kigintak nak leh midang na poimawh kei, na lawhchinna ding amau ading leng ahi kei.

Nang ah kimuang in, mi nang lam a ding ding omlouh hun in tung Pathian om a, huaitoh kalsuan in, lawhchinna nang a ahi ding.